開咗學個幾月, 見 Keicy、Kassy 同 Par Par 都好乖好努力讀書, 所以獎勵吓佢哋, 去澳門 新濠影匯 酒店玩兩日一夜, 因為而家係酒店一週年生日, 有特別活動同遊樂設施, 啱晒鍾意「一個地方搞掂晒」嘅家長!
DAY 1
去到澳門, 就有專車送我哋去酒店 check-in.
上到房, 發現係一間精緻嘅家庭房, 裡面係大人一間房, 小朋友一間房, 中間有度門隔開, 有私隱之餘, 又唔會嘈親屋入面其他人.
嚟自「華納滿Fun童樂園」嘅《樂一通》小可愛, 每日下晝都會喺一樓嘅「澳門時代廣場」表演台舉行巡遊, Tom 同 Jerry 都有出嚟跳舞呀!
3 姊弟當然要同佢哋影相啦!
做巡遊嘅呢個地方, 即係澳門時代廣場, 除咗連接住新濠影匯購物大道兩條購物大街, 更加佈置到好似美國紐約街頭, 仲有高科技浮空投影, 定期有現實+虛構嘅音樂家精彩表演, 有晒立體影像.
Keicy 最鍾意坐全球最高嘅 8 字形摩天輪, 喺 130 米高望晒成個澳門, 坐完一次又一次, 都唔捨得走.
而且有復古科幻 feel 嘅摩天輪, 透明空間又多, 喺裡面望出去, 抑或離遠睇「個8字」, 都似荷里活電影場景.
`
Keicy、Kassy 同 Par Par 都睇得好開心, 眼都唔眨, 因為今次有幾位新嘅魔術師加入, 表演內容都唔同咗.
最犀利嘅當然係國際知名魔術大師法蘭茲．哈拉瑞 (Franz Harary) 嘅魔術匯演「魔幻間」, 佢將魔術元素加上 3D 效果, 好靚! 好立體! 小朋友都睇到嘩嘩聲!
【現場】大空 feel 出場!
[avrviframe id=”https://www.youtube.com/embed/W-IdfjRv168″]
【現場】極緻光影表演
[avrviframe id=”https://www.youtube.com/embed/DsN7trqP2Vg”]
3 姊弟喺「魔幻間」嘅手信店玩得好開心, 尤其是 Par Par, 係咁玩店內 display 嘅魔術裝置.
完 show 時已經 9 點幾, 小朋友上房瞓覺, 大人就可以去賭吓錢同飲吓嘢, hehe…
`
DAY 2
第 2 朝起身, 食 buffet 早餐, 跟住帶 3 姊弟去樓上嘅草地放電…
原本大家都好期待再同 Batman 見面, 不過身高要夠 120cm , 先可以玩「蝙蝠俠夜神飛馳」呢個全球首個以 DC 漫畫超級英雄蝙蝠俠為主題嘅 4D 多媒體飛行體驗, 所以 3 姊弟之中, 只有 Keicy 先玩得……
Keicy 可以跟隨蝙蝠俠穿梭葛咸城, 同蝙蝠俠一齊伸張正義, 聯手完成艱巨任務：勇闖槍林彈雨、連環爆破嘅動作場面, 智破超級破壞王小丑、雙面人同班恩嘅奸險佈局, 仲要坐超型嘅蝙蝠戰機喺大廈之間左穿右插, 跟隨蝙蝠車展開一連串驚險追逐, 將城中頭號罪犯一一繩之於法.
唔止小朋友, 大人都好啱玩, 夠晒緊張刺激, 真係好似帶返我去後生啲嗰陣時, 話晒做咗媽媽, 年紀大咗, 有啲機動遊戲, 唔係講笑, 都幾驚吓, 未必夠膽玩㗎…… 😛
`
跟住同 3 姊弟去咗「華納滿FUN童樂園 」.
裡面超大, 有晒華納兄弟同 DC 漫畫英雄, 《樂一通》及《漢娜巴伯拉》等 character, 可以瘋狂影相之餘, 仲有得玩車車同爬上爬落, 又一個「放電」時間!
【賽車手遇襲?】Keicy:「後面有壞人呀! 」
[avrviframe id=”https://www.youtube.com/embed/G4HytAJNLOs”]
溫馨提示: 每日頭 100位入場嘅小朋友, 可以得到華納兄弟限量貼紙套裝一套.
`
之後去咗食嘢 .
我自己都鍾意食薄燒, 而呢個日本牛肉薄燒, 中間捲住嘅蔥同醬, 係佢哋自己tailor made, 香港好少有, 因為香港通常都只係捲住啲碎蔥, 而呢度嘅薄燒有啲洋蔥同蓮藕片, 所以好好食!
然後, 就好依依不捨咁, 完咗呢個兩日一夜嘅澳門之旅, 返香港 lu…
`
後記
我覺得新濠影匯做得好嘅地方係, 活動唔止為小朋友而設, 亦都好顧及到大人嘅需要, 好似 Batman 館嘅 4D 互動遊戲, 真心緊張刺激, 玩完好滿足!
希望 Keicy、Kassy 同 Par Par 喺呢兩日一夜都充夠電, 返去繼續努力讀書, 有好成績, 下一次再去玩過! ^^
FB: KeicyKK
