李佳芯

李佳芯對已婚視帝有感覺:佢未婚真係會中 女神3招瘦身法保持身段

熱話

廣告

李佳芯 (Ali)自2005年起已是旅遊記者熱門選用的Model,想當年多次成為《新假期》的封面女郎。入行多年,她由雜誌封面女郎,做到有線旅遊主持,現在已做到TVB視后,原來曾經對人夫視帝動真情?近日她接受主持楊詩敏(蝦頭)和連詩雅的網上節目《#絲打圍爐》訪問,自爆戲假情真的經歷。

編輯:東方新地、Sunday Kiss|原文刊於:新假期

李佳芯認對陳豪有感覺:佢未結婚真係會中

李佳芯於網上節目《#絲打圍爐》訪問,指演員很容易愛上對手:「演員投入角色,嗰段時間會當真咁做,因為對得太耐,日對夜對,其實演員真係容易撻着,我慶幸自己咁遲開始拍戲,因為有時心諗,完咗之後大家依然繼續,真係會容易…甚至乎鍾意咗對方,會懷疑自己係咪鍾意咗佢,有時真係會迷失咗…唔知係咪演員底,演員啲感情好容易流出去,細個唔識控制,流出去收唔返。而家大個咗,就識得控制情緒,嗰啲假嘅、表面表面,識得區分。」

李佳芯
(圖片來源:YouTube@ChillGOOD TV)
李佳芯
(圖片來源:YouTube@ChillGOOD TV)

她坦言拍《跨世代》時開始與陳豪熟絡,對這位人夫讚不絕口:「阿Mo(陳豪)囉,真係阿Mo,我好多套劇同佢一齊,《潮流教主》嗰時係敵對,加上我好慢熱,好少同藝人好快熟絡,嗰時同佢好唔熟。直至《誇世代》開始熟,我哋喺戲裏面係一對,開始真係投入,阿Mo真係好友善,無論戲內戲外都好照顧,係好爸爸、好老公。我作為後輩有時會問佢意見,佢好樂意解答後輩問題。去到《誇世代》同《殺手》之間,真係覺得呢個男人,如果我早幾年入行,如果佢未結婚,真係會中,因為佢真係一個太好嘅男人。」她指陳豪很愛老婆陳茵媺:「晚晚同佢開劇,佢會同Aimee(陳茵媺)視像通話,好甜蜜,呢個男人好到做老公一流,你會有呢種感覺。」連詩雅再問她:「有少少幻想?」Ali坦言:「係,會有種『去邊度搵呢種男人』嘅感覺囉。」

《誇世代》劇照:

她去年跟舊愛陳炳銓分手,斷七年情,在節目中她指自己打從心底是渴望被愛,但拍拖時甚麼都會靠自己,有困難時不會主動求救,令前度覺得她很獨立,沒有被需要的感覺:「我好需要照顧嘅感覺,佢成日覺得我可以自己搞掂,我會覺得唔好煩,自己做到就做,其實好蝕底。撒嬌可以當係情趣,用一啲方法令對方覺得,原來我係需要關心、需要你。」

視后李佳芯 未紅前舊照大曬冷

李佳芯自2012年由收費電視轉到TVB後,從姣精演到人母,非常好戲,到2016年已在TVB《萬千星輝頒獎典禮2016》取得飛躍進步女藝員,2017年更憑《與諜同謀》和《踩過界》兩部劇集打低胡定欣和宣萱取得大馬視后「我最愛TVB女主角」獎,成為首名奪得「飛躍進步女藝員」僅兩年就獲封視后的女藝人。原來未紅前的她在旅遊記者界已經頗出名,出名肯捱肯摶好相與,大約十多年前已多次同《新假期》上山下海,由台灣、日本,去到意大利、澳洲、斐濟,最勁仲去埋南極!以下的封面同內容,眼利網民又記唔記得先?

李佳芯 李佳芯Ali十多年前已多次同《新假期》上山下海,由台灣、日本,去到意大利、澳洲、斐濟,最勁仲去埋南極!
李佳芯Ali十多年前已多次同《新假期》上山下海,由台灣、日本,去到意大利、澳洲、斐濟,最勁仲去埋南極!(圖片來源:新假期照片庫)
李佳芯 由收費電視主持,轉到大台做是非精,再由情婦角色做到入屋,全靠呢副剎食笑容。
由收費電視主持,轉到大台做是非精,再由情婦角色做到入屋,全靠呢副剎食笑容。(圖片來源:新假期照片庫)
李佳芯 Ali在劇集《踩過界》中變身豪放大法官,其實她以前出trip都已夠放,健康Bikini碎料啦!
Ali在劇集《踩過界》中變身豪放大法官,其實她以前出trip都已夠放,健康Bikini碎料啦!(圖片來源:新假期照片庫)

01|走勻全台灣影婚照(2005年)

12年前的李佳芯剛投身Model界,還未做有線主持,第一次同《新假期》出Trip,人生第一次的婚紗相就要走勻全台灣影。當年的妝髮造形今日睇起上來當然娘味十足,不過當年唔興過份的Photoshop、唔興假眼睫毛和大眼仔,Ali 靚樣同今時今日差唔多,證明靚樣真材實料啦!

李佳芯 影靚相彈性要高,見到條公路都可影一餐,Ali 一樣配合到。
影靚相彈性要高,見到條公路都可影一餐,Ali 一樣配合到。(圖片來源:新假期照片庫)
李佳芯 李佳芯Ali首次為《新假期》拍封面,就穿起嫁衣!(307期|2005年7月出版)
李佳芯Ali首次為《新假期》拍封面,就穿起嫁衣!(307期|2005年7月出版)(圖片來源:新假期照片庫)
李佳芯 當年仲興嘅Sammi式幼眉、無大眼仔、無粗黑眼線,天然無添加都已夠靚!
當年仲興嘅Sammi式幼眉、無大眼仔、無粗黑眼線,天然無添加都已夠靚!(圖片來源:新假期照片庫)

攀山涉水擺甫士

影過婚紗相的人就知,靚相一般在兩日內瘋狂影晒;李佳芯在拍攝期間要著住婚紗攀山涉水、公路狂奔:爬上台南的七股鹽山、在青青農場拍攝薰衣草和野花遍地的場景,忍受38度高溫及長期暴曬的拆磨。

李佳芯 七股鹽山的鹽堅硬巉手,Ali著住婚紗爬上去影相都唔易。
七股鹽山的鹽堅硬巉手,Ali著住婚紗爬上去影相都唔易。(圖片來源:新假期照片庫)
李佳芯 以為影靚婚紗相好Glam? Ali踩住泥都一樣交足戲。
Ali踩住泥都一樣交足戲。(圖片來源:新假期照片庫)

當年的記者憶述,拍攝當日台北天氣驟晴驟雨,拍攝團隊只好躲在車內,待雨停時李佳芯立刻跑出車影,影不到兩三張又下雨了,又要躲起來。如是者,跟天公玩足一整天躲貓貓。李佳芯都以專業態度面對,第一次出Trip,其實好難得!

李佳芯 拍攝時38度的高溫、又時晴時雨,Ali 坐埋一邊整理妝髮都無黑面。
拍攝時38度的高溫、又時晴時雨,Ali 坐埋一邊整理妝髮都無黑面。(圖片來源:新假期照片庫)
李佳芯 呢張相Ali應該都唔想睇返!
呢張相李佳芯應該都唔想睇返!(圖片來源:新假期照片庫)

翻閱2005年的陳年舊雜誌,當年記者好鍾意寫詩,而影相的攝影師亦好鍾意Model頭戴一大朵花(利申那位是台灣婚攝公司的攝影師)。

李佳芯 當年影相的台灣攝影師好鍾意在Model頭上戴上一大朵花。
當年影相的台灣攝影師好鍾意在Model頭上戴上一大朵花。(圖片來源:新假期照片庫)
李佳芯 去到墾丁海邊叫Ali同臨記「老公」耍親熱,絕無托手踭!
去到墾丁海邊叫李佳芯同臨記「老公」耍親熱,絕無托手踭!(圖片來源:新假期照片庫)

02|天寒地凍沖繩追櫻(2007年1月)

為了向廣大的讀者報導日本的櫻花情報,《新假期》記者往往要帶同Model 提早出發。去完台南的1年半後,李佳芯跟《新假期》記者2007年1月出發到沖繩,在短短5日拍攝時間內要影櫻花、又要影海邊Resort。當年的記者指,那時候李佳芯已經是模特兒界的女神,但過程雖然辛苦捱凍,一樣好影無架子有交帶。

李佳芯 1月出發沖繩影櫻花,其實仍凍,但為咗封面靚,赤膊捱凍仲笑容燦爛!(390期|07年2月出版)
1月出發沖繩影櫻花,其實仍凍,但為咗封面靚,赤膊捱凍仲笑容燦爛!(390期|07年2月出版)(圖片來源:新假期照片庫)
李佳芯 其實當時花期未到,只得間唔中有一、兩棵開了櫻花的樹,Ali獨個兒爬入山谷花叢扮晒全部花花世界,上山落水無怨言,工作態度一流。
其實當時花期未到,只得間唔中有一、兩棵開了櫻花的樹,李佳芯獨個兒爬入山谷花叢扮晒全部花花世界,上山落水無怨言,工作態度一流。(圖片來源:新假期照片庫)

春寒扮初夏 背心短裙頂硬上

1月的沖繩還是冬天,只有10度的低溫,但為了畫面好看,拍攝時全程要穿上春裝,背心短裙,女神一樣拍心口頂硬上,抵讚!

李佳芯 繼續是招牌燦爛笑容,邊個會估到Ali今時今日會做到咁奸嘅角色!
繼續是招牌燦爛笑容,邊個會估到Ali今時今日會做到咁奸嘅角色!(圖片來源:新假期照片庫)
李佳芯 在櫻花祭中童真的一面,背後其實凍到震!
在櫻花祭中童真的一面,背後其實凍到震!(圖片來源:新假期照片庫)

白滑背脊第一露!

要知道旅遊記者去一個Trip唔只返一隻稿,當年1月已經要去影Resort,你估下呢間無人曬太陽嘅Resort,當時有幾咁凍?就係咁,李佳芯首次露出了白滑背脊畀《新假期》同廣大讀者。

李佳芯 咪睇女神個靚背脊就以為影Resort 好爽,鏡頭背後不知幾凍!(396期|07年4月出版)
咪睇女神個靚背脊就以為影Resort 好爽,鏡頭背後不知幾凍!(396期|07年4月出版)(圖片來源:新假期照片庫)
李佳芯 只可惜Ali的泳衣照唔多,而且張張都好Wide,旅遊雜誌嘛,睇景舒服重要過睇人啦,唔通張張相叫Model舉高手又踢腳咩?
只可惜李佳芯的泳衣照唔多,而且張張都好Wide,旅遊雜誌嘛,睇景舒服重要過睇人啦,唔通張張相叫Model舉高手又踢腳咩?(圖片來源:新假期照片庫)

Follow Ali to…

去到海邊resort,蔚藍海岸耍脾氣,時晴時雨,大風,陰陰涼,女神毫不扭擰,要著bikini落水永不say no。最正係去到海邊,攝影師為滿足親近女神欲望,情不自禁,影了一大堆拖住著得性感嘅Ali女神隻手踏浪呀,咦,拖手相,咪仲早過instagram手拖手遊世界的 #FollowMeTo情侶Murad Osmann!

李佳芯 放開個女仔!攝影師的拖女神相,係咪要畀嬲先?!
放開個女仔!攝影師的拖女神相,係咪要畀嬲先?!(圖片來源:新假期照片庫)
李佳芯 睇真啲當年雜誌個版面,Ali張相只係出咗手心咁大咋,仲細過同頁的豬頭!
睇真啲當年雜誌個版面,Ali張相只係出咗手心咁大咋,仲細過同頁的豬頭!(圖片來源:新假期照片庫)

03|勇闖南極不怕辛苦(07年11-12月)

翻查資料,當時的李佳芯未做主持,但當時在Model 界她都多見報,算搶手貨。原來女神仲早過洪永城兩年去南極拍攝(編按:洪永城在NowTV年代曾以幕後身份,與黃貫中前往南極拍攝《一個地球》),係咪威先!

李佳芯 好多人問張相係咪Key,當年《新假期》美術部主管確認,只得左邊放大嘅企鵝有做手腳,輯相真係去咗南極登岸影㗎!(435期|08年1月出版)
好多人問張相係咪Key,當年《新假期》美術部主管確認,只得左邊放大嘅企鵝有做手腳,輯相真係去咗南極登岸影㗎!(435期|08年1月出版)(圖片來源:新假期照片庫)
李佳芯 有相為證,真係有企鵝㗎南極!
有相為證,真係有企鵝㗎南極!(圖片來源:新假期照片庫)

咪以為去極地就好爽皮,其實要坐足兩日半的飛機,由香港飛荷蘭落阿根廷,幾乎環遊全球,然後再捱30個鐘的船程⋯⋯聽到都想準備嘔吐袋。坐郵輪入南極,大浪到有如坐足兩日海盜船,而且南極天氣變幻莫測,能否如期登岸也需聽天由命。所以,女神每日就像飛虎隊般,隨時候命。

李佳芯 隨時候命!女神日日整裝待發出發影相都無怨言。
隨時候命!女神日日整裝待發出發影相都無怨言。(圖片來源:新假期照片庫)
李佳芯 話說前往南極大風大浪,每日都嘔幾次,郵輪廁所的骰,女神高挑身型都要屈就下。
話說前往南極大風大浪,每日都嘔幾次,郵輪廁所的骰,女神高挑身型都要屈就下。(圖片來源:新假期照片庫)
李佳芯 當年去南極的郵輪不是豪華郵輪,得上下格床,Ali都要影一餐!
當年去南極的郵輪不是豪華郵輪,得上下格床,李佳芯都要影一餐!(圖片來源:新假期照片庫)

去南極當然想睇企鵝,但為保護牠們,規矩講明必須跟企鵝保持最少五米距離,以免影響企鵝的生活。唔知係咪女神太靚(定手上的企鵝公仔?),對人類已沒有戒心的企鵝們也會自動走近,又或乖乖站在附近任影唔嬲。

李佳芯 如果當年有IG,女神呢張相應該爆晒Like。
如果當年有IG,女神呢張相應該爆晒Like。(圖片來源:新假期照片庫)
李佳芯 要坐雪地等企鵝埋位影相,Ali投入又無怨言!
要坐雪地等企鵝埋位影相,Ali投入又無怨言!(圖片來源:新假期照片庫)
李佳芯 影咗幾日,突然放晴,一聲令下再影,Ali保持專業即瞓落雪上。
影咗幾日,突然放晴,一聲令下再影,李佳芯保持專業即瞓落雪上。(圖片來源:新假期照片庫)
李佳芯 據知登岸時Ali 忘記帶銀包,南極之行的紀念品大概只有postcard。
據知登岸時李佳芯忘記帶銀包,南極之行的紀念品大概只有postcard。(圖片來源:新假期照片庫)

揭返當年本雜誌,今次南極之旅李佳芯出場位主要在封面,文中幾乎只有冰山大相同企鵝相,當同船嘅大陸客都有full page赤祼照一大張,李佳芯只獲得細碎行行企企食飯典床版面,好在呢輯相出土了,否則政府圖書館都睇唔返!

李佳芯 Opening只得半身退地人。
Opening只得半身退地人。(圖片來源:新假期照片庫)
李佳芯 企鵝都有一個Spread啦!
企鵝都有一個Spread啦!(圖片來源:新假期照片庫)

04|斐濟罕有比堅尼look終極一脫(09年)

雖然李佳芯沒有好似一般模特兒出寫真集,平日出席大台活動都鮮有走性感路線,不過09年女神其實一向不介意健康性感,和《新假期》去斐濟時,就大曬Bikini +長腿。

李佳芯 去到斐濟陽光與海灘,封面無Bikini,但內裡有不少健康性感照。(519期|09年8月出版)
去到斐濟陽光與海灘,封面無Bikini,但內裡有不少健康性感照。(519期|09年8月出版)(圖片來源:新假期照片庫)
李佳芯 睇住靚景浸浴,當然夠晒歎。
睇住靚景浸浴,當然夠晒歎。(圖片來源:新假期照片庫)
李佳芯 望住包毛巾的女神,唔准心邪呀!
望住包毛巾的女神,唔准心邪呀!(圖片來源:新假期照片庫)
李佳芯 話說私人別墅的泳池足有270度的海景,靚人靚景!
話說私人別墅的泳池足有270度的海景,靚人靚景!(圖片來源:新假期照片庫)
李佳芯 極罕之長腿!
極罕之長腿!(圖片來源:新假期照片庫)

又到揭雜誌時間,斐濟出名陽光海灘,配上李佳芯同樣燦爛的笑容,你估下呢張拋花球青春少艾相出咗幾大版?

李佳芯 青春無敵的Ali,比現在多了份清澀感。
青春無敵的Ali,比現在多了份清澀感。(圖片來源:新假期照片庫)

05|跟紀曉華遊澳洲(09年7月)

2009年的李佳芯已經成為有線主持,主持《體育王》,被網友追捧為「體育女王」,知名度已大大提升;《新假期》難得就到檔期邀請李佳芯去斐濟,同一個Trip順便Part埋飲食達人紀曉華Walter Kei,去埋澳洲塔斯曼尼亞歎世界食好西。

李佳芯 封面上Ali畀Walter勁搶戲!(517期|09年8月出版)
封面上李佳芯畀Walter勁搶戲!(517期|09年8月出版)(圖片來源:新假期照片庫)
Ali 李佳芯
Ali 跟住紀曉華飲飲食食,仲學到不少下廚心得。(圖片來源:新假期照片庫)
李佳芯 回到Ali未紅時,成個Trip都做水哥下把,一齊搞笑。
回到李佳芯未紅時,成個Trip都做水哥下把,一齊搞笑。(圖片來源:新假期照片庫)
李佳芯 美食稿當然要影食嘢相!
美食稿當然要影食嘢相!(圖片來源:新假期照片庫)

當時去採訪的旅遊記者回憶,話說採訪塔斯曼尼亞東岸蠔場時,位處南半球的塔斯曼尼亞正入冬,到訪之時白天只有8-10℃,天寒地凍,Ali 和紀曉華都要著上「賣漁勝」裝束落水。咁嘅情況下正常人都會嗌凍,但當時人氣已不俗的李佳芯毫無嗌辛苦怕凍的,震住都快手開工。

李佳芯 落水得幾度,女神笑容依然燦爛,襟撈!
落水得幾度,女神笑容依然燦爛,襟撈!(圖片來源:新假期照片庫)
李佳芯 咁大盤蠔勁抵食!
咁大盤蠔勁抵食!(圖片來源:新假期照片庫)
李佳芯 見到可愛的Tasmania Devil,Ali 都忍唔住露出可愛樣。
見到可愛的Tasmania Devil,Ali 都忍唔住露出可愛樣。(圖片來源:新假期照片庫)
李佳芯 對住細路,攝影師要捉Ali自然神情話咁易。
對住細路,攝影師要捉李佳芯自然神情話咁易。(圖片來源:新假期照片庫)
李佳芯 入得廚房的Ali今次做了紀曉華的小助手。
入得廚房的李佳芯今次做了紀曉華的小助手。(圖片來源:新假期照片庫)
李佳芯 Cooking class上Ali堅有幫手,唔係扮嘢影相等導演喊Cut㗎!
Cooking class上李佳芯堅有幫手,唔係扮嘢影相等導演喊Cut㗎!(圖片來源:新假期照片庫)

06|意大利坐老爺車(08年5月)

跟住《新假期》出Trip,真係為女神帶來好多難忘的時刻,好似08年的意大利都靈、五漁村之旅,女神就連續兩星期登上《新假期》封面。

李佳芯 意大利五漁村的繽紛小屋,加埋女神食雪糕,靚!(455期|08年5月出版)
意大利五漁村的繽紛小屋,加埋女神食雪糕,靚!(455期|08年5月出版)(圖片來源:新假期照片庫)
李佳芯 坐在經典中的經典Alfa Romeo Spider 1600老爺車之中,在意大利最美麗的托斯卡納(Tuscany)山地飛馳,羨慕死人!(456期|08年6月出版)
坐在經典中的經典Alfa Romeo Spider 1600老爺車之中,在意大利最美麗的托斯卡納(Tuscany)山地飛馳,羨慕死人!(456期|08年6月出版)(圖片來源:新假期照片庫)

今次意大利之旅,李佳芯跟著記者採訪拍攝Alfa Romeo的四天古董車托斯卡納豪華自駕遊,當年都索價2千歐羅!不過坐在經典的Alfa Romeo Spider 1600老爺車,駛過一片片鮮黃油菜花田,穿梭於一字排開的柏樹之間,享受頭髮被風吹起的感覺⋯⋯好屈機呀!

李佳芯 意大利鄉郊靚景處處,有老爺車加俊男美女,輕易構成靚相。
意大利鄉郊靚景處處,有老爺車加俊男美女,輕易構成靚相。(圖片來源:新假期照片庫)
李佳芯 呢個封面位加上香車和美人,絕配呀!
呢個封面位加上香車和美人,絕配呀!(圖片來源:新假期照片庫)
李佳芯 開車途中遇上羊群,造就成為當年的封面。
開車途中遇上羊群,造就成為當年的封面。(圖片來源:新假期照片庫)
李佳芯 成隊Alfa Romeo老爺車車隊,就如皇帝出巡一樣,陣容強大,連當地人都覺得好奇。
成隊Alfa Romeo老爺車車隊,就如皇帝出巡一樣,陣容強大,連當地人都覺得好奇。(圖片來源:新假期照片庫)

意大利的五漁村(Cinque Terre)近年成為亞洲人的熱門之選,女神當年去到,除了學習地中海人悠閒步伐,在漁村影靚相,仲有機會大嚼當地海鮮同松露。

李佳芯 要知道旅遊記者出Trip無化妝隨團,咁近影大頭相,睇得出Ali幾乎零瑕疵!
要知道旅遊記者出Trip無化妝隨團,咁近影大頭相,睇得出Ali幾乎零瑕疵!(圖片來源:新假期照片庫)
李佳芯 出Trip成日面對住成櫃甜點、朱古力,女神都係Keep得咁好。
出Trip成日面對住成櫃甜點、朱古力,女神都係Keep得咁好。(圖片來源:新假期照片庫)
李佳芯 五漁村勁多靚景位,影足幾粒鍾Ali都保持專業!
五漁村勁多靚景位,影足幾粒鐘李佳芯都保持專業!(圖片來源:新假期照片庫)
李佳芯 都靈大教堂前的Ali 好搶眼。
都靈大教堂前的李佳芯好搶眼。(圖片來源:新假期照片庫)

女神育成之路 3招極速瘦身法

李佳芯由做主持做到視后,精湛演技令觀眾留下深刻印象。李佳芯女神形象深入民心,雖說上天給了她天使面孔,但做得幕前必須經常保持苗條身材。她經常於節目上大晒惹人羨慕的纖瘦身材,但其實她的魔鬼身材得來不易,必須勤力做運動,即看她以下3招極速瘦身法!

李佳芯現年38歲,依然保養得宜,身材非常標準。
李佳芯現年38歲,依然保養得宜,身材非常標準。(圖片來源:李佳芯IG)

第1招:踩單車瘦身法

李佳芯瘦身第1招,是以中等速度踩單車,需要連續不間斷騎行40分鐘以上,同時要注意規律呼吸,對減脂很有效果,也可以鍛鍊下肢力量,令肌肉更firm。運動前20到30分鐘,人體消耗的是由食物轉化成的糖原。而運動30分鐘后,身體才開始分解體內的脂肪。這也是有氧運動達到效果的法則,時間必須滿足30分鐘。對於踩單車來說,踩少過40分鐘雖然能對心肺起到一定的鍛煉效果,但並不能消耗更多脂肪。

李佳芯熱愛運動,並靠運動保持標準身材。
李佳芯熱愛運動,並靠運動保持標準身材。(圖片來源:李佳芯IG)

第2招:慢跑瘦身法

李佳芯瘦身第2招,是以超慢速度來跑步。很多人認為跑步會跑出蘿蔔腿,其實不然。大部份跑步的人,小腿並不會變粗,如果會變粗,都是有再另外加做重量訓練,若在運動前先熱身、伸展,肌肉有了柔軟度,就不會因跑步而使小腿變粗。

李佳芯的慢跑減肥法,令腿部不會變粗。
李佳芯的慢跑減肥法,令腿部不會變粗。(圖片來源:李佳芯IG)

透過慢跑瘦身法,能使身體發熱,運動結束後也能維持高體溫,因此基礎代謝率就會升高,消耗的熱量也會增加。此外,超慢跑更能鍛鍊肌肉,當人體的肌肉量愈高,基礎代謝率也愈高,即使靜止不動,也會消耗熱量。

李佳芯素顏樣,絕不比少女輸蝕。
李佳芯素顏樣,絕不比少女輸蝕。(圖片來源:李佳芯IG)

第3招:行山減肥法

不少明星就如發哥也是靠行山每日90分鐘勁減30磅,每天行山一次,就能消耗500至700卡路里(千卡),而且行路不傷膝關節。行山屬於中等強度的有氧活動,增強心肺功能、促進血液循環。對於修身中的女士來說,遠足更有助消耗熱量,維持健康體重。

營養師建議行山之前,可以吃一頓輕盈而含豐富碳水化合物的早餐,亦須避免進食產生氣體的食物,避免飲食酒精飲料及含咖啡因飲品。行斜路需要用較多能量,所燃燒的脂肪也較行平坦大道多。

李佳芯與發哥都熱愛行山!
李佳芯與發哥都熱愛行山!(圖片來源:李佳芯IG)

撰文:東方新地、新假期圖片來源:新假期照片庫、IG@李佳芯、YouTube@ChillGOOD TV、TVB《誇世代》截圖、