漢字文化體驗展覽

週末 親子 好去處 ! 漢字文化體驗展覽 玩互動遊戲

專欄

廣告

(Presented by 中華出版促進會 漢字 文化推廣專業委員會、香港饒宗頤文化館主辦)

星期六日就係小朋友同家長嘅歡樂時光,唔想浪費咁好嘅親子時間,當然要識搵好去處啦!依家舉辦緊嘅「活字生香 漢字文化體驗展覽 」就啱哂大家去喇,一邊玩一邊學習,正呀!佢仲有好多精彩活動添,立即睇睇!

圖片:Mark

講完開幕典禮,講返成個活動有咩精彩位先!

1. 6大展區

6 個展區咁多嘅展覽好少有,例如「大漢美字」、「 漢字故事」、「字在生活」等展區,而且空間勁大,絕對唔會人逼人,行得好舒服添。

2. 三月:「花花字遊節」

早前三月嘅 漢字文化體驗展覽 活動有「花花字遊節」,就咁聽個名都吸引喇,其實佢係饒宗頤文化館的花節共襄盛舉嘅活動,特別安排系列同花相關嘅漢字互動環節嚟嘅,從中可以體現到漢字嘅美添,相信媽媽們一定會鍾意呢個系列!

3. 四月:兒童節呈獻「漢字繽FUN樂」

4月係兒童節,主角當然係小朋友啦,因此大會特設咗「 漢字繽FUN樂——開啟孩子的奇思異想之旅」展區,希望小朋友可以透過遊戲學習漢字嘅知識,可以邊玩邊學習,一舉兩得!

4. 五月:漢字「家」年華

去到 5 月就係母親節,中國傳統文化重視「家」嘅概念,因此漢字文化體驗展覽 以「家庭」為單位,增加親子感情,一家人去睇嘅話,一定好 Warm!【活字生香】漢字文化體驗展在 5 月推出漢字“家”年華主題活動,屆時展館將舉辦一系列 “家” 文化親子活動,包括:免費遊戲互動、趣味漢字課堂、國際博物館日主題活動以及 DIY 手工作坊等。遊客在館內完成2 個簡單任務,即可獲得特別禮品一份。

5. 重點:唔可以錯過精彩手工工作坊呀!

重點嚟啦,鍾意手作嘅大家唔可以錯過今次展覽嘅工作坊呀,包括書法、橡膠印章、diy 木印章、自整襟章等工作坊,大人小朋友都一樣啱玩!

詳情:

鳴謝:科大訊飛股份有限公司提供漢字能量達人的語音識別和面部識別等人工智能科技
鳴謝:北京單向街文化有限公司解說籖文中風趣而智慧的「宜與忌」。主題:活字生香 漢字文化體驗展覽

展覽:2017年2月18日-6月30日

時間:每週二-週日(週一休館)10:00-18:00

門票:免費

地點:香港九龍青山道800號饒宗頤文化館F座上層

網址: www.tvwocc.com