黃浩霖

治癒系女生 – 黃浩霖

article

廣告

「治癒系」嘅意思,就係令人感覺平靜,喺悲傷嘅時候可以俾到人一點安慰。喺PolyU 讀緊fashion嘅 黃浩霖 ,面上總會帶住「沒有一點侵略性」嘅笑容,令人可以放開心胸咁同佢傾計,暢所欲言咁溝通,平淡得嚟,又有啲清新,一個字:舒服。

中學嗰陣,浩霖係喺屯門嘅仁濟醫院第二中學讀書嘅,DSE攞到21分,都算中等啦!PolyU 嘅fashion 係當時嘅首選,因為佢自細就鐘意扮靚,fashion亦都係佢嘅興趣,當年要求入讀嘅分數唔算好高,所以一擊即中,都算好lucky啦!

PolyU嘅 fashion design都係其中一個熱門學系,作為師姐,浩霖都有啲貼士想醒吓今年嘅DSE考生,好似話睇多啲時裝雜誌呀,search吓唔同designer嘅style呀,同埋畫多啲啦,咁interview 就冇難度架喇!

而家浩霖讀緊Year 2,都仲未諗畢業之後想做咩,暫時都想試多啲嘢,睇吓邊樣啱自己先。如果有機會,仲想以交換生嘅身份去歐洲,見識多啲,吸收多啲外國fashion嘅優點,等第時可以用得番,咁就perfect池喇!

雖然浩霖未必係絕世靚女,但係佢對自己嘅外表都算滿意架喇,尤其係對眼啦!睫毛夠長,雙眼皮都夠深,佢仲講笑話可以慳番啲買睫毛液嘅錢tim!最衰就係鼻樑唔夠高,佢話如果鼻樑高啲,咁輪廓睇落都會深啲同靚啲!

[youtube id=”LY9FQDzN0hg”]

「學界男女神」唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋!

參加方法好簡單,只要將想推薦嘅同學,或者自薦人嘅facebook ,tag喺下面 “Comment”嘅位置; 再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺學界男女神facebook專頁 inbox或電郵到[email protected]俾我哋;如果成功通過編輯部審核,就有機會成為「學界男女神」!

「學界男女神」,等緊你嚟挑戰!

撰文: Joanne

攝影: Killy Sung

拍攝: Anthony Leong

剪接:Candy

美術:C.Ming

Hair+Makeup: Jeffery@ EM Makeup

場地提供: MioXpace (9711 9533)