冥冥之中 郭羨妮

冥冥之中|郭羨妮出動10歲囡囡客串 網民唔收貨熱議「棄劇」理由

娛樂

廣告

ViuTV原創劇《冥冥之中》首播,TVB為迎戰更要時刪短《雙生陌生人》換上《十八年後的終極告白2.0》來對撼﹗相隔六年並倒戈幫ViuTV拍劇的郭羨妮就整定蛋糕與屋企人在家捧自己場﹗播出第一集已引起網上熱議,網民聲音卻不似預期,更列出三大原因揚言要棄劇﹗

即睇《冥冥之中》最新劇情劇透

47歲郭羨妮擔任「死神」公司CEO 背後有Big Boss操控

一間沒有名字的公司,一班貌似普通的上班族,表面上與一般的商業機構無異,但原來公司執行的任務,是產生連鎖效應的死亡事件,從而平衡人口。三名經理彭森 (栢天男 飾)、心兒 (劉心悠 飾)、寶玲 (袁綺雯 飾),自從香港分公司CEO蘇麗珍 (郭羡妮 飾) 揚言要退休後,辦公室內一場明爭暗鬥展開,都希望能坐上蘇麗珍的位置。

冥冥之中 郭羨妮忽然離職,三位神死經理即想取替她做CEO,郭羨妮勸喻三人要三思及有心理準備﹗
郭羨妮忽然離職,三位神死經理即想取替她做CEO,郭羨妮勸喻三人要三思及有心理準備﹗(圖片來源:《冥冥之中》截圖)
冥冥之中 郭羨妮 冥冥之中 栢天男飾彭森、劉心悠 飾心兒、袁綺雯飾寶玲,三人都想坐正郭羨妮個位﹗
栢天男飾彭森、劉心悠飾心兒、袁綺雯飾寶玲,三人都想坐正郭羨妮個位﹗(圖片來源:ViuTV)

郭羨妮囡囡神秘客串﹗?原名曝光

《冥冥之中》第一集尾聲前,袁綺雯飾演寶玲為求目的,執行任務夠心狠手辣,但回家即時變了另一個樣,不但關心體裇家傭,更是一位慈母,回家見到睡在梳化的囡囡即上前錫錫,有網民發現該小演員是郭羨妮的10歲囡囡,不過小演員一直睡著未見更多鏡頭﹗但網民指劇中小演員無論鼻型、眉型、嘴以至髮際頭髮鬈曲都跟郭羨妮女似到十足﹗劇集終播出演員名稱時,按出場序計算,最後一行出現:朱家愛飾莫雪,郭羨妮嫁內地武指兼導演朱少杰,女兒中文名未有公開,只稱女兒英文名Kylie,咁啱又係姓朱﹗

冥冥之中|網民3大棄劇原因

《冥冥之中》由郭羨妮、劉心悠、潘燦良、栢天男等擔演,首集交待已百歲的郭羨妮,在一間死神公司擔任CEO,公司職員的任務就是要用殺人去平衡人口﹗劇集題材新鮮,同時又大玩近年大熱的平行時空﹗播出一集就引起網民熱討,但卻以負評居多,網民更指三大因素令他們棄劇﹗

1. 女演員妝容出事 見到劉心悠要熄機﹗

《冥冥之中》有多年無拍港劇、有「最美港姐」之稱的郭羨妮加盟,夠驚喜,加上有女神級的劉心悠,不少網民在劇集播出前已對該劇睇高幾線﹗可惜睇完劇,卻狠批「女演員嘅妝容出晒事」,隨即引起網民熱烈回應,指女演員太厚粉、眼妝太誇等,又指「睇預告片見到郭羨妮有一幕淡妝好靚,但啲大頭鏡頭就好厚粉,靚都變唔靚﹗」,有網民更指劉心悠出場令人好失望,留言:「心悠BB點解搞成咁?」、「個樣又膠妝又厚個鼻又怪,睇唔落去﹗」、「因為劉心悠我決定棄劇﹗」等﹗

冥冥之中 郭羨妮 冥冥之中
(圖片來源:《冥冥之中》截圖)

2.拍攝手法怪、鏡頭運用好「大台」

《冥冥之中》監製黃偉賢曾在無綫任職編導,曾執導不少經典劇包括2004年《陀槍師姐IV》、2006年《法證先鋒》、2012年《危情護花》等﹗《冥冥之中》播出前,監製黃偉賢已預告題材創新,而且帶有燒腦成份,目標觀眾是一班喜歡思考的人,講明唔係師奶劇﹗不過網民卻狠批無論拍攝手法、鏡頭攞位、以至燈光都好「大台」,好舊式,更不滿分鏡時用類似power point形式打字去交待,令人覺得老土又低質,「好似無綫劇睇親信就要讀出嚟咁﹗」、「原來係大台過去,唔怪得甩唔到陣除」等﹗

3.演員咬字不清

另一個最趕客原因,是女主角郭羨妮和劉心悠講對白令人聽得好辛苦,有網民問:「每一次聽劉心悠講對白就令我出戲,發音怪又咬字唔清楚」,同時亦有網民對郭羨妮講對白好有意見,「佢講對白一向係咁㗎?咬字同節奏都好怪﹗」、「好似得下唇會郁,好生硬﹗」、「係咪痴脷筋,聽得好辛苦﹗」等﹗

網民撐三十集要慢慢煲:「最想睇潘燦良」

劇集剛出街就有不少負評,但亦有不少網民留言力撐,提到全劇有30集要時間「煲」,又指「想睇師奶劇就loop大台啲舊劇啦,唔好睇呢台啦嘛」、「啱啱播咋噃,邊有差成咁呀?」、「睇燦哥同王維仲有李天翔都夠啦,佢哋好好戲﹗」等等﹗

冥冥之中 郭羨妮 1999年度香港小姐冠軍
1999年度香港小姐冠軍(圖片來源:東方新地)

1.《尋秦記》琴清姑娘

郭羨妮1999年香港小姐冠軍出道,出道不久初拍劇集《尋秦記》已經獲力捧做女主角,琴清姑娘一角被戲稱「擒青姑娘」,演活弱質纖纖的秦國才女,仙氣溢出!

冥冥之中 郭羨妮 《尋秦記》琴清姑娘
《尋秦記》琴清姑娘(圖片來源:《尋秦記》劇照)
冥冥之中 郭羨妮 《尋秦記》琴清姑娘。
《尋秦記》琴清姑娘。圖片來源:《尋秦記》截圖)

2.《洛神》郭嬛

郭羨妮是一代「古裝美人」,除了2001年《尋秦記》琴清一角搶鏡外,她在《洛神》中演奸妃郭嬛一樣殺食!

冥冥之中 郭羨妮 郭羨妮在《洛神》中演奸妃郭嬛一樣殺食
郭羨妮在《洛神》中演奸妃郭嬛一樣殺食(圖片來源:《洛神》劇照)
冥冥之中 郭羨妮 凌厲嘅眼神演奸角一樣掂。
凌厲嘅眼神演奸角一樣掂。(圖片來源:《洛神》劇照)

3.《爭霸》西施

郭羨妮古典氣質毋庸置疑,2006年演《爭霸》西施一角入型入格,不過同年有傳媒拍到她在內地拍劇期間隨地解手,顛覆網民「靚女唔痾屎」的概念。

冥冥之中 郭羨妮 郭羨妮在《爭霸》演西施一角入型入格。
郭羨妮在《爭霸》演西施一角入型入格。(圖片來源:新傳媒資料庫)
冥冥之中 郭羨妮 郭羨妮因拍劇期間被影到隨地解手,從此被冠以「大便西施」之名。
郭羨妮因拍劇期間被影到隨地解手,從此被冠以「大便西施」之名。(圖片來源:新傳媒資料庫)
冥冥之中 郭羨妮
(圖片來源:《爭霸》劇照)

4.《盛世仁傑》曹月(狄夫人)

郭羨妮在《盛世仁傑》2012年中飾演曹月,即狄仁傑的夫人,換上成熟淡雅的妝容別有韻味。

冥冥之中 郭羨妮 成熟古典韻味同樣吸引觀眾眼球。
成熟古典韻味同樣吸引觀眾眼球。(圖片來源:《盛世仁傑》劇照)
冥冥之中 郭羨妮
(圖片來源:TVB網站圖片)

5.《天涯俠醫》康喬

睇完古裝,又點少得時裝,2004年的《天涯俠醫》中郭羨妮演護士康喬,劇中與張家輝有一段情,罹患卵巢癌仍然堅持產女,這段戲感動當時不少觀眾。

冥冥之中 郭羨妮 郭羨妮在《天涯俠醫》中,演護士康喬。
郭羨妮在《天涯俠醫》中,演護士康喬。(圖片來源:新傳媒資料庫)
冥冥之中 郭羨妮 郭羨妮與張家輝劇中的一段情
郭羨妮與張家輝劇中的一段情(圖片來源:《天涯俠醫》劇照)

6.《隔離七日情》 汪賈瑜(Christy)

2011年的《隔離七日情》故事背景為09年「豬流感」肆虐的香港情況,今時今日再見到「隔離」二字大家都可能一額冷汗,不過見到郭羨妮就開心晒啦!

冥冥之中 郭羨妮 郭羨妮換上泳衣索到爆。
郭羨妮換上泳衣索到爆。(圖片來源:《隔離七日情》劇照)
冥冥之中 郭羨妮 真係睇到笑晒口。
真係睇到笑晒口。(圖片來源:《隔離七日情》劇照)

7.《古靈精探》刑晶晶

2008年的《古靈精探》中,郭羨妮在劇中飾演女警刑晶晶,造型不算太突出,不過劇中一句對白:「你想搵淫娃盪婦咩?我好淫盪㗎!」至今仍然是經典!

冥冥之中 郭羨妮 郭羨妮呢句對白真係經典!
郭羨妮呢句對白真係經典!(圖片來源:《古靈精探》截圖)
冥冥之中 郭羨妮
(圖片來源:《古靈精探》截圖)
冥冥之中 郭羨妮 全盛時期嘅郭羨妮真係好索,抵佢一出道就受力捧。
全盛時期嘅郭羨妮真係好索,抵佢一出道就受力捧。(圖片來源:新傳媒資料庫)
冥冥之中 郭羨妮 郭羨妮樣貌身材都高質!
郭羨妮樣貌身材都高質!(圖片來源:新傳媒資料庫)

《冥冥之中》郭羨妮囡囡神秘客串咩角色?

《冥冥之中》第一集尾聲前,袁綺雯飾演寶玲回家見到睡在梳化的囡囡即上前錫錫,有網民發現該小演員是郭羨妮的10歲囡囡,不過…詳情請看

《冥冥之中》網民為何棄劇?

播出一集就引起網民熱討,但卻以負評居多,網民更指三大因素令他們棄劇…詳情請看

撰文:東方新地圖片來源:《冥冥之中》截圖、IG@sonijakk資料或影片來源:原文刊於東方新地