小公主

8位萬千寵愛在一身的 小公主

熱話

廣告

女兒不但是爸爸的前世情人還是媽媽的 小公主 ,難怪圈中一眾星爸星媽都對自己的女兒為疼愛有加,錫到佢地燶,見到女兒立刻溶化了!現在就看看有哪些 小公主 吧!

 

撰文:Sunday Kiss
相片:微博,IG

1.張繼聰、謝安琪女兒-張靖

謝安琪3月尾為張繼聰誕下女兒張靖。B女還未出世時,他已表明會鼓勵女兒打籃球,繼承他做「波牛」。女兒一出世他已經急不及待與她合照又為她加了個小皇冠,又彈結他俾囡囡聽,一副有女萬事足的樣子,十分温馨!

2. 徐榮女兒- 包包

徐榮囡囡徐心怡(包包)活潑又可愛,因演出無綫處境劇《愛.回家》馬家好一角爆紅,深受網民歡迎。早前徐榮上載了兩張與包包深情對望的照片,並留言:「坐 咁近都要係(喺)電話傾有冇咁多嘢講呀」,還tag了「前世情人」的標籤,相當之溫馨!睇真啲,徐榮嘅電話套上面印有多張包包的照片,真是廿四孝老竇呀!

 

3. 張頴康 麥雅緻女兒-小豆

小朋友大得快,尤其返學後轉變更大,阿康已不捨得女兒長大,「佢依家每日學嘅嘢好似倍增咁,未返學前睇住佢學爬、學行、識叫爸爸媽媽、學識食飯,呢啲都係慢慢學習,但佢一返學講嘢多咗,突然可以成句咁講嘢,真係可以大得咁快。」麥雅緻啱啱宣布陀第二胎,阿康可以再體驗多次湊BB的感覺啦!

 

4. 梁詠琪女兒-Sofia

梁詠琪(Gigi)和西班牙籍老公「Sergio」結婚5年,誕下寶貝女兒「Sofia」,一家三口幸福甜蜜。混血女兒「Sofia」一雙水汪汪的大眼晴 和甜美笑容像極了媽媽,被網友稱為「最小網紅」!而Gigi為女兒舉行的百日宴和生日會均是以粉紅色為主,像置身於童話世界中!

 

5.陳豪 陳茵媺女兒 -陳凱婷

陳豪與陳茵媺一直恨生女,表示追到女兒令他們如願以償:「有BB已經係天賜的喜悅,有咗囡囡是上天完美了我的人生!我哋有One big happy family!」而女兒的英文名字是Camilla,表示代表高貴、好靚,好似小公主,是好適合女兒的名字,相信女兒必定會是個幸福的小公主!

 

6. 林文龍 郭可盈 -林天若

郭可盈在2010年為林文龍誕下女兒林天若,話文龍係女兒奴真係無錯㗎!佢話:「生女好唔同㗎,有日我個女無啦啦同我講,爸爸你真係好好,你等 我大個,我要同你結婚。聽到呢句說話真係甜到呢!你問我十次我都答你生女,你依家唔鍾意,生咗你就唔係咁講。你睇吓方中信,初頭夠話唔鍾意囉,睇吓佢依家對住個女個樣!」

 

7.安志杰 Jessica C.(JC)女兒 -Tessa

安志杰與Jessica C.的女兒Tessa精靈可愛,他們經常都會在網上分享可愛小公主的生活照及短片,被說是最萌星二代!一家三口早前已經到了美國準備婚事,小公主Tessa屆時也會擔任花女呢!

 

8. 陸永女兒 -陸一穎陸一心

陸永兩個女兒陸一穎(Hannah)和陸一心(Kenzie)十分可愛,媽媽Rainah亦不時在Instagram發佈囡囡的搞笑日常,亦逗得爸爸很開心呢!雖然陸永工作繁忙,不能經常陪伴女兒,但女兒對爸爸一樣十分痴纏,每次爸爸要到外地工幹也捨不得讓他呢!

陸永兩個女兒陸一穎(Hannah)和陸一心(Kenzie)十分可愛,媽媽Rainah亦不時在Instagram發佈囡囡的搞笑日常,亦逗得爸爸很開心呢!雖然陸永工作繁忙,不能經常陪伴女兒,但女兒對爸爸一樣十分痴纏,每次爸爸要到外地工幹也捨不得讓他呢!