我愛 shoes shopping!

女人開心又買鞋唔開心又買鞋，晴天又買鞋雨天又買鞋，仲之我地女人就永遠有十萬九千個理由買鞋，哈哈！之前係Facebook已經見過好幾次有d星媽，好似：陳倩揚、陳淇等都介紹過呢間鞋店，所以就算係有點遠都要過黎望望呢！

雖然離我地屋企比較遠，但婆婆都話要再返黎，無辦法，因為d款真係好靚，老中青幼，連謹姐同濤哥都有岩既款（但唔好意思無男裝，所以強哥無份，公公亦可以只充當攝影師,HAHA）

講返正題，我知我貪靚，我認！平日好少著高跟鞋，因為怕腳痛，湊仔亦唔方便，但今次真係忍唔住，連掃三對唔同色唔同Style但都真係好靚既高跟鞋，白色高跟鞋顯腳瘦,裸色呢對無得唔要，因為呢個色係今年大熱又易襯衫，最後呢對紫色好高貴大方，尖頭係我最愛！

而婆婆亦唔輸蝕選了三對舒服得黎又好好襯既鞋，因為婆婆對腳唔好，平日最多著波鞋，但女人有邊個想日日只著波鞋？我平日買鞋送比媽媽都好小心，怕對佢雙腳唔好，但今次真係好放心，因為呢個巴西牌子Piccadilly有晒軟墊卸力，令腳背行得特別舒服，亦有排腳汗功能，唔會咁易有腳汗腳臭問題令著鞋時舒服好多，所以婆婆都買左對有d踭既，哈哈！

謹姐就幫佢選了一對白皮鞋和一對運動鞋準備九月開學著，另外見呢對白色涼鞋都好靚，所以買埋!

So far都著左半個月，仍然覺得好舒服，所以真心推介比各位靚媽！搵日帶埋自己媽媽同小朋友黎shopping啦！超開心!我地過兩個月會再黎睇鞋，大家密切留意有咩新款update你地!