Picaridin

世衛組織及兒科醫生 一致推薦 驅蚊成份Picaridin 最有效而安全

健康

廣告

(資料由李卓漢兒科醫生提供)

近排落左咁多雨,蚊患變得嚴重,真係要小心防蚊,尤其是小朋友最惹蚊,作為父母見到小朋友俾咬到又紅又腫,真係超心痛。而市面上有好多唔同嘅防蚊產品,究竟點揀先係最安全而有效呢?

防蚊產品選擇層出不窮,但只要細看成份,再作出對比,你會發現好多驅蚊產品唔單止驅蚊效果差,仲有機會對小朋友幼嫩嘅肌膚造成傷害;同時,千其唔好睇小俾蚊蟲咬嘅禍害,因為好大可能會衍生其他問題,如患處出現水泡,膿疱、淋巴發炎,甚至發高燒,有研究更指出:全球有高達50多種經由蚊蟲傳播病毒,例如:寨卡、登革熱、日本腦炎等,嚴重既甚至危害性命! 事關重要,兒科醫生李卓漢為大家分析不同驅蚊成分:

驅蚊成分比較

DEET避蚊胺

一般舊式驅蚊用品使用DEET,雖有效,但李醫生指,愈來愈多個案指出,DEET在一些人身上會出現嚴重反應,會刺激皮膚、可引發神經麻痺及身體抽搐,更重要係美國疾控中心唔建議10歲或以下小朋友使用!而且DEET成份比較舊式(四十年代推出),甚至會融化塑料,由此可見其侵入性,對小朋友身體未必係一個合適嘅選擇。

網上實驗

純天然驅蚊

好多人對「天然」兩字總係充滿幻想,以為天然一定係最好,但事實上李醫生指,標榜純天然成份的驅蚊用品,如紅番茄、香茅油、薰衣草、迷迭香等,有關功效嘅數據及研究較少,效用欠保證,通常每隔2至3小時就需要補噴,去到蚊多的地方就未必夠保護,但使用過密又會容易敏感。而且天然成分常用到植物精油,當中有可能刺激小朋友皮膚。

唔講唔知,天然驅蚊用品嘅原理係利用蚊抗拒嘅氣味嚟防蚊,但蚊蟲習慣及適應過後就會無效。

網上實驗

新一代Picaridin驅蚊成分

驅蚊成分Picaridin推出時間只有20多年,但得到世衛、歐盟、美加權威組織推薦,已經係超過50多個國家使用,研究指有效驅除蚊蠓蚤蟎,預防疾病散播。李醫生指Picaridin通過多項安全性敏感性皮膚測試,1歲以上幼兒、大人、孕婦及蠶豆症患者都可以使用,亦唔會破壞塑膠及紡織品。
Picaridin嘅驅蚊原理係有效干擾蚊蟲偵測人體氣味,防止蚊蟲追蹤或接近皮膚,另外亦於皮膚表面形成揮發性保護膜,有效防止蚊蟲叮咬皮膚。有別傳統防蚊用品濃烈氣味,含Picaridin用品氣味淡而清新,確實有較多優點。

(資料由李卓漢兒科醫生提供)

參考資料:衛生處網頁