呂慧儀 龔水戀

《愛回家》呂慧儀、張景淳又放閃!「龔水戀」大曬12張情侶海報

娛樂

廣告

呂慧儀(長腳蟹)和張景淳於《愛回家之開心速遞》被塑造成人氣情侶,「龔水戀」更一直被盛傳極速撻著,戲裡戲外都咁Sweet。早前張景淳仲氹得呂慧儀愛兒蟹籽歡心,令兩人感情更進一大步。來到元宵節,張景淳更一口氣放出12張與呂慧儀的情侶Poster,唔通二人即將要公開承認這段關係?

圖文:東方新地 | 編輯:Sunday Kiss

李佳芯轉貼呂慧儀、張景淳放閃短片

日前李佳芯的IG轉貼了二人在化粧間的擁抱影片,片中呂慧儀負責自拍,然後張景淳從後突入箍頸摟抱呂慧儀,女方情不自禁流露甜笑,畫面還要加上閃光突效,短片一度引「龔水戀」粉絲轟動,到底係採排定係情不自禁?由於指攝地點係化粧間,真係可以「彈出彈入」任由觀眾演繹:
呂慧儀、張景淳元宵又放閃!「龔水戀」自製12張情侶海報超越《愛回家》

呂慧儀
連環圖!

借粉絲「龔水黨」改圖表心意

2月8日晚是今年元宵節,張景淳在個人IG張貼了粉絲「龔水黨」的改圖並留言:
「祝大家元宵佳節快樂🏮🎆🌜🍡
有一個甜蜜的週末。
在外要戴口罩勤洗手。

特別喜歡日本風設計的改圖
thanks 龔水黨改圖的 」

龔水戀元宵放閃
龔水戀版本《你的名字》
呂慧儀、張景淳元宵放閃
《假面酒店》
呂慧儀
《我是命運的人》
元宵放閃
《神探伽利略》都改埋⋯⋯

粉絲開心回應:

  • 點解你地d fans可以咁talent?!
  • 元宵節快樂 啲P圖好靚 😻
  • 改圖好正🤣🤣🤣🤣🤣,仲要咁多張😍😍😍
  • 元宵節快樂呀!🧡
  • 祝願人人都身體健康!☀️

前文提要:單親媽媽呂慧儀 新歡張景淳氹得愛兒蟹籽歡心

成為了單親媽媽呂慧儀(長腳蟹),盛傳因拍《愛回家之開心速遞》同劇中CP張景淳極速撻著,「龔水戀」裡戲外都咁Sweet!早前雖傳出有暗湧,但全靠 Stanley(張景淳)明白為人母的心情,向呂慧儀愛兒黃柏翹(蟹籽)入手,成功氹得其愛兒歡心,今個聖誕兩人又回復糖黐豆了!

撰文、圖片:東方新地 |編輯:Sunday Kiss、LW

張景淳大獻殷勤冧爆呂慧儀 向蟹籽入手成功攻陷芳心

失婚生活除咗有兒子給予正能量,呂慧儀拍《愛•回家》,亦有劇中 CP張景淳填補空虛,現實中婚姻失敗,但在劇中飾演熊若水的她,與張景淳演的龔燁由鬥氣冤家發展變成情侶,感情開花,張景淳更趁拍劇大獻殷勤冧爆女方,每日發布迷蟹日誌,成功攻陷長腳蟹芳心。

有粉絲在社交網 Po 出龔水合照,分享兩人三年情聖誕節都一起度過,張景淳火速轉載 分享,搞足花臣冧女友!
有粉絲在社交網 Po 出龔水合照,分享兩人三年情聖誕節都一起度過,張景淳火速轉載 分享,搞足花臣冧女友!

據知情者透露:「女人失婚時特別空虛,同Stanley拍劇日對夜對, Stanley攻勢又咁猛烈,畀阿蟹有番初戀被愛錫嘅感覺,女人又點會唔冧,加上Stanley知道阿蟹最錫個仔,成日幫阿蟹湊仔,一得閒就去陪蟹籽玩,乘機融入阿蟹母子關係,蟹籽好鍾意呢個哥哥,亦令阿蟹放心去馬!」

視兒子蟹籽如命根的呂慧儀,坦言張景淳跟兒子溝通得唔錯。
視兒子蟹籽如命根的呂慧儀,坦言張景淳跟兒子溝通得唔錯。
張景淳過到蟹籽關,自然轉入直路暢通無阻啦。
張景淳過到蟹籽關,自然轉入直路暢通無阻啦。

張景淳未過試用 曾暗媾張秀文 怕再愛錯二人冷戰

不過,經過失婚打擊,呂慧儀即使沐浴愛河亦保留一線,始終唔想因為自己戀情影響兒子生活,本來仍是試用期的張景淳,今年九月被踢爆暗冧電視城姣精張秀文,事件傳到呂慧儀耳中,兩人感情陷入冷戰。據知情者透露:「依家阿蟹乜都以個仔行先,再拍拖亦一定要過阿仔一關,點知Stanley爆出秘冧Sammi( 張秀文),知道男友花弗啖氣梗係吞唔落,阿蟹即刻嬲到同Stanley劃清界線,嗰時阿蟹忙緊為個仔搞出年升小學嘅嘢,根本冇心情理Stanley,就算一齊拍劇,都同男方保持距離,佢唔想畀男友花邊新聞拖累,影響個仔小一面試,所以兩個冷戰咗一 排!」

張秀文識於微時的張景淳,有指近月同女方關係變親密,張景淳更經常瞞住呂慧儀到訪張秀文香閨!
張秀文識於微時的張景淳,有指近月同女方關係變親密,張景淳更經常瞞住呂慧儀到訪張秀文香閨!

Boxing day同時放閃 曖昧關係浮面

不過,姣精張秀文原來只是過客,早前張秀文有份拍攝新劇《木棘証 人》,她即轉向人夫羅仲謙埋手,張景淳趁機氹番掂長腳蟹。日前二人一 同受訪,被問到聖誕節會送甚麼禮物給蟹籽,兩人不避嫌在鏡頭前打情罵 俏,呂慧儀更講明唔畀張景淳買玩具,張景淳就冧爆表示會改送教科書,曖昧關係浮晒面!

雖然有指張秀文介入戀情,但愛得盲目的呂慧儀,原來好快已畀張景淳氹番,兩人近日更甜蜜度聖誕,戲裡戲外都咁Sweet!
雖然有指張秀文介入戀情,但愛得盲目的呂慧儀,原來好快已畀張景淳氹番,兩人近日更甜蜜度聖誕,戲裡戲外都咁Sweet!
踏入Boxing day當日二人同樣開早,巧合地同於凌晨6時許在IG Po 相,唔知係咪身處同一環境一同度過,所以心情特別靚!
踏入Boxing day當日二人同樣開早,巧合地同於凌晨6時許在IG Po 相,唔知係咪身處同一環境一同度過,所以心情特別靚!
雨過天晴,張景淳在IG Story分享他攬實呂慧儀以及拍劇時的甜蜜合照箍煲。
雨過天晴,張景淳在IG Story分享他攬實呂慧儀以及拍劇時的甜蜜合照箍煲。

延申閱讀:單親媽媽呂慧儀壓力爆煲 蟹媽變虎媽 與仔仔準備小一面試

藝人呂慧儀 (Konnie)自今年宣布與前夫黃文廸已於上年離婚,Konnie母兼父職照顧兒子,早前更因體力不支在家中暈倒,健康與壓力同時爆煲。5歲的蟹籽Anton (黃柏翹)明年升小一,為力谷他考到心儀小學,變身虎媽。

《愛回家》呂慧儀、張景淳又放閃!「龔水戀」元宵大曬12張情侶海報

藝人呂慧儀上月宣佈與黃文廸離婚,變成單親媽媽的她沒有因此而放棄生活,反而為兒子、為自己活得更精彩!自離婚後,呂慧儀坦言自己做了兒子的全能秘書,除了工作外,還要兼顧兒子的日常生活,果然為母則強!