香港動植物公園半天遊

剛好係前幾日睇FACEBOOK見介紹，原來去香港動植物公園都有得睇，仲可以一次過睇到唔同品種嘅猴子(最好就係極度安全，猴子係晒個籠入面唔會走出嚟)，所以今日就同小小豬齊齊GO GO GO去香港動植物公園玩一轉啦！

其實由金鐘MTR都可以行到嚟香港動植物公園，係上頂覽車總站再行上多少少。不過….行 斜路對我嚟講都係一件苦事，再加埋帶住隻小小豬，所以最後我都係用左一個懶人方法，係金鐘太古廣場轉搭23/40號巴士去到堅道明愛落車，之後只係行一條 小斜路，就可以輕輕鬆鬆到達目的地啦！

可能我地係後面入公園，所以都要行一段小路先到公園中心位置，不過都唔錯，我都可以當行山，睇下啲花草樹木，人都舒服啲呀~行行下仲可以住底休息下，睇下周圍嘅景色呀~

行左大約十分鐘，就到達我地今日嘅主要目的…..睇猴子啦~

依度基本上都係有好多唔同品種嘅猴子，有啲都真係見到未見過(可能係我少留意啦…哈哈)，好在每一個品種都有介紹牌，起碼我地都知道係叫什麼名。每去到一個籠小小豬都會去睇下隻猴子叫咩名，平時食啲乜，叫佢咁主動自學(係有啲字唔明先問我)，都要俾個GOOD佢呀~

啲猴子又真係好多唔同種，有大大隻時又有啲係細細粒，有啲周圍跳又有啲瞓覺覺，所以都真係幾得意呀

下頁：除咗馬騮仲有其他動物

小小豬又真係好似幾專心咁哦，仲化身成為問題小子，咩到問一餐，真係問到我有點……..，不過佢肯問又會觀察都係一件好事，所以我都盡答啦~

除左猴子之外，仲有啲烏龜睇添~

一向冇乜耐性嘅小小豬估唔到都係度睇差唔多一個鐘猴子，真係令我有啲起出望外。之後我地就轉戰去另一個地方，就係去睇雀鳥啦~

不過好明顯小小豬都係麻麻地睇雀仔，因為佢睇左一陣之後就話要去下一個目的地啦

下頁：小孩最愛遊樂場

有咩地方咁吸引小小豬？咪就係每個小朋友都鐘意嘅兒童遊樂場啦，依個場地又真係幾多唔同種類哦，仲有平日比較少見嘅轉轉圈，真係大放電好地方呀~

另外都仲有一個俾成人嘅設施，不過小小豬都玩得不亦樂乎哦

係依個兒童遊樂場又玩左個幾鐘，係時候要繼續我地行程了。叫得動植物公園，又點可以少左睇值物，我地行入溫室參觀先~

下頁：溫室有咩睇

依度都好多攝影愛好者係度打花，所以我地都不便打擾，行左一個圈就走了~

當我行去平台噴水池時，小小豬突然大叫，原來佢發現左啲菠蘿仔，仲要求同菠蘿仔影相添

繼續向前行就到動植物公園一個重要景點，就係依個充滿花花嘅平台~

緊係要嚟噴水池影相啦，依隻傻豬仔見到個噴水池都不知幾興奮，仲話好想跳落水游一個圈添，真係俾佢激C呀~

臨離開前係依個歷史戰跡嘅牌坊影張相留念先~

真係冇諗過我地係香港動植物公園，都可以逗留左四個鐘，行下坐下玩下又睇下動物，真係快樂不知時日過。

原來香港都有啲咁好嘢睇，亦可以學到啲少少知識嘅地方(起碼知道原來猴子都有咁多種，佢地大多都係食果葉)，最好仲再係免費，所以有時間都可以再帶小小豬嚟行一轉呀！