17個疫世星B排住隊出世！可愛星二代邊個最CUTE?
原文刊於：東方新地
17個疫世星二代排住隊出世
1.古巨基榮升新手父母
古巨基與太太Lorraine於2014年結婚，今年初榮升新手父母，轉眼間星二代囝囝Kuson已經半歲大，眼仔碌碌又愛笑，可愛到暈！
3.楊思琦老公成謎獨自湊B
楊思琦2011年誕下囡囡楊卓穎後，一直以單親媽媽身份同囡囡相依為命。去年宣布再懷第二胎，聲稱跟圈外拍拖半年嘅男友喺外地註冊結婚，今年2月12日誕下星二代兒子「豬豬」，仔跟母姓楊，父親仍然是個謎。
4.梁靖琪姊弟戀修成正果
經歷婚姻失敗，去年6月與年輕8歲嘅圈外男友施雋賢結婚，梁靖琪於同年12月27日誕下星二代兒子施睿文，由二人世界變成三人行。
5.黃祥興幸福五人家庭
黃祥興同圈外老婆結婚7年育有一仔一女，今年初再添一子，組成幸福五人家庭！
6.許亦妮寵愛「馮寶寶」
前港姐許芷熒（前名許亦妮）去年10月與商人男友結婚，其後宣布懷孕，囡囡於今年2月2日出世，星二代女兒乳名叫「馮寶寶」、英文名叫KayliJane。
7.楊秀惠離巢TVB做靚媽
去年跟圈外男友葉世揚註冊成婚，早前正式離巢TVB嘅楊秀惠，於4月宣布榮升人母，展開人生另一階段。
8.楊怡羅仲謙終成功造人
楊怡同羅仲謙結婚4年終於成功造人，今年4月尾誕下星二代囡囡羅昀凝，一家三口非常幸福。生B後嘅楊怡一直待在家中湊女，搵奶粉錢嘅重任就交畀老公謙謙搞掂。
9.鄭嘉穎 陳凱琳兩年抱兩
鄭嘉穎與陳凱琳兩年抱兩，今年5月宣布再做爸媽，而第二胎冧莊又係仔，星二代大仔鄭承悅（Rafael）將會多個細佬。
10.譚凱琪低調完婚即有喜
38歲譚凱琪今年三月與拍拖八年嘅富貴男友莊日宇低調完婚，上月尾宣布有喜，現已全面停工，留家專心安胎。
11.陳山聰親手為囝囝剪臍帶
陳山聰太太何麗萍剛於今個月生咗 B仔 Jaco，陳山聰陪太太入埋產房，仲親手為星二代囝囝剪臍帶㖭！
12.雨僑羅力威唔請陪月自己湊
雨僑同羅力威結婚2年，今年情人節宣布懷孕喜訊，自稱P牌媽媽嘅雨僑日前公布今胎係B女，兩公婆決定唔請陪月唔請姐姐，一於親力親為自己湊，勇氣可嘉！
13.吳若希話唔知轉頭又陀B
吳若希上月宣布懷有第二胎，星二代3歲囡囡Giselle將榮升家姐，澳門闊少老公何兆鴻興奮大爆今胎陀仔湊成個好字。
14.應采兒陳小春再添一男
應采兒與陳小春2010年結婚，2013年誕下兒子Jasper，今年52歲嘅陳小春再做老竇，應采兒於5月尾再添一男，雖然恨女恨到發燒，但應采兒亦開心迎接細仔，惟有之後再努力過啦！
15.王祖藍李亞男成功追多個
王祖藍與李亞男已育有一歲半囡囡王天韻，疫情期間兩公婆成功追多個，一家三口將變四口。
16.宋熙年陳智燊迎四口之家
相愛11年，2016年結婚，宋熙年與陳智燊婚後兩年迎來兒子 Damon，今年3月再度傳出喜訊，將由三口子變成四口之家。
17.倪晨曦婚禮延期照生B
早前已入紙排期結婚，但因疫情婚禮延期的網絡女神倪晨曦，選在父親節宣布懷孕喜訊。「因為我覺得男女都冇所謂，都係上天嘅禮物，所以我等到佢出世嗰刻先知。」現陀 B六個月的倪晨曦坦言有意再生，婚宴則希望在明年1月舉行。
