網購

網購 Next平價英倫風BB衫

專欄

廣告

趁住英鎊下跌,媽媽梗係趁機去英國網 網購 ,我都喺ASOS入咗貨,不過買嘢俾自己之餘,都想買俾小朋友。見到好多媽媽都推介英國本地牌子Next,大家對呢間店應該唔陌生,銅鑼灣皇室堡同鑽石山荷李活廣場都有分店,但老老實實平日喺香港門市見到嘅貨色唔多吸引,我未買過,咁睇吓Next英國管網(www.next.co.uk)係咪多款又抵買啲。

 

入到網站諗住買嘢前先登記做會員,點知原來英國以外嘅地方 網購 要去番相關地區嘅Next網站,即係香港要去番http://hk.nextdirect.com/en,咁都唔緊要,佢寫明「英國出貨」,即管睇吓香港網有冇筍貨。

型格牛仔裝

連身裙幾十蚊有交易

網購 確係比門市多款又靚啲,我想幫囡囡買定下年嘅夏天衫,同埋睇吓有冇心水秋冬裝。童裝由0歲至16歲都有,款式貼近英倫風,價錢由幾十蚊起。幫BB買衫,通常揀100% cotton實無死,最緊要質地好,BB著得舒服。

呢兩條裙最啱做花女或者去飲宴著

外套、秋冬套裝都唔算貴

雖然價錢未必係最抵,但款式較平價衫靚,甚至比價錢望落貴價。想以合理價錢,幫小朋友打造成英國小公主、小王子,我覺得係唔錯嘅選擇。而且可以作為面試戰衣,著上身好smart。

男仔衫都好靚,著上身成個小王子

買滿$250已經可以免郵費,Next承諾4個工作天送達貨品,效率都好高,暫時未見到媽媽話逾期先收到貨,口碑唔錯。