參觀稻香飲食文化博物館

原來嚟參觀係須致網上預約(按此參閱資料)，不過步驟都係好簡單，只需要揀好日期及時間(每日有4場，每節1小時15分鐘)就得啦，申請完之後好快就可以收到確認電郵，整個步驟真係半個鐘都唔洗，係咪好易呢~

稻香飲食文化博物館睇個名就知係主要講食啦，所以由一踏入展覽館就見到好多唔同嘅食物，最難得嘅係整個場館大部分展品千都係可以摸觸，尤其係嗰幾檔街頭小食店，小朋友係可以去任玩，依幾個場景可以話係小朋友們至愛地方，好多都玩到唔願走呀！

有傳統嘅大排擋~

整下夾餅雞蛋仔先~

剪剪剪…剪牛雜~

下頁：導賞員介紹

玩左一陣，導賞員姐姐就嚟同我地講解一下依啲小食店嘅歷史~

之後就為我地介紹老式茶樓~

又一個小朋友玩樂地方，因為啲點心又係可以拎起，齊齊嚟嘆一盅兩件啦~

之後就繼續進行導賞，比起之前嘅小店玩樂介紹，明顯對小朋友嚟講可能係深啲(又悶啲)，不過對於我地嘅成年人都有一定嘅興趣，因為都可以懷舊一返呀~

下頁：新加入展品介紹

今次主要都係介紹新加入嘅展品，全部都係來自灣仔嘅龍門大酒樓呀~

當年龍門大酒樓光榮結業之後，將好多好有紀念嘅物品擺放係依度，好似夾萬..烤爐..大門..龍鳳佈置..龍柱….等，件件都好有特式呀~

依部仲係全球第一部計數機嚟呀~

嘩….好大嘅天九翅呀~

下頁：滿漢全席介紹

之後導賞姐姐就為我地介紹「滿漢全席」，原來當年嘅食材真係何其恐佈，慶幸一早就已經絕跡，否則真係會冇晒啲小動物呀~

最後導賞姐姐就向我地講解一啲採捕食物嘅方法，同埋部分簡單嘅製作身物工具~

姐姐導賞完畢，我地就繼續去玩，當然又係返去嗰幾檔嚟個角色扮演。但真係不得不俾個LIKE導賞姐姐，因為佢真係講解得好詳細，就算預到一班看似明但又真係唔多明嘅小朋友，佢都好落力用心咁講解，就係佢依份專業，都抵讚啦！