澳門喜來登 酒店親子住宿幸運upgrade篇

其實金沙城中心的酒店我地之前去澳門都有住過, 之前同家人朋友分別有住過假日酒店Holiday Inn,同康萊德酒店，Conard感覺其實都唔錯，都幾悠閒，令我有種真係放假的感覺，好難形容呀…呵呵~所以當今次4月打算帶孖寶去澳門時，第一時間我就問他們金沙城中心各酒店的價錢，咁岩 澳門喜來登 做緊優惠，所以即時book了 澳門喜來登 ！

去到 澳門喜來登 check in時因為帶住BBs，所以酒店職員安排我地去另一個SPG會籍專用比較小人check in的counter去辦手續， 真係好貼心，我見好多小朋友都係喺呢個area等家長check in的。

埋到counter，好意外職員同我哋講upgrade咗我哋去Sky Tower高層的Executive Suites，行政套房好大呀，只係toilet同沖涼就已經有4個不同的空間了！

真係托孖寶的福，如果唔係我同孖爸大鄉里都未住過咁大的酒店房，差唔多成900呎！

兩個「被困」的小兄弟都咁開心，忙東忙西，好似很忙似的！哈哈！

孖寶同孖爸仲用咗置於中央的特色浴缸來同孖寶一齊沐浴，竟然有Baby Tub唔用齊齊用浴缸!!!

澳門喜來登 酒店仲有sterilizer提供，真係知道我哋需要啲咩呀！

澳門喜來登 酒店仲好sweet咁有心意卡祝孩子生日快樂，如果你哋有邊個住酒店個時生日記得同酒店提一下啦~話唔定會有驚喜呀！

因為無咩特別岩孖寶食，所以我哋第二朝另外book 左 FEAST的自助早餐食，咁可以比小小包包同水果佢地食下。

佢哋都食(玩)得好開心，兩隻都係KEEP住四圍同人SAY HI，想撩人玩，哈哈！

返上房時都有同功夫熊貓合照，希望等孖寶大個啲可以來參加佢地的功夫熊貓學堂啦！

老實講帶住佢哋其實喺酒店食嘢係會比較方便的，所以我哋之後都有喺金沙城內一家飲茶的餐廳食嘢。

一坐下，兩兄弟已不時引來店員的注意，走過來跟他們玩，孖媽很開心，兩個都是開朗、唔怕生寶的孩子，喜歡同人溝通。有個姐姐話Caydan似韓國三胞胎的第2個，姐姐超喜歡，成個手機都係收藏住呢個韓國美B的相同Video，所以佢話見到Caydan好like咁話呀！

兩兄弟隊哂成個馬拉糕，孖爸同孖媽一啖都無得食呀~！

總括來說的確 澳門喜來登 是個不錯的選擇, 期待下次有機會和家人及家中長老一齊入住親子房，可以帶長老一齊旅遊！一起製造更多的美好回憶。

我和孖寶的Facebook Page:荔枝與孖寶

我和孖寶的 Instagram IG#:laichimama

If there is any question or you looking for me and the boys, please feel free to contact LaiChiMaMa via Email:[email protected]