尋寶記｜38年前張衞健排骨仔有頭髮片段出土！ 剃光頭背後有勵志故事
38年前張衞健排骨仔有頭髮片段出土 同𡃁妹一齊食唧唧冰！
無綫節目《尋寶記》主題是懷舊消暑用品，當中播出1984年《陽光海陸空》節目片段，驚見38年前張衞健仍然有頭髮的模樣，當年初出道19歲的他皮膚黑黑實實，排骨仔身形，年紀輕輕已經好有幽默感。仲同節目中女生一齊出海去沙灘玩，兼夾一齊食唧唧冰，只能嘆一句「青春真可愛青春」。
張衞健本來有個行船的父親，本身就常年在外，在張衛健13歲那年更拋妻棄子自此不相往來，所以17歲就放棄學業成為家中經濟支柱。弟弟張衛彝今年初在寓所滑倒失救去世，曾經感情要好相依為命。
張衞健曾於訪問中說到如果有如果，歷史該從他13歲起改寫，爸爸沒有離家、自己不用擔起頭家：「我可以肯定，當時屋企環境仲要唔錯，我九成九去咗英國讀法律，我志願係做律師，點會走去電視台參加歌唱比賽呢?如果我去咗讀書，一 切嚟得太易，我九成九唔會太畀心機、 得過且過。就算畀我做到律師，呢樣嘢我可以肯定，百分百唔會比我做演員更成功!」，語氣堅定！
成功在於自己努力不懈
84年贏完新秀冠軍入行，出碟不成，倒是加入戲劇組捱足六年後被力捧，張衞健演的孫悟空、韋小寶，是一代人的集體回憶。
從人生經歷得到更多
張衞健回想過去同時說：「TVB份人工三千五蚊，我好記得成家人住間屋月租又係三千五，仲有食、水電煤、兩個細佬供書教學、返工搭車，個個月都搵朝唔得晏，個個月都要周圍搵電話𢱑撈拆掂佢！」，為養家及自己從未放棄。
張衞健1984年出道 憑孫悟空一角彈起 因一句說話剃光頭
現年57歲的張衛健（Dicky）憑1996年TVB劇集《西遊記》中孫悟空一角走紅，口頭禪「Yo！駛乜驚啊！」、「噼啪你個隆的咚呀！」深入民心。後來張衛健一氣之下剃光頭北上發展，是因為有人睇死，說過一句話:「 唔好以為你做咗孫悟空就好巴閉，你張衛健塊面唔黐毛，根本就唔值錢!」，至今他雖依然以光頭造型示人。張衛健指這位仇家絕非電視台中人，說：「嗰個當年話過我嘅人，咁多年我連佢電話都冇，佢仲喺呢行，亦都唔算好風光。」
舊年再扮孫悟空被網民指「食言」惹網絡公審
張衛健當年因被嘲「臉上沒毛就不值錢」，所以選擇剃了光頭一直至今，亦曾表示不會再扮演孫悟空，但如今卻在內地節目再扮孫悟空，有不少網民紛紛批評他「食言」，更引發網絡公審！
張衞健消失兩年
張衞健就北上發展多年，曾參演過例如《陳夢吉傳奇》、《小魚兒與花無缺》等作品，另外亦有參演台灣製作的劇集《小寶與康熙》以及《少年英雄方世玉》等知名作品，而且大受歡迎。直到2018年，張衞健才終於回歸香港拍攝了劇集《大帥哥》。然而，隨後兩年張衞健仿佛消失幕前，遲遲未有作品。早前，內地綜藝節目《追光吧2》第二季終於找到他的身影，更在節目上以廣東話唱《身體健康》，在自白時更一度哽咽，他說：「直到有一天我心愛的人永遠地離開後，我才猛然地發現，怎麼一直以來最重要的健康，我看得那麼必然呢？」
親解消失原因
至於消失的原因，張衞健表示並不是對幕前表演感到疲憊，同時亦非常享受觀眾及予自己的愛與鼓勵，在過去兩年多，他只是將時間投放到「家人」身上，正如他在節目中所言。事實上，張衞健近年可以話係飽歷滄桑，例如2008年妻子張茜懷胎8個月卻流產；2013年母親於酒店泳池溺水昏迷，幸好以冷凍治療成壓康復，直到2018年弟弟更突然過世，種種原因也讓他傷心欲絕，所以毅然決定慢下腳步，陪伴家人。在「消失」的兩年期間，張衞健透露自己經常陪住媽媽身邊，一擠插花捉棋及睇醫生覆診，做一位廿四孝兒子。
張衞健去年留港照顧病母與妻分居 思妻情緒大爆發 去廣東坐21日疫監等重逢
張衞健入行踏入第37年， 人生路上經歷多番高山低谷，太太張茜曾兩度小產，13年張母遇溺險喪命，這兩件事都令張衞健領悟人生，深深體會要珍惜眼前人，花時間陪家人才是最重要。17年返娘家無綫拍《大帥哥》還債兼報恩，張衞健拍足半年嘔心瀝血，做演員還兼顧度橋，搏命程度可一不可再，不過這套出山作亦是張衞健的視壇告別作，看淡名利的他收山陪妻母享受人生。可惜疫情下張衞健要照顧母親，而太太張茜就留在北京生活，夫婦二人曾經超過515日(約年半)沒有見面，今年3月張衞健終於按捺不住思妻之情，起程到廣東隔離21日，完成隔離後即與張茜重逢。
張衞健留港貼身照顧病母
張衞健17年回巢拍無綫劇《大帥哥》，18年劇集播出非常吸睛，精警對白連珠炮發，他的演出令觀眾再三回味，不過劇集播完張衞健曾向本刊獨家透露元氣大傷有收山計劃，《大帥哥》會是他的告別作，他當時收起平日搞笑本色嚴肅地說：「唔會再拍喇！唔止香港，其他地方都係唔會再拍！」張衞健果然說到做到，此後他只有限度接工作，而且全都是不太花時間的演出，餘下的時間他都留給家人。此後張衞健中港兩邊走，盡全力照顧一生中最愛的兩個女人，可惜一場疫情令他與太太張茜分隔兩地，因為北上及返港都需要隔離，亦增加染疫風險，張衞健為顧及年過80歲母親被迫與張茜分居已超過一年。可幸是他與張茜共度了十七年異地婚姻，已有一套維繫感情的方法，小別勝新婚，大別更加令夫婦感情大增。疫情期間張衞健對母親貼身侍奉，日日撐枱腳、陪運動又做司機送母去學插花，孝順到跌渣。
三重打擊啟悟人生
近年不少香港藝人北上狂賺人仔，反而最早在內地爆紅的張衞健開始減產，只因近年他經歷生死啟悟人生，明白要愛得及時，因此萌起收山念頭。據知情者透露：「當年Dicky紅到發紫，有一陣子停唔到只顧搵錢，不過佢好有本心，點忙都記得要返香港見媽咪，到13、14年，佢嘅人生更加似坐過山車咁，大上大落，13年中佢媽咪游水遇溺，一度停咗心跳，好彩Dicky及時搵到名醫幫佢媽咪用冷凍治療搶救，張媽媽奇蹟康復，令佢更珍惜陪媽咪嘅時間，後來張茜有咗BB，本來一家人好喜悅，點知陀B七個月嗰陣突然流產，其實08年太太已經試過陀住八個月B流產，第二次小產對兩公婆打擊更大，呢種傷痛無法形容，張茜情緒好唔穩定，兩公婆都係靠信仰同互相扶持先走出陰霾，到18年頭胞弟Henry倒斃家中，更加令Dicky明白到人生最快樂唔係賺幾多錢，係一家人齊齊整整，簡單嘅生活已經足夠。Dicky計過，佢依家手持嘅物業同資產，足夠佢同家人過世，所以佢決定放低工作，留更多時間去陪太太同媽咪，你見佢呢兩年都係配吓音上吓節目咁，同埋做咗好多善事，名利嘅嘢已經睇化晒。」
入行37年的張衞健人生如坐過山車，17年拍完無綫劇《大帥哥》，他決定放慢腳步享受生活，近年他到處傳道、講見證，做善事幫助有需要的人，堅持心中富有比物質更為重要。
