只生一個! 馬德鐘 :獨子能全心全意照顧
廣告
馬德鐘 （Joe）與太太張筱蘭（Karen）多年來只有獨子馬在驤，從沒打算生多個，因為生育容易教育難，寧願全心全意投入教好兒子，Karen解釋︰「因為我哋冇時間，如果時間唔容 許，你生幾個小朋友但又照顧唔到，我寧願用100分心機同時間俾一個，唔會miss咗佢任何經歷。但當你全副心機擺喺佢身上，唔好預計會有咩回報。」
撰文: Ling
攝影: Clay Lam（部分相片由受訪者提供）
髮型: Nichol Yip from HARI
場地: 松（tel: 3428 5938）
Joe 與Karen皆來自大家庭，Joe有六兄弟姊妹，Karen都有五個，兩人皆排最細，Karen覺得人多相處當然開心，可以有商有量，但屋企資源會 分配得不夠好。
曾明言想做哥哥
兒子也曾提出過想做哥哥，但長大後有自己生活圈子，亦有父母愛錫，他很享受現在的生活。Karen笑言全賴一直以來對兒子的投入，母子間的 感情依然親密，每晚臨睡前都會錫錫，「中國人比較內斂，少啲肌膚之親、攬攬錫錫，但我同阿仔之間由細到大都好親密，佢好信任我。做父母一定要俾子女覺得， 你係最信得過嘅人，無論發生咩事，佢都會同你講咗先。」
媽咪身教 邊湊仔邊讀博士
Karen 自誕下小朋友後，沒有放棄學習，1998年懷孕期間開始，在科技大學攻讀社會科學哲學博士學位，邊讀邊照顧初生兒子，2003年畢業，為兒子樹立一個好榜 樣。「嗰段時間好開心，好似跟住囝囝成長學習咁，好似重新做一個人。我畢業時佢5歲，我哋就踏入人生另一階段。」
同時她閱讀大量有關小朋友心理、身心健康等書籍，啟發出一套教仔之道。「身教及家教最重要，因為會影響小朋友嘅性格同待人處事，比學校教知識更重要。」此外亦需重點發掘孩子的潛 能，因為每個孩子不一樣，做父母必須懂得放大孩子的優點，首先要教導他們管理自己，訓練自律，有條理的人才有效發揮所長。
