8/10一日限定 萬八尺童樂場 西九草地自由約 @Parent婷

終於等到十月喇﹗過晒全年最熱最濕的日子，可以同一對寶貝仔女走出室外，享受戶外活動。你知喇﹗香港秋高氣爽的日子太短暫，一定要好好盤算怎樣利用每個周末，絕對不能浪費。好似8/10，我早就在schedule記低要去西九「自由約」。唔經唔覺， 西九自由約 又返嚟喇﹗呢個喺西九文化區苗圃公園舉辦的活動，由9月開始至翌年3月，逢每月第二個周末舉行。上年我哋全家去過一次，阿囝阿囡開心都唔肯走，今年一於早啲去，玩餐飽。

真正屬於小朋友的遊樂場

小朋友可以喺大草地無拘無束跑跑跳跳已經夠開心，10月呢次 西九自由約 ，仲同ohmykids聯乘，以「童樂場」為主題，真正由小朋友角度去打造一個遊樂場。當中有不同的遊戲可以發揮佢哋既創意，想點玩就點玩。好似可以自由搬動既「自由跳飛機」，唔需要死跟遊戲規則，點擺點跳，全部自己話事。又好似「車呔木條陣」，通過大型障礙物，既可以練平行，考身手；點行點走，全看小朋友的心思心意。

由7歲仔設計的Marble Run! Run!

不過我最期待還是超巨型的「滾珠積木」遊戲。用兩百幾件積木及升級改造拾荒物料如膠樽、紙箱等組成，積木本身是由26個家庭，在專業木藝團體「伙木工房」帶領下，親子合作一同打磨拋光上油的，非常有意思。最厲害是，整個遊戲的總工程師原來只是一位7歲的小朋友Jay，他自細覺得「滾珠積木」很剌激，今次獲邀和ohmykids合作，他就親自繪製草圖，經過精心計算，為滾珠設計路線。在媽媽Kathy的幫助下，請專業工匠完成製作。我很想知道這個自由組合的「滾珠積木」有多大型，更期待木珠如何經過重重障礙成功到達終點。

玩到出晒界

Messy Play在外國一直很流行，不怕邋遢，亂玩亂畫去為小朋友營造自由玩樂空間，從而啟發潛能及感官。今次自由約設有大片鋪上膠布的空地，任孩子隨意發揮，寫寫畫畫，唔怕出界。另外，大會仲設計了一個大型射擊台，有枝大丫叉，仿效Angry Bird的概念，射中目標就可以得分，小朋友一定like爆。

聽聽歌，吹吹風

咁精彩的節目，小朋友一定玩到唔捨得走。雖然有美食車駐場，但諗諗吓都係事先準備定生果、小食，玩到攰都可以補充體力。再唔係，現場有中、西音樂表演：本港地水南音師娘─唐小燕的《客途秋恨》、Freespace Mixtape Vol. 1 其中一位本地唱作人Jonathan Yang、旅居香港的法國人組成的Le Groupe Electrogène Fanfare Club以及獨立樂隊Life Was All Silence……坐在草地聽音樂，吹海風，一蚊都唔使洗，爽透了﹗

[ ohmykids x 西九自由約 ] 童樂場

日期丨10月8日（星期日）

時間丨下午2時至7時
地點丨西九文化區苗圃公園 – 大圓表演場地
詳情 | https://goo.gl/W8fak1
註：
1. 免費入場
2.現場特設「鬥木體驗」工作坊，歡迎即場參加。