梁詠琪

梁詠琪 囡囡初次登台唔怯場 手拉手獻唱〈My Little Sofia〉

熱話

廣告

梁詠琪 (Gigi)日前喺北京五棵松體育館舉行第十場「好時辰世界巡迴演唱會」,梁詠琪 嘅西班牙籍老公Sergio同囡囡 Sofia 驚喜現身上台多謝觀眾,只有2歲嘅Sofia 初次登台毫不怯場,仲同Gigi手拉手合唱〈My Little Sofia〉,現場觀眾尖叫不斷!

撰文:Sunday Kiss
圖片:梁詠琪 ig、微博,新傳媒資料庫

2歲囡囡Sofia 初次登上舞台

梁詠琪 嘅西班牙籍老公Sergio同囡囡Sofia日前喺北京嘅第十場「好時辰世界巡迴演唱會」驚喜現身上台多謝觀眾,只有2歲嘅Sofia 初次登台毫不怯場,仲同Gigi手拉手合唱《My Little Sofia》。唱完後Gigi 同Sofia仲嘴對嘴錫錫,溫馨又感動,引嚟觀眾尖叫!

Gigi喺FB發文話:

「謝謝你們的支持!心情還在激動中!
這次在北京五棵松體育館舉行第十場「好時辰世界巡迴演唱會」巡演是為了慶祝入行20週年,在跟監制談流程的時候,就好像重新走了一遍這20年的路,覺得時間過得很快,而現在已有了家庭,生活更加不同了,想到歌迷都跟我一起經歷這些人生變化就覺得很感動。

😭

😭

😭謝謝好姊妹李心潔、許茹芸和張梓琳都特別飛到現場支持,當然還有我親愛的家人,這次Sofia更初登舞台,與我手拉手出場唱『My Little Sofia』。

👧🏻

👧🏻

👧🏻

其實Sofia在家中都很喜歡唱歌跳舞,我就忽發奇想,如果這個演唱會有她的參與,將來可以給她重溫這次跟媽媽一起上台的難忘時刻。10000人同時尖叫那一刻,我也很怕會嚇到她,還好她算蠻淡定的,還懂得和觀眾揮手和說謝謝,很乖乖,哈哈!

😘

😘

😘終於,我可以好好休息一下,為了那一段勁歌熱舞,我幾乎一整年都很小心飲食,今晚起終於可以大吃大喝了。

😁

😁

😁」

 

環保唔浪費!

其實梁詠琪 囡囡已經2歲大,啲BB衫已經著唔落, 梁詠琪 就實行環保政策,早前趁著母親節去新加坡探望好姊妹楊采妮,轉贈BB用品如女兒的玩具及一些較中性的衣服俾佢嘅一對孖仔,Gigi話小朋友大得快,好快唔啱身,到第時自己再生,Charlie又可俾返自己。

環保做身教

梁詠琪 經常係ig度曬囡囡Sofia啲相,一家三口享受生活,非常溫馨。Gigi環保轉贈BB用品亦都做咗好好嘅身教俾囡囡睇,等佢知道環保嘅重要性!

姐妹情深

Gigi同Charlie情同姐妹,3月25是Gigi的生日,雖然Charlie不能在Gigi身邊一起慶祝,但她特別在FB上撰文,祝Gigi生日快樂!

呢一對好姐妹各自覓得自己的幸福,有一個疼愛自己的老公,乖巧可愛的孩子,真係戥佢哋開心啊!

Gigi同老公相識半年閃婚

當年Gigi與鄭伊健相戀7年,最後分手收場,後來相繼認識法籍男友Sly與美籍男友Matthew,最後也無緣白頭。直至2010年底,剛分手後嘅Gigi,趁著2011年《香港G夜》演唱會後兩星期空檔到西班牙旅行。前任男友Sly介紹了一名當地女性友人做Gigi導遊,二人一起參加當地派對時,認識35歲的西班牙籍男友Sergio。二人一見面便非常投緣,拍拖半年後結婚。被問到半年結婚會否太冒險?Gigi笑說:「其實我哋結婚嘅舉動係一件好自然嘅事,大家好快做到好朋友、click到,相處好舒服,時間長短反而唔係問題。我哋都 覺得兩夫妻喺一齊,一定要係對方最好最好嘅朋友,因為有啲咩都可以同佢分享,一齊探索、好多嘢可以一齊去enjoy,所以大家好快就知道,可以講係適當嘅 時候遇到適當嘅人。」

婚後定居香港

婚後Sergio為了Gigi,決定搬到香港!Gigi接受訪問時話:「我覺得佢係好偉大,因為你要一個喺歐洲做嘢時間又鬆動、lunch又兩、三個鐘、 dinner由夜晚九點食到凌晨一點,一個歎慣、enjoy慣生活嘅 人嚟香港,始終香港步伐真係好急,而且當佢同佢西班牙嘅上司、同事講佢會嚟香港同太太一齊生活,通常啲人第一個問題就問「點解唔係你太太過嚟西班牙?我俾 埋份工你太太做吖!唔使擔心喎!」

Charlie經歷20年愛情長跑

Charlie和老公邱韶智愛情長跑20年,經歷過離離合合,一路上可說是患難與共,最終拉埋天窗!4年前,邱韶智特地趁着Charlie生日向她求婚:「從今時直到永遠,無論是順境或逆境、富裕或貧窮、健康或疾病、快樂或憂愁,我將永遠愛你、珍惜你,嫁給我吧!」Charlie聽完後,感動得不停流淚,連忙點頭,埸面十分感動。