張瞻冧妹妹有計 張繼聰：係爸爸嘅幸福！
廣告
張繼聰與謝安琪的B女張靖(Karina)自出世以來一直集萬千寵愛於一身，除了得到爸爸媽媽的厚愛，還有暖男哥哥張瞻作玩伴。十歲的 張瞻 (James)一直被父母稱為大暖男，喺早前阿聰上載的一段短片中，對妹妹呵護有加的James氹到Kakaball不斷大笑，見兄妹相處得融洽，阿聰都安慰地講返句：爸爸好幸福！
撰文：Sunday Kiss
圖片：張繼聰Facebook、新傳媒圖片庫
圖片：張繼聰Facebook、新傳媒圖片庫
張瞻氹到妹妹哈哈笑
張繼聰早前上載一段短片，片中見囝囝張瞻對住半歲妹妹Karina邊哼歌，邊玩玩具。交足戲的哥哥不時扮跌玩具，果然遺傳到爸爸的演戲天份！每次張瞻跌玩具，Kakaball就立即放聲大笑，興起時更大拍哥哥大髀，表現出一副好滿足嘅樣！
張繼聰甜蜜回應
見家中兩個寶貝相處得融洽，作為父母的當然安慰。張繼聰甜蜜回覆：「有個鍾意氹你嘅哥哥，同熱切俾反應嘅妹妹，等如爸爸嘅幸福。」其實張繼聰同阿Kay一直非常欣賞囝囝，稱他為「暖男哥哥」他們表示，雖然家中添了一個妹妹，但10歲張瞻並沒有因此而呷醋和爭寵，反而對妹妹疼錫有加。
張瞻不捨與妹妹分隔兩地
張繼聰之前出席公開活動曾經大讚兒子：「我個仔抱我個女抱得好溫柔，初初都擔心個仔點樣對妹妹，但睇到他又幾柔情，當妹妹喊時，他好溫柔叫妹妹不要喊，哥哥喺度。」而張瞻外出也不時掛念在家的妹妹，亦曾經要求媽咪畀佢和妹妹玩視像通話，一見妹妹就掛念到想哭，真係好sweet呀！張氏一家心連心，幸福表露無遺。
遺傳爸爸幽默感
張瞻氹妹妹有計，其實私底下的James亦是個幽默大師。近來阿聰公開囝囝Youtube頻道，原來年紀輕輕的他已經成為Youtuber了！氹得家人開心，更識拍片娛樂大眾，呢個仔認真無得彈！
