官恩娜 餵母乳被侮辱
廣告
作為媽媽，有權選擇寶寶的餵養方式，餵哺母乳是天職，但在香港，對於見到媽媽在公眾場所餵母乳，依然有人會表現厭惡，甚至認為餵母乳是件很羞恥的事。 官恩娜 (Ella) 今日下午就在facebook及instagram發文在香港某酒店女更衣室餵母乳被歧視、被侮辱的經歷，她更用上一張在外國market餵哺母乳的相片，暗諷在香港餵母乳的情況。
官恩娜 facebook及instagram發文全文：
嗰日喺香港某五星級洒店嘅女更衣室（因為喺我所在嘅兩層樓都搵唔到育嬰室，亦有問准更衣室職員）餵母乳，比一個中年女人侮辱！其實我已經故意坐埋一邊唔好阻住人…佢走過嚟故意喺bébé G嘅頭殼頂上面同我塊面側邊大聲敲打電話同大聲閙有人喺度餵人奶！再超級大聲喺bébé G頭殼頂打電話俾酒店各部門投訴，問人哋知唔知女更衣室發生緊乜嘢事！bébé G 都俾佢嚇到喊咗出嚟???? 我都俾佢嚇到呆左比唔到反應? 點解喺呢個年代都仲有人對餵哺母乳存咁大嘅偏見？寶寶飲媽媽嘅母乳係最天然不過嘅事！我覺得無論如何都唔應該咁樣對一個五個月嘅嬰兒！事後我個心好唔舒服?
其實，Ella一直支持餵哺母乳，還不時在facebook、intargram同大家分享：「我係全埋身母乳媽媽…今晚BéBé G 瞓左超過3個鐘…其實仲瞓緊…我就好奇泵出嚟睇下…原來有220ml…比我想像多?」
編按：媽媽在公眾場所餵哺母乳，真的無須大驚小怪，其實與你在街上吃串魚蛋一樣，大家都是在吃東西，難道你會在廁所內吃飯嗎？寶寶和媽媽有必要受到如此不平公對待嗎？
撰文：Heidi Lau
相片： 官恩娜 facebook
