【玩轉科學園】 夏日科學派對

[avrviframe id=”https://www.youtube.com/embed/PDBDXTbdE40″] 上次嚟到我見就錯過左睇鴨仔哥哥表演魔術，所以今次我地就早少少到，希望可以睇魔術表演。我同小小豬都真係幾鐘意睇魔術，鴨仔哥哥係短短幾分鐘就表演到幾個魔術，仲即場教小小豬玩一個小把戲，真係好精彩呀~

今次小小豬玩嘅互個互動科學工作坊，種類都好唔同，每一樣都係由零開始，都幾有挑戰性。但其實同樣都係希望小朋友可以邊玩邊啟發創意思維。
陸上氣墊船~

其實一睇個製成品我都有啲驚，因為啲配件都有點複雜，我地就唯有乖乖聽書，留心導師教我地整啦~

依個工序都真係比較多，所以我地在場家長們都話其實係俾家長做，不過大朋友小朋友齊齊落手做，都係一個好好親子活動呀~

雖然小朋友參與度可能唔算多，但當小朋友見到氣墊船成功升起兼向前行時，大家都不知幾興奮呀~

漂浮小踏板~

依個可以話係小小小豬最鍾意玩嘅工作坊，因為完成之後可以放船仔。亦都因為小小豬好期待放船仔，所以佢都好俾心機咁自己跟住導師一步步嚟整~

砌好左之後，就交俾哥哥用熱溶膠痴貼好~

最後貼好個浮板，就完成啦~

小小豬一整好左，都未得得切乾透，就急不及待去放船仔，仲玩到唔願離開添~

伽利略溫度計~

依個工作坊就係自制溫度計，一向小小豬都鐘意睇溫度計，今次可以自己整仲唔心急好想見個製成品。雖然心急，不過佢都好專心咁數啲珠珠，因為一入錯珠珠數量，咁就冇左嗰科學原理，咁個溫度計就唔WORK啦~

話咁快就完成自家制溫度計~

即場就用啲熱水嚟做實驗~

當遇到熱水，入面啲小樽仔就會沈，小小豬嘅製成品都沈左，就即係佢所做嘅溫度計係成功呀~

我地做完自家制嘅伽利略溫度計，當然唔少得睇導師原裝正版啦，小小豬又嚟問題少年上身，不停問點解依個咁多小樽仔，點解…點解…..，真係問到我有啲唔好意思，好在導師都好耐心咁解答依位問題少年~

水力升降台~

另一個小小豬都好鐘意玩嘅工作坊，因為可以有車玩嘛！不過其實唔止小小豬，我都覺得唔錯，因為看似難難地，佐其實可以全程由小朋友自己去做，佢地嘅成功感會大好多呢~

導師姐姐只係幫小小豬兩個步驟，之後佢就可以自己完啦~

完成後就當然要即刻放車啦~

如果實驗室~

依個就完全係小小豬自己去感受，因為家長唔可以入去，初時我都有啲擔心小小豬會攪唔到，好在身旁有位大哥哥，佢都幫忙小小豬做實驗。
整個工作坊都係以幾個小實驗去做水嘅特性，可能係以理論為主，所以好多小小豬都唔太明白，不過一到要做實驗時，佢又回覆精神，都可以跟住做啦~

一嚟玩左幾個工作坊，雖然小小豬都幾享受工作坊嘅樂趣，不過佢始終都係鐘意跳跳的，所以就俾佢嚟彈彈床放電一番~

再去做文靜啲做個小手工~

其實今日小小豬嘅表現真係唔錯，好多工作坊佢都係自己去做，唔使我點樣幫佢，見佢仲做得好投入又用心添。
我地三口子都好鐘意入嚟科學園玩，因為可以有得玩又可以學到嘢，都幾有意思呀。嚟緊仲有兩個星期日會舉行，大家有興趣都可以去Cityline 購票通購買工作坊門票。部份門票於活動當日於科學園即場發售，開售時間為上午11時。不過門票有限，售完即止呀！

 

 

More Information :
日期：2017年7月23及30日及8月6、13及20日 (星期日)
地址：科學園第三期12W大樓地下，一樓及大展覽廳

時間：下午1時至6時
Website：https://www.hkstp.org/hkstp_web/zh-hk/Events-calendar/?Alias=vibrant-science-academy-summer
Facebook：https://www.facebook.com/HongKongSciencePark

 

BY小小豬的成長日誌