出軌

原諒出軌丈夫不容易 4位太太撰文回應 字字透露婚姻的歷練

娛樂

廣告

出軌是一段婚姻中最不想面對的問題,不是人人都好似王力宏太太一樣選擇「玉石俱焚」,要決原諒一個曾對妳許下一生愛護承諾的人,更是不容易。例如前商台DJ細So去年竟被爆出軌偷搭白滑KOL足足兩年,模範老公形象嚴重插水,意外的是兩公婆齊齊在社交平台上發文,指老婆在知悉後選擇原諒細So。以下為大家細數4對「出軌後被原諒」的明星案例:

撰文:Sunday Kiss|圖片來源:新傳媒圖片庫、蘇耀宗 Instagram、陳穎楠 Instagram、伍詠薇 Instagram

出軌後原諒案例1. 蘇耀宗 (細So)與陳穎楠

現年41歲的細So蘇耀宗去年被爆背妻與「白滑KOL」,阿B出軌,甚至不時發半祼照給對方,關係長達兩年,女方署名「白滑KOL 阿B」借友人揞名向傳媒爆料,表示斬纜不成要向「大婆」救助。偷食事件曝光後,有媒體找到細So,問及他有關偷食之事,當時細So聽後即感到錯愕,還表示「自己要了解事件的來龍去脈」,一度否認「背妻偷食」。事隔數小時,細so於個人社交網站上發出帖文,親自承認出軌:

出軌
圖片來源:蘇耀宗 Instagram

而另一邊廂,細So老婆陳穎楠(阿Wing)也有在其個人社交網站內發出帖文,並且選擇原諒老公:

出軌
圖片來源:陳穎楠 Instagram

前商台DJ細So蘇耀宗於2011年與當時為廣告模特兒的陳穎楠(阿Wing)結婚,婚後育有兩子,分別為6歲兒子Jack和3歲兒子Max,一家四口在大嶼山貝澳過活;閒時,細So一家人一齊拍照影相,在旁人眼中是幸福又美滿。希望兩公婆在經歷過這段風波之後,可以更加認定對方,婚姻生從回正軌。

圖片來源:陳穎楠 Instagram
圖片來源:陳穎楠 Instagram

出軌後原諒案例2.許志安與鄭秀文

「安心偷食」事件相信大家都並不陌生,51歲人夫許志安去年被爆搭上30歲藝人黃心穎,期間二人在的士上又錫又攬,全程16分鐘。事件中牽涉在內的鄭秀文(Sammi)事後表示選擇不會放棄老公,並會互相糾正,全文如下:

「這次,是我們婚姻中共同重要的一課。這段期間,我們共同經歷情緒起伏,我們也就事件詳談很久很深。這是夫妻二人之間的一課,人誰無過是老生常談,但事實確是如此啊。

在這次中,重要的,是更進一步身歷婚姻其中真諦。幸福不只是一埸埸順利美滿,當中也有試煉,也一起去經歷高低狀況,讓夫妻之間的感情厚度帶領著前行,更要彼此走進對方的內心,一起正視各自的軟弱,不放棄自己,不放棄對方,互相糾正,互相提點,在婚姻歴煉中,我深信經歷和教訓一定會幫助重回正軌,生命更會更生。

這期間在我們彼此都最難捱的時刻,握著手一起祈禱,對我們的幫助極大。今天,肩上的重擔彷彿輕了很多。只願一切快平息,回歸平靜。最後摯誠請求各大傳媒不要再等候和追訪我年紀老邁行動不便的父母。沒有更多想表達了,今天以後,就只向前看,在時間的見證中,繼續一步步前行❤️」

出軌
鄭秀文(Sammi)事後表示選擇不會放棄老公,並會互相糾正。

不過亦有網民表示事態嚴重,認為許志安「一次不忠,百次不容」,鄭秀文不應選擇原諒。不過,婚姻始終是兩個人的事,他們的決定才是最重要。

出軌後原諒案例3.伍詠薇與練海棠

51歲伍詠薇與丈夫練海棠結婚21年,二人人前恩愛,但多年來,練海棠兩曾次被指出軌。不過,伍姑娘也選擇原諒丈夫,二人最後攜手面對風波。

出軌
51歲伍詠薇與丈夫練海棠結婚21年,二人人前恩愛,但多年來,練海棠兩曾次被指出軌。

伍姑娘曾表示第一次睇完啲出軌相,真係毛管戙咁起雞皮,嗰陣都大家都有傾過呢個問題:「其實我自己都有啲責任,因為慣住做嘢,少咗時間陪佢。」

出軌
圖片來源:伍詠薇 Instagram

到咗2016年老公第二次出軌,伍姑娘更代老公向公眾道歉,坦言感到很心痛及失望。伍姑娘話:「我同佢講:『走唔甩啦!唔係我睇到,係記者發現!』不過真係好心痛、好失望。但係老公係自己揀,與其諗係咪佢錯晒,不如檢討吓自己有冇錯。我信呢件事係真,但事情發生咗,大家坦誠溝通後,睇吓可唔可以再一齊行落去!」伍姑娘真係一個絕世好老婆!

出軌後原諒案例4. 周汶錡與法籍老公Julien Lepeu

45歲名模周汶錡(Kathy)與法籍富老公Julien Lepeu經歷8年婚姻,以高齡生埋兩個混血囝囝Jacques及Avner。人前人後表現恩愛,不過,Julien年初被爆趁老婆Kathy出埠,與外籍女於茶座纏綿,地點更是距離淺水灣寓所只5分鐘車程的深水灣。

出軌
45歲名模周汶錡(Kathy)與法籍富老公Julien Lepeu經歷8年婚姻。

周汶錡沉默了一個多星期,終於在IG貼文回應,選擇原諒老公,「 感謝我的家人和朋友,這些年來大家一直很關心我,愛護我。不好意思,最近讓你們擔心了!這是一個人生重要的功課!我們會努力把功課做好,從中學習,領悟,進步!我倆仍然相信『愛』能改善彼此關係,也是化解問題的源頭力量!日後我們仍然會努力,為孩子、為家庭、為對方,互相珍惜,一起進步!實在感恩,我們生命中已擁有許多!疫情在前,希望大家都好好持護身心健康! 愛你們!」

延伸閱讀:真正好老公不會做的6件事

1. 隱瞞行蹤

好多女人都有疑心病,最緊張就係自己有冇安全感,成日都好怕對方偷食!呢個時候啲女人就會冇啦啦偵探上身,喺度左Check右Check,唔少夫妻更因為咁而覺得不被信任,反而令感情狀況變壞。

如果老公會主動向對方報到,除咗係對感情負責任,亦係對呢段感情同對對方嘅一份尊重。真正嘅好老公,會主動向你坦白,唔會畀你擔驚受怕、唔會畀你因為某一發現啲咩嘢而難過,更唔希望彼此吵架分開,所以會主動做出令你放心嘅事,唔需要你問東問西。

2. 拒絕製造浪漫

好多男人都話自己唔識浪漫,其實浪漫唔一定要洗好多錢,有時只係喺重要嘅日子食餐飯、陪對方散下步、買啲小禮物就已經畀到驚喜對方。如果真係冇時間,好男人/好老公都會花小小時間去同你傾陣電話,有時陪伴就已經係一種「浪漫驚喜」,令女方感受到自己被愛。

3. 不願分擔家事

依家好多屋企都係兩公婆一齊做嘢,所以家事都唔再好似以前咁只係是但一邊做晒。如果你老公會同你一齊分擔家裡嘅所有事,好似係做家務、去超市入貨等,唔只令女方感受到自己被重視,仲會令彼此嘅感情都會升溫,而且係個真正嘅好老公!

4. 不透露財政狀況

作為一個好老公,其中一樣就係畀晒所有錢老婆管。好多男人都覺得,畀晒錢老婆會好冇自由,同好唔型。不過,其實老婆掌管啲錢,除咗可以幫對方草錢,對老婆嚟講不論係經濟上或是感情上都會有好大嘅安全感。所以,如果你老公願意將所有賺到嘅錢畀你管,佢真係十分愛錫你!

5. 不懂愛屋及烏

好多傳統大男人都會覺得,女人嫁得畀自己就唔可以成日返去娘家,反而要老婆聽晒自己同夫家嘅家人話。不過,如果係真正嘅好老公,首先會對你嘅父母當成自己嘅屋企人一樣,愛屋及烏,而且仲會成日陪你返娘家,娘家有咩要求都唔會拒絕,唔只畀你覺得自己嫁啱人,就連你屋企人都會好放心!

6. 遇事即嫌棄

好多男人都會用唔同事去嫌棄女方,好似嫌對方煩、肥、阻住佢做嘢等,有時仲將責任歸咎到女方身上。另外,更有啲男人因為面子,唔肯承認自己嘅錯,貶低女方嚟抬高自己,呢啲男人真係十分唔要得!

如果係真正嘅好老公,佢首先唔會嫌棄你任何嘢,會大方接受,而且會鼓勵你去做你喜歡做嘅事,尊重對方,會承認自己嘅錯,仲會喺其他人面對稱讚你添!你哋又搵到個好老公未呀?