冼靖峰提起學歷再失言?! 盤點12位圈中喇沙校友 名人輩出好有歸屬感!

娛樂

廣告

由李思捷主持嘅遊戲節目《思家大戰》日前搵咗甘草演員江榮暉、冼靖峰、黃建東、Patrick Sir及周奕瑋組隊上節目,原來五位都係畢業於香港知名學府「喇沙書院」,日前江榮暉就喺IG貼出一張師兄弟合照,相當震撼!但其實圈中仲有好多「喇沙仔」!

 喇沙 思家大戰 黃建東 冼靖峰 《思家大戰》每集陣容鼎盛
《思家大戰》每集陣容鼎盛(圖片來源:TVB娛樂新聞台截圖)
 思家大戰 黃建東 冼靖峰 江榮暉在社交網貼出與4位喇沙校友參加《思家大戰》合照
江榮暉在社交網貼出與4位喇沙校友參加《思家大戰》合照 (圖片來源:IG@kongfai48)

黃建東當年會考 冼靖峰回應令現場尷尬

難得五個唔同年代嘅校友走埋一齊,當然會傾起「邊一年畢業」嘅話題,當冼靖峰聽到黃建東話1998年考會考嗰陣,冼靖峰就答自己都係98年,但係「98年先出世」,搞到場面尷尬得嚟又搞笑,黃建東仲即刻攬住冼靖峰叫「阿仔」。而Patrick Sir就講番喇沙好出名嘅聖誕舞會:「為咗一睹我哋喇沙仔嘅風采,啲女校晨早就話留門票。」黃建東就踢爆Patrick Sir其實係等女仔追至真,各人嘅回憶返番晒嚟,傾到停唔到口。

 喇沙 思家大戰 黃建東 冼靖峰 冼靖峰出世同年,黃建東考會考
冼靖峰出世同年,黃建東考會考(圖片來源:TVB娛樂新聞台截圖)

&feature=youtu.be

冼靖峰曾直播失言

講到冼靖峰,23歲嘅佢入行前喺銀行返工,曾經參加過TVB《聲夢傳奇》第一季同ViuTV《全民造星II》,而家係星夢旗下歌手兼無綫合約藝員。但佢最令人印象深刻嘅事,不得不提喺早前一個網上騷度失言:「03即係咩?即係SARS死剩種?係咪呀?」即被網民鬧爆,之後佢都知衰,有為失言道歉同埋自責唔夠成熟。其實除咗佢哋幾個,圈中仲有唔少「喇沙仔」,包括DJ森美、填詞人林夕、電影笑匠許冠文等等。

 喇沙 思家大戰 黃建東 冼靖峰 冼靖峰曾在網上直播騷失言
冼靖峰曾在網上直播騷失言(圖片來源:「All About Music」 YouTube截圖)

盤點圈中喇沙仔

森美中三插班入讀喇沙

48歲嘅森美原名梁志健,中學曾就讀聖士提反書院及喇沙書院,96年畢業於香港中文大學新聞與傳播學院。現時除咗主持商台節目《早霸王》等電台節目,仲兼司儀及演員於一身。森美在學時是喇沙劍擊隊成員,業後與成員保持聯絡,連兒子都讀喇沙兼玩劍擊!

 喇沙 思家大戰 黃建東 冼靖峰
(圖片來源:IG@sammy903)

孫耀威 中六轉讀與森美同屆

現時49歲嘅孫耀威原本同沙田官立中學,中六嘅時候轉咗去喇沙書院,仲同森美同屆!及後發展歌唱事業,近年已將工作重心移師內地。

 喇沙 孫耀威
孫耀威(圖片來源:IG@ericsuen)

林夕會考文科9科 2A5B2C

林夕原名梁偉文,被譽為香港一代詞神,80年代加入樂壇成為填詞人,陳奕迅嘅《Shall we talk》、《富士山下》同埋《K歌之王》呢啲咁深入民深嘅作品都係出自佢手筆,現居台灣,從事多媒體工作。

 喇沙 思家大戰 黃建東 冼靖峰
(圖片來源:facebook@林夕)

周奕瑋

38歲周奕瑋畢業於喇沙書院及香港理工大學,曾到東京進修日文,返港後加入無綫成為主持,近年主持旅遊節目備受好評,《周遊東京》係代表作之一。

 喇沙 思家大戰 黃建東 冼靖峰
(圖片來源:IG@jarvischow)

趙永洪

43歲嘅趙永洪第13屆無綫藝訓班畢業,07年參與處境劇《同事三分親》飾演Marco,終於成功入屋。2017年喺台慶劇《降魔的》嘅演出再獲網民讚賞,但始終無緣擔任更重戲份嘅角色,舊年離巢無綫外闖發展。

 喇沙 思家大戰 黃建東 冼靖峰
(圖片來源:IG@raymondchiu)

黃建東

40歲嘅黃建東除咗係喇沙仔,仲係紐約州立大學戲劇系學士,2011年參加香港先生選舉,獲得「演藝潛能大獎」,並簽約成為無綫藝人。

 喇沙 思家大戰 黃建東 冼靖峰
(圖片來源:IG@derekwong726)

許冠文

年近80嘅許冠文,香港喜劇演員,係首屆香港電影金像獎影帝,亦係演藝人協會創會會長。

 喇沙 思家大戰 黃建東 冼靖峰
(圖片來源:《總是有愛在隔離》劇照)

郭子豪

現時30歲的郭子豪亦曾就讀喇沙書院,並往英國布萊頓公學繼續唸書,畢業於倫敦帝國學院機械工程系。

 喇沙
(圖片來源:IG@arnoldkwokk)

藍奕邦

現時43歲的藍奕邦小時候在香港島華富邨長大,曾就讀聖士提反書院附屬小學,後赴加拿大就讀小五、小六及初中,至中四時返港就讀喇沙書院,大學畢業後曾到唱片公司自薦當歌手。

 喇沙
(圖片來源:IG@bluepongpong)

冼靖峰

1998年出世嘅冼靖峰曾就讀喇沙小學、喇沙書院,2020年於香港大學取得工商管理學學士(會計及財務)學位畢業。

 喇沙
(圖片來源:IG@archie_sin)

Patrick Sir林溥來

45歲的Patrick Sir林溥來畢業於喇沙小學(1989年小六)及喇沙書院(1996年中七),之後分別於香港科技大學及香港中文大學獲得學士及碩士學位。現時為無綫電視經理人合約男藝員。

 喇沙
(圖片來源:IG@patrick_sir_on_air)

江榮暉

現時54歲的江榮暉人稱大師兄,早年在九龍大角咀長大,就讀喇沙小學及喇沙書院。亦都係「第14期無綫電視藝員訓練班」嘅畢業生。

 喇沙
(圖片來源:《鬼同你OT》截圖)

曾俊華

曾俊華不但是喇沙畢業生,在1985年開始在母校喇沙書院教劍擊,他任職財政司時,曾撰文分享自己對母校的感情:

無論是叫口號或唱校歌,都令我覺得喇沙仔對學校那股近乎狂熱的歸屬感,和近年流行的所謂「本土」意識有着不少共通之處,兩者都是對本身的身分、傳統和文化,有着強烈的感情和自豪感,這種情感,大至國家民族,小至一間學校,都會存在,亦不只限於所謂傳統名校。

 曾俊華早前客串劇集《IT狗》
曾俊華早前客串劇集《IT狗》(圖片來源:《IT狗》劇照)

撰文:東方新地圖片來源:「All About Music」 YouTube截圖,facebook@林夕,IG@archie_sin,IG@derekwong726,IG@jarvischow,IG@kongfai48,IG@raymondchiu,IG@sammy903,TVB娛樂新聞台截圖,《總是有愛在隔離》劇照