慈雲山女校

慈雲山女校 Check胸圍顏色 學生斥完全冇老師應有嘅尊重!

熱話

廣告

繼庇理羅士女子中學(BPS)檢查胸圍顏色,被指侵犯私隱後,FB群祖「名校Secrets」又再爆出一 慈雲山女校 的學生遭遇同一情境!老師除了用手掃背檢查外,亦大聲辱罵穿黑色胸圍的女同學:「你屋企一件白色都冇架咩?你係咪番黎讀書架?唔想讀啊?」爆料同學稱:完全冇老師應有嘅尊重!

 

撰文:Fiona Fong
資料來源:名校Secrets

名校Secrets原文:

BPS同類事件竟然再次發生係自己學校身上真係好無奈。內容有啲長但請大家睇落去。

今日學校check高form校服,學校校服上身係白色恤衫,所以我地每個人都已經有着背心做打底。我地都好明白學校老師咁緊張每位同學bra帶顏色嘅原意係保護同學,因為網上真係有不少影咗女學生透底衫相既變態野,但今日某位老師係check校服嘅時候嘅態度同說話根本唔係為保護同學。check校服個陣要除冷衫但其實大部分同學都著好淺色既bra完全唔會睇到咩顏色,佢禁落黎不停掃然後睇到唔係白色同肉色就叫同學企後面。咁我隔離個位同學就著好淺嘅藍色,就咁睇係完全睇唔到咩顏色,禁落去都只係睇到小小。但個老師掃左幾下就講

老師:「咩色?」
學生:「淺藍」
老師:「即唔係白色同肉色啦,企後面啦咁」
同學:「但我之前check校服其他老師都OK喎」
老師:「邊個老師?總之而家我捉咗你就係最後嘅標準。」

另一個同學穿了黑色的胸圍,被老師大聲責罵。
老師:「你屋企一件白色都無㗎咩?你係咪番黎讀書㗎?唔想讀呀?」

請問到底讀書同bra帶咩顏色有咩關係?其實就咁睇唔到咩顏色已經得,街上面嘅人唔會睇到咩顏色更加唔會掃落黎,著黑色明顯比人捉好正常但冇必要咁樣鬧,著淺色唔明點解會比人捉。佢咁樣指住同學鬧,而且當住男老師面前問你咩色,咁樣叫保護?完全冇老師應有嘅尊重。咁樣因爲bra帶而指住學生大聲鬧真係好insulting依加學校咁樣捉已經唔係為保護同學而係控制同學。係呢間學校讀左六年見到咁嘅事真係好失望。

有人估該校為德愛中學

 

有人留言指,未必人人都買合適的白色胸圍。