《街市遊樂團》不尊重基層？ 江美儀被轟尖酸刻薄

撰文︰Sunday Kiss

江美儀 港女上身？

《街巿遊樂團》由四位主持去到香港各區街市，介紹不同街市傳統文化，四人間的互動風趣惹笑，年紀最輕的Andrew經常被三位前輩拿來開玩笑以及隨意使喚！最新一集中四人去到長洲街市尋訪美食，節目中定位巴渣的江美儀一開始已經「港女」上身，指自己「唔餓得、唔飽得、唔企得、唔坐得、唔跪得、唔捱得，最重要係咩呀，唔窮得！」

陳浚霆 富二代身份成箭靶？

睇開這個節目的朋友，都知道麥包、阿滕及江美儀三人對Andrew毫不留情，不時都會以對方入世未深及家境富裕來開玩笑，今集江美儀亦不例外，食粥期間指着Andrew，與阿滕異口同聲說︰「佢冇嘢多，錢多！」

之後麥包問粥舖負責人會否將手藝承傳下去，對方指現時仍在物色中，所以麥包即時推薦Andrew！不過江美儀隨即指住Andrew並話︰「佢呀，富二代無嘢叻，剩係有錢同識英文！」集集都被前輩圍攻，真係隔住個mon都有啲難過……

得罪基層人士？

之後江美儀、阿滕及Andrew齊齊剝蝦殼，體驗製作蝦乾的過程。期間江美儀不停埋怨︰「我哋呢啲平時吃喝玩樂，麻雀耍樂，點會做呢啲，而家喺度自甘墮落！」兩位海鮮檔檔主正正站在身後，咁樣咪直接話他人的工作「墮落」？

一邊剝蝦殼時，江美儀當然不忘出口串Andrew，指對方的蝦肉排得唔夠工整︰「其實你隻眼有無事呀？」Andrew無厘頭地回應︰「你好靚呀！」不過江美儀尚未滿足，糾正對方說︰「我唔係好靚呀，係仙女嚟㗎！」係唔係仙女就… 見仁見智吧。

看不起街市人？

節目另一部分中，幾位主持向魚檔主人學習劏魚，完成工作後江美儀指魚檔主人要坐着一整日去處理不同魚類，但卻只賺260元一斤，即被網民指佢看不起街市人！不過江美儀其後說出好佩服他們酬勞不高，但卻願意付出這般努力處理魚類。雖然江美儀原意應該不是看不起人，不過聽在觀眾耳裏就…..

純粹戲劇效果？

有唔少觀眾認為江美儀樣子比較嚴肅，尤其唔笑的時候十分惡死，加上對Andrew說話時尖酸刻薄，自然唔太討好；不過當然，都有人覺得四位主持的互動只係戲劇效果，四人的定位各異，個性鮮明，可以令節目更加有火花！

全文完