百合紅棗麥米茶 養心安神
廣告
我睇返之前買左嗰本「孩子飲食全書」,入面教左一個可以養心安神嘅涼茶, 百合紅棗麥米茶 ,一聽個名就諗都唔諗,買齊材料煲俾小小豬飲啦~
撰文:小小豬的成長日誌
圖片:小小豬的成長日誌
我都唔係一個怪獸媽媽,考試係會有少少緊張,不過都唔力俗小小豬。雖則話唔俗,但都總係要同佢溫下書,養成一個正確考試態度。但…..小小豬最大問題就係佢過份急性同埋非常衝動,對住份考試卷都可以神速做晒,所以好多時明明啲題目係識嘅都會因為佢嘅急性就會答錯,所以有時都真係教到我同老公都忟忟地。
我都唔係在乎小小豬要考得一百分,只希望佢有盡力同進步就得唉……個仔係自己嘅,唯有嬲完忟完又繼續努力教啦(噢….好似離左題添,不過請容許我呻一下啦)
百合、紅棗同埋小麥米都係有助養心安神功效,甘草就可以補脾益氣,所以依個涼茶就可以健脾補血同埋養心安神啦! (網上資料)
關鍵詞
百合紅棗麥米茶