黃子華 送金幣 與蘇康子上契
蘇永康早前喜獲麟兒，昨日在社交網大晒好友 黃子華 探Baby Jazz的溫馨片段，片中見到 子華 慈父相盡現，情深款款望實Jazz，就如自己親生子一樣，子華一邊抱一邊微微笑謂：「見到啲BB要好忍住唔好啜埋去。」語畢便哄到Jazz面仔扮錫錫，相信子華神如果有子女定必幸福無比。
子華 與Baby Jazz上契，榮升契爺，子華除了送上一套衫仔作賀禮，更大手筆送上「富格林金幣」一枚。連蘇永康亦寫道：「乜契爺咁重手？連我都未見過富格林金幣…」可見子華對契仔的厚愛。
黃子華 獲蘇永康邀請，當Jazz的契爺。子華跟蘇康早年因在內地合作拍電視劇(《棟篤狀王》)而結緣，自此成為老友，蘇永康接受報章訪問時解說，指與子華係「人夾人緣」，他亦從未將與子華的友誼「擺上枱」，有時跟對方食飯，知道子華不喜歡曝光率太高，都會尋找一些較穩密的地方，而蘇康大讚子華是「交得過又關心人的朋友」。
蘇永康 晒標緻B仔 集爸媽真傳堅靚仔!
蘇永康 話BB收到好多禮物，初次做爸爸，心情都係平伏，由頭到尾冇話好激動！不過佢就話佢媽媽最開心，可能係因為呢個家庭第一個孫。阿公仲話陳奕迅已經幫BB改咗名做「蘇爵士」！原來老婆生個陣，佢陪住老婆入去準備待產，期間舉住部機一直拍，仲話剪臍帶嗰陣都冇緊張，不過就覺得自己好似拍《妙手仁心》 咁，都係一個一世難忘經歷！佢仲話唔會再有第二次啦，因為唔打算生第二個。至於對阿仔嘅期望，蘇永康話只希望個囝生生性性，聽教聽話，健康快樂。
49歲的 蘇永康 與太太Anita去年宣布懷孕，預產期本為下月3日。太太低調生B，就俾阿Mark爆咗出嚟，不過阿公之後都大方向傳媒報喜話多謝大家關心，仲話母子平安，BB好可愛！阿公第一次做爸爸，有點手忙腳亂，但就非常感動同開心！
而 另一位好友張衛健（Dicky）就話太太張茜前日特登陪Anita生BB，仲話成個過程好感動，BIG 4終於有後！Dicky話阿公自己剪臍帶，不過當時就好驚佢剪錯「子孫根」！不過Dicky就唔知BB幾重，只係話佢手長腳長，仲話個樣似媽媽，即刻「放 心晒！」Anita生完B之後，阿公揸住BB手指即刻溫柔晒，好感動！成個過程阿公都有拍底，真係好值得留念啊！
BB未出世前，阿公已經成日孖老婆買嬰兒用品迎接BB！
Don’t worry…I won’t speeding 😆#speedy #speeding #happymoment #happyme #happy
William So Wing Hong 蘇永康（@william_gung）分享的貼文 於 張貼
