楊怡

楊怡羅仲謙遙距監控禁埋囡囡身 楊卓娜爆:「搞到我好大壓力﹗」 新手爸爸疫下拍《兒科醫生》自我隔離護家人

娛樂

廣告

楊怡去年4月為老公羅仲謙誕下囡囡小珍珠(羅翊心Hera),新手父母自然分外緊張,為了囡囡健康,不但謝絕探B,父親羅仲謙在家長戴口罩,更與老婆分房而睡。近月羅仲謙楊怡夫妻檔返內地拍劇,囡囡交給同住的楊母照顧,姨媽楊卓娜爆身在內地的楊怡羅仲謙繼續遙距監控,禁人埋囡囡身,前往探姨甥女的楊卓娜立即收長途電話「溫馨提示」,楊卓娜直言:「搞到我好大壓力﹗」

撰文、圖片:東方新地

羅仲謙早前晒餅印父女合照,對住前世情人特別冧。
羅仲謙早前晒餅印父女合照,對住前世情人特別冧。

楊怡羅仲謙夫妻檔內地掘金搵奶粉錢

楊怡(已改名楊茜堯)和羅仲謙(已改名羅子溢)有傳以八位數天價夫妻檔返內地拍劇,為搵奶粉錢,去年尾雙雙返內地掘金,接拍金牌監製梁家樹劇集《家族榮耀》,聖誕節都要同囡囡分開。闊別囡囡兩個月的楊怡,早前貼出囡囡學爬的影片遙遠為囡囡打氣,小珍珠現時交給同住的楊母照顧,楊怡與囡囡每日視訊以解思囡之苦。

楊怡謙謙夫妻檔正在內地拍攝網劇《家族榮耀》,同劇演員還有張智霖、李彩華、黃浩然等。
楊怡謙謙夫妻檔正在內地拍攝網劇《家族榮耀》,同劇演員還有張智霖、李彩華、黃浩然等。
楊怡與女分隔多月,早前貼出囡囡學爬行的片段,隔空為女打氣。為搵奶粉錢楊怡謙謙難免錯過囡囡的成長階段。
楊怡與女分隔多月,早前貼出囡囡學爬行的片段,隔空為女打氣。為搵奶粉錢楊怡謙謙難免錯過囡囡的成長階段。

姨媽楊卓娜爆羅家探B家規

羅仲謙楊怡雖然人在內地,不過兩公婆對囡囡生活所有事都會遙距監控,姨媽楊卓娜在小珍珠出世後被問有冇探姨甥女時爆唔係次次獲准探B,直指探B要有「批文」,而且每次入屋前要先沐浴更衣,楊卓娜話:「都明白嘅﹗因為我要出去開工,算係高危一族,不過我自己就係佛系嘅,生死有命,唔會太緊張﹗」楊卓娜更爆羅仲謙在家也要長戴口罩,而且放工都唔抱B,以策安全。

楊卓娜日前接受新城電台訪問時透露羅家探B之規則。
楊卓娜日前接受新城電台訪問時透露羅家探B之規則。

禁掂B女

楊怡羅仲謙近月在內地拍劇,希望能趕及農曆年前煞科返港,楊卓娜被問到細妹及妹夫不在港,可有幫忙湊B時就爆,日前前往探B,立即收到妹夫謙謙電話請佢立即戴番口罩,並且「唔好行咁埋我個女度」,楊卓娜話兩公婆都對她提出同樣警告,被禁掂姨甥女的楊卓娜話:「我冇得掂BB,好似影狗仔咁嘅遠距離影吓BB咋﹗」她又表示因疫情以來,楊怡謙謙更加不會帶囡囡外出,最多到樓下曬太陽,4月便足一歲卻「都冇出過去見個世界」戥BB慘﹗

楊怡身在內地為網劇《家族榮耀》拍攝,但心繫在港十個月大的囡囡。
楊怡身在內地為網劇《家族榮耀》拍攝,但心繫在港十個月大的囡囡。

羅仲謙疫情下照拍《兒科醫生》

《兒科醫生》早前正式開拍,疫情高危下開工的鍾嘉欣下「限拍令」,劇組拍攝期延無可延,早前正式開機,在疫情高危下開工,劇中兩個爸爸鄭嘉穎及羅仲謙如臨大敵,為保護妻女,謙謙同老婆楊怡分房瞓又禁掂B女,而細仔出世才個多月的鄭嘉穎,更索性搬酒店暫住,忍痛同妻兒分隔幾個月,抗疫嚴陣以待!

疫情高危下開工的鄭嘉穎,為保護妻兒焗搬到尖沙咀五星級酒店暫住,每日只能以視像和妻兒見面,始終細仔出世才個多月,BB抵抗力較弱,嘉穎也不敢掉以輕心。
疫情高危下開工的鄭嘉穎,為保護妻兒焗搬到尖沙咀五星級酒店暫住,每日只能以視像和妻兒見面,始終細仔出世才個多月,BB抵抗力較弱,嘉穎也不敢掉以輕心。
另一位爸爸羅仲謙,同樣為保護妻女做足防禦措施,現時與太太楊怡分房瞓之外,即使在家亦會戴上口罩,也不敢掂 B,變相令獨力湊 B的楊怡更辛苦,令謙謙非常肉赤。
另一位爸爸羅仲謙,同樣為保護妻女做足防禦措施,拍劇時與太太楊怡分房瞓之外,即使在家亦會戴上口罩,也不敢掂 B,變相令獨力湊 B的楊怡更辛苦,令謙謙非常肉赤。

嘉穎謙謙憂心忡忡自我隔離護家人

嘉欣突下「限拍令」,劇組為如期完成劇集,疫情稍緩已經開機,由於劇中有好多臨時小演員參與,加埋拍攝場地有不少演員演護士及醫生、工作人員及陪小朋友的家長,場地每日有數十人出入,難免令兩個家中有初生B的爸爸演員鄭嘉穎及羅仲謙憂心忡忡!據知情者透露:「相對之前拍《陀槍師姐2020 》,嗰時疫情冇咁嚴峻,而且套劇唔似《兒科醫生》有咁多臨時小演員,謙謙每日要接觸咁多人,令佢好緊張,佢同嘉穎兩個本來好想劇組過咗疫情高峰先拍,不過,劇組因為要放嘉欣走,已經唔能夠再推遲,咁嘉穎、謙謙都做咗爸爸,其實都好體諒嘉欣同仔女分開咁遠嘅心情,所以最後都肯妥協,只有望疫情快啲過!」

相比住獨立屋的謙謙,家住北角大廈單位的鄭嘉穎,由於細仔還是BB,為保護妻兒,嘉穎更要搬住酒店,同妻兒分開住。早前他受訪亦坦然疫情開工要咬緊牙關:「細仔仲細,我又要開工,冇辦法,呢個係最難捱嘅時候,點都要捱過去!」 鍾嘉欣為百萬片酬冒險返港拍劇 掛念仔女匿埋喊趕交人下「限拍令」

09年拍《鐵馬尋橋》成為好兄弟的鄭嘉穎與馬國明,相隔十一年再合作 《兒科醫生》 。
09年拍《鐵馬尋橋》成為好兄弟的鄭嘉穎與馬國明,相隔十一年再合作 《兒科醫生》 。

嘉穎搬開住酒店

不過,疫情高危下開工,兩個爸爸亦明白小心駛得萬年船,為保障家人健康,劇集開拍後兩人已經為抗疫自我隔離。據知情者透露:「始終BB抵抗力較弱,你話唔擔心就假,所以喺套劇開拍之後,嘉穎已經無返屋企住,依家搬咗去尖沙咀一間酒店,細仔出世冇耐,大仔又好黐佢,嘉穎都好擔心老婆一個睇住搞唔掂,但都冇辦法!謙謙面對嘅擔憂同嘉穎一樣,不過謙謙住比華利山獨立屋,同阿怡分房瞓,唔同樓層,為咗保護老婆同個5個月大囡囡,就算喺屋企謙謙都會戴口罩,更加唔敢抱BB!」為人父母當然緊張子女,相信嘉欣、嘉穎同謙謙,現時最大心願,同所有香港人一樣希望疫情快些過,一切回復正常!不用擔驚受怕!

疫情高危下開工,謙謙要同老婆楊怡分房瞓,又不敢掂女兒小珍珠,日前一個人外出,見他亦全副裝備,除戴上口分房瞓罩,頸上又掛住空氣淨化機。
疫情高危下開工,謙謙要同老婆楊怡分房瞓,又不敢掂女兒小珍珠,早前一個人外出,見他亦全副裝備,除戴上口分房瞓罩,頸上又掛住空氣淨化機。
獨力湊女的楊怡,日前在IG po出攬實女兒小珍珠瞓覺的相片。
謙謙早前在港拍劇,獨力湊女的楊怡IG po出攬實女兒小珍珠瞓覺的相片。

 

七月底女兒小珍珠百日宴,一家三口合照,謙謙溫柔抱緊囡囡。
七月底女兒小珍珠百日宴,一家三口合照,謙謙溫柔抱緊囡囡。
因「 限聚令 」暫不能出外景,《 兒科醫生 》近日開拍亦以拍廠景為主,主場景分別在新蒲崗及九龍灣工廈搭建醫院及辦公室場景,監製方俊華為該劇構思多條感情線,一度有考慮馬國明搭鍾嘉欣,不過最後落實50歲鄭嘉穎同鍾嘉欣成一對,演小兒外科醫生的馬明,則與劇中已婚但老公是植物人的周家怡有感情線。
因「 限聚令 」暫不能出外景,《 兒科醫生 》早前開拍亦以拍廠景為主,主場景分別在新蒲崗及九龍灣工廈搭建醫院及辦公室場景,監製方俊華為該劇構思多條感情線,一度有考慮馬國明搭鍾嘉欣,不過最後落實50歲鄭嘉穎同鍾嘉欣成一對,演小兒外科醫生的馬明,則與劇中已婚但老公是植物人的周家怡有感情線。
《 兒科醫生 》涉及唔少小演員參與演出,劇組在拍攝場地亦貼出通告,要各演員如非拍攝,必須戴上口罩。
《 兒科醫生 》涉及唔少小演員參與演出,劇組在拍攝場地亦貼出通告,要各演員如非拍攝,必須戴上口罩。