張頴康

小豆開學 廿四孝 張頴康 親自管接管送

育兒

廣告

話咁快暑假已經進入尾聲,好多小朋友都準備開學啦! 張頴康 同麥雅緻愛囡小豆今年升K1啦,第一日開學有爸爸媽媽親自揸車送返學⋯ 原來背後有個故事?

 

撰文:Sunday Kiss
圖片:張頴康 麥雅緻 專頁

親自接送

出名顧家好男人嘅 張頴康 唔止係個好老公,更加係一個好爸爸!囡囡小豆第一日開學,親自揸車送返學!唔好以為剩係第一日返學先咁隆重其事,張頴康喺Facebook到話,原本一直都係諗住安排囡囡坐校車返學,但係為咗同小豆見多啲、多啲時間相處,所以以後都會由自己管接管送!

父愛的偉大

張頴康補充,雖然係瞓少咗好多,不過佢就話做人父母係咁㗎啦,為咗囡囡幾辛苦都值得,真係好sweet啊!好多時做咗父母先至會明白,究竟爸爸媽媽為咗自己嘅仔女付出同犧牲咗幾多!父母嘅愛永遠係最偉大!

張頴康 在戲內戲外都是好老公,與太太麥雅緻(Angie)和囡囡小豆(張雅喬)經常在facebook 分享生活照,早前張頴康宣布太太陀第二胎,原本兩夫妻想低調唔公開陀仔定女,不過就喺出席活動時被小豆踢爆係細佬!一仔一女湊夠一個好字!