Jazzy baby – 陳貝妍

article

廣告

Riko(陳貝妍)喺polyU讀緊精神健康護理(Year 3),亦都係poly danso嘅成員,最鍾意就係跳jazz,因為覺得跳舞嗰陣,最能夠表現出自信。樣靚係天生,如果個人有自信,就更加有魅力,真係加好多分架!

讀中學嗰陣,本來Riko從未接觸過跳舞,對跳舞亦都完全冇興趣。不過當時學校提倡「一生一體藝」,點都要搵樣嘢學,揀無可揀下,終於揀咗跳舞。最後當然就係愈跳愈鍾意,覺得好有型,有樣專長可以表演畀人睇,亦都係佢第一樣自己主動去學嘅興趣。

Riko而家喺poly讀緊精神健康護理,係個準精神科護士。原來最初佢最想讀嘅係機械工程,因為對生物科冇咩興趣,所以同護理有關嘅學科佢都排到好後,點知最後都中咗。但係讀咗3年,又過埋實習,發覺可以將學過嘅嘢,由理論到實踐,仲可以幫到人,其實都好有滿足感,所以佢將來畢業,都會想做番呢行。

Riko話精神科護士同普通護士最大嘅分別,就係精神科護士會學好多同溝通有關嘅嘢,例如受咩姿態、咩方法去同病人建立一個互信嘅關係。亦都要好專注同好留意病房每分每秒嘅情緒變化,因為每個改變嘅影響都可能會好大。所以喺待遇方面,精神科護士都會高少少架!

喺鏡頭以外,其實Riko冇咁多笑容架,不過佢又唔係cool嘅,只係慢熱少少啦! 對住啲熟嘅朋友,佢絕對可以玩得好癲架!而佢就覺得自己都係勧幾堅強嘅女仔,因為有咩困難佢都可以自己去解決。外冷內熱,又夠硬淨,都真係幾適合做護士喎!

Riko喺屯門長大,喺區內嘅Band 1中學 – 仁愛堂田家炳中學畢業,佢話其實屯門都唔少靚女架,平時喺區內附近嘅中學經過,見到啲女學生都幾靚架!最出名嗰個咪係Stephy囉!佢同Riko仲住埋同一條邨tim架!

嚟到2015年,「學界男女神」都要增值吓,唔止要睇盡中學界靚人,仲要殺入大專界!

所以無論你係讀緊中學定大專,只要你認為自己或者身邊嘅同學仔有呢個資格,都可以自薦或推薦俾我哋! 由今期開始,成功自薦或推薦嘅話,仲有嘢送!

參加方法好簡單,只要將想推薦嘅同學,或者自薦勇士嘅facebook ,tag喺下面 “Comment”嘅位置;再將參加者及提名人嘅姓名、年齡、就讀學校、個人專長、聯絡電話,仲有一個月內影嘅近照兩張(全身及正面),喺Sunday Kiss facebook專頁 inbox或電郵到[email protected]俾我哋;如果成功通過編輯部審核,成為「學界男女神」,自薦或推薦者就可以得到由遵理學校送出嘅「$300課程現金券」。

「學界男女神」,等緊你嚟挑戰!

撰文: Joanne

攝影: Clay Lam

拍攝:Anthony Leong

剪接: Candy

Hair:Hey@KINGS Makeup

Makeup: Wasibi@KINGS Makeup

提供場地: Anke Island Studio(3568 9173)

鳴謝:

贊助獎品

 

※如欲率先接收資訊,請讚好我們的FB專頁並於「已讚好/Liked」選單設定「搶先看/See First」,多謝支持。