黃日華

【夫妻情深】傳梁潔華血癌復發 黃日華獨力闢謠 愛妻30年不變

娛樂

廣告

2013年尾,係黃日華同老婆梁潔華結婚25周年,點知梁潔華驗出患上血癌,當年嘅銀婚紀念華哥就同老婆喺病塌中度過。經過5年嘅康復期,最近又突然傳出梁潔華舊病復發,希望佢哋嘅30周年珍珠婚紀念,可以無風無浪咁度過。

撰文:Joanne 圖片:新傳媒資料室

守護病塌前

2013年底,梁潔華喺無預警下被驗出患上血癌,需要住院接受治療,當時華哥日日進出醫院,親自照顧患病嘅太太,經歷5次化療,5年觀察,以為梁潔華嘅病情已經穩定落嚟。點知最近,又有傳出梁潔華舊病復發,更有目擊者指華哥多次陪太太出入醫院,更推哂手頭上所有工作,實行對太太貼身照顧。

華哥日前被追訪嗰陣,就透露咗太太而家嘅情況,同時亦否認係舊病復發,只係太太需要經常復診,至會時時出入醫院。目前太太多喺屋企休養,因為抵抗力係比常人低,所以都唔太適合經常外出。

現年57歲嘅黃日華 ,與比佢大兩歲嘅梁潔華在,同樣出身無綫藝訓班,1980年拍《京華春夢》認識,82年拍拖,曾因療為第三者介入而分手,期間黃日華先後同鄧萃雯、龔慈恩拍拖,但始終心繫梁潔華。

二人88年復合並拉埋天窗,90年誕下女兒芷晴。黃日華79年入行,喺無綫一直擔當一線小生,梁潔華一直徘徊三四線,婚後退出娛樂圈,轉職保險界,屢在業界中獲獎,但亦因此與黃日華在生活上出現過分歧,00年梁被指與同事Kenny有婚外情。

黃日華及女兒芷晴風雨不改到醫院探望梁潔華,相戀37個年頭雖有過小風波,但走得過久病床前的考驗,夫妻情深更無疑問!

據知梁潔華當時對化療反應良好,但由於白血球偏低及完全喪失免疫力,不時發燒,主診醫生擔心併發肺炎、扁桃腺炎,故獲安排在隔離病房留醫。華哥當是日日為老婆送飯後,買消毒用品,深怕麻煩到人。

病房度銀婚 誓言永恩愛家有重大變故,黃日華父女在微博完全不露端倪,只係藉家中壞電視寫下一句「動盪時刻」稍稍抒發,但日常生活仍撐到底,出席好友聚會談笑自若,到探病時刻才流露出硬漢柔情。

12月7日銀婚紀念正日,夫妻同在病房中度過,當日黃日華在微博po舊照重溫25年前的今日,留言「今天我們結婚了(25年前)!銀婚快樂、永遠恩愛」!那厥「無論疾病健康將永遠愛你」的結婚誓詞未有因年月而淡忘。