歐瑞偉

歐瑞偉「易先生」「鷲哥」登台 、太太捧場靚仔女曝光!

娛樂

廣告

無綫劇《同盟》中飾演「易先生」嘅歐瑞偉,以及《巨輪II》中飾演「鷲哥」嘅吳岱融,最近一齊上郵輪登台同大唱鄭少秋嘅經典金曲,佢哋嘅家人都有去捧場,其中歐瑞偉嘅太太同一對仔女都有嚟捧場,歐瑞偉一對仔女首次曝光,原來都係靚仔靚女,果然遺傳咗父母嘅優良基因呀!

撰文:Sunday Kiss

圖片來源:新傳媒圖片庫、歐瑞偉Facebook、鍾淑慧Facebook

歐瑞偉 靚仔女曝光

近排憑《同盟》一劇走紅嘅歐瑞偉,日前同「鷲哥」吳岱融上咗郵輪登台唱歌,佢哋兩邊屋企人都有出嚟撐場,雖然吳岱融嘅囝囝喺新加坡當兵嚟唔到,但太太鍾淑慧、鍾淑慧嘅媽咪、細妹、妹夫等都有上遊郵輪玩,至於歐瑞偉太太同一對仔女亦有上船支持,唔講唔知,其實歐太係馬來西亞演員,再睇睇歐瑞偉嘅細女同大仔都已經長大,大仔21歲,細女18歲,而且係靚仔靚女,果然有遺傳咗父母嘅優良基因!

「易先生」、「鷲哥」登台 歐瑞偉太太捧場 靚仔女曝光

歐瑞偉與吳岱融兩家人都有去撐場。
歐瑞偉與吳岱融兩家人都有去撐場。

 

吳岱融同歐瑞偉合唱咗鄭少秋嘅《倚天屠龍記》,易先生原來唱功都唔錯,觀眾反應都相當好。
吳岱融同歐瑞偉合唱咗鄭少秋嘅《倚天屠龍記》,易先生原來唱功都唔錯,觀眾反應都相當好。

 

二人練歌都非常投入,一個唱《倚天屠龍記》主題曲,一個唱《書劍恩仇錄》主題曲,兩首都是鄭少秋經典名曲,對唱起來竟然異常地夾,而且唱得唔錯!
二人練歌都非常投入,一個唱《倚天屠龍記》主題曲,一個唱《書劍恩仇錄》主題曲,兩首都是鄭少秋經典名曲,對唱起來竟然異常地夾,而且唱得唔錯!

多年好友

其實歐瑞偉同吳岱融出道以來,在很多劇集中都合作過,更是多年相的好友,但合作登台唱歌卻是第一次。事緣郵輪搵吳岱融登台時,叫佢多找一位拍檔,佢二話不說搵咗歐瑞偉,「鷲哥」同「易先生」就此遇上,呢個組合新鮮又驚喜。

「易先生」、「鷲哥」登台 歐瑞偉太太捧場 靚仔女曝光

難得兩家人一同上船玩幾日,吳岱融同歐瑞偉更寓工作於娛樂,好開心!
難得兩家人一同上船玩幾日,吳岱融同歐瑞偉更寓工作於娛樂,好開心!

易先生慘死 網友讚演技好

歐瑞偉入行前其實做龍虎武師,所以佢喺無綫劇集《同盟》中打得出色,而演技亦好好,劇中他保護令小姐(鮑起靜)到停車場時,遇到多名殺手伏擊,他不敵身上多刀,最後在令小姐眼前被殺手插肩及割頸殺害,臨死前望住令小姐死不瞑目,好多網民戥佢死得慘,仲話歐瑞偉臨死前眼神充滿愛,演得好感人!

55歲歐瑞偉在《同盟》打出名堂,觀眾好受落!
55歲歐瑞偉在《同盟》打出名堂,觀眾好受落!
歐瑞偉都在家中收看易先生慘死嘅一幕,仲問大家有冇睇?
歐瑞偉都在家中收看易先生慘死嘅一幕,仲問大家有冇睇?

KC易服 超搶鏡

歐瑞偉在《愛.回家》系列中扮演KC搞笑十足,佢同「Terry」李偉健拍住上,演出搶鏡有默契,意外深受觀眾歡迎,喺《開心速遞》中,KC係Terry嘅舅父但情同父子,KC為完成Terry做演員的心願,更是百般遷就。其中一集講KC為幫Terry排戲兼減壓,不惜穿起大碼水手服短裙,化身大隻金髮孖辮妹,上演一幕《格雷的五十道色戒》SM場面!KC犧牲臀部被「格雷」Terry狠狠鞭打,即時痛到跳起,更被劇中女友姚瑩瑩誤會出軌。呢一集成為網友話題,唔少人話估唔到歐瑞偉演出咁生鬼!

「易先生」、「鷲哥」登台 歐瑞偉太太捧場 靚仔女曝光