【米奇陪你食早餐】雲龍軒自助早餐

熱話

廣告

今年生日剛好見到迪士尼酒店有優惠,所以老公就BOOK左迪士尼探索家酒店同我地去返兩日一夜。雖然之前都入嚟玩過一次(按此重溫),不過有得玩我又點會SAY NO,所以就嚟一個開心生日之旅啦!

上次入嚟住都已經勁想去搵探索裝米奇,不過因為遲左BOOK,所以自助早餐同午餐都FULL晒。有左上一次嘅失敗經驗,今次係BOOK房間時即刻BOOK埋自助早餐,所以終於可以嚟集郵啦(無錯…食都係其次,我主要都係為集郵…哈哈)~

[avrviframe id=”https://www.youtube.com/embed/VLWk6fiWSn4″] 雲龍軒嘅早餐BUFFET係分兩轉,早上7:30一轉,另外就9:00一轉。但原來可以預約嘅就只有7:30那轉,9:00嘅就要睇下當場仲有幾多位,以先到先入的方式入座。
嘩…要7:30就去食早餐,真係好耐都冇試過,不過我又怕9:00嗰轉又冇位,同小小豬傾過之後,我地都決定為左集郵(我嘅目標好明確),所以就早早地去食早餐啦~


真係唔可以睇少米奇嘅威力,7:30就已經有好多人係度食早餐啦~

由於雲龍軒係以中菜為主,所以都有好多中式食物呀~


當然西式麵點同埋沙律依啲都唔可以缺少~


熱葷種類都唔少呀~


仲有廚師為我地即場煎雞蛋配,依個真係超大力推介呀~


仲有燒火腿都好好食呀~


真係辛苦晒各位廚師了~


飲品種類都有好多,最開心就係有我至愛嘅菠蘿汁,真係好好飲呀~


其實暗地裡小小豬都不知幾鐘意去食自助餐,因為可以自己鐘意食乜就夾乜~


可以自己話事,真係胃口都特別大啲呀~


戲肉終於到,MICKEY & MINNIE出嚟啦~


MICKEY & MINNIE會係指定嘅影相位置同我地影相,雖然都係要排一陣,不過排到我地時係可以同佢地玩一陣,唔會俾人趕走呀!
我終於等到依個機會,真係勁開心,探索家米奇真係好靚呀~


有 MICKEY & MINNIE陪我過生日,真係超級興奮呀~


雖然我話食都係其次,不過始終食都係好重要。坦白講,食過幾間酒店早餐,感覺都係好一般,所以今次抱住唔太期望。但….次次係冇期望之下就總係有驚喜,估唔到雲龍軒啲食物種類又幾多,而且啲味道都唔錯添!
BY小小豬Kinsey