江華

【恩愛夫妻】江華麥潔文 結婚26年恩愛依然

娛樂

廣告

經典劇《尋秦記》即將拍電影版成近期熱話,唔少網民都集氣呼籲劇中飾演連晉的江華復出接拍!江華早年已退隱娛樂圈,於1992年同太太麥潔文結婚,雖然已經結婚26年,但兩公婆依然十分恩愛,江華仲經常同老婆拍拖享受二人世界,真係羨煞旁人!

編輯:Sunday Kiss|原文:東方新地|圖片:新傳媒圖片、微博

結婚26年 江華麥潔文依然恩愛

唔少星二代都希望入行做明星,大仔26歲陳耀淙(Bryan)更加係愈大愈靚仔,有晒條件入娛樂圈,不過原來長大成人後去咗做白衣天使,冇繼承父母衣缽,Bryan天生有助人之心,感嘆現今香港醫護因人手嚴重不足問題外,所以喺大學完成護士課程後隨即投身醫護界,做護士為社會大眾服務,認真唔話得!麥潔雯同江華曾經話仔女大,只會支持兒女嘅決定﹗有需要時先會出手扶助,係一對畀仔女好大自由度嘅父母﹗仔大女大,而江華同麥潔文雖然當初唔係人人睇好、多年來亦都遇過婚姻危機,不過江華同麥潔文呢一對都係排除萬難繼續相伴左右,眨吓眼咁就結婚26年。

搭住膊頭行超市

老夫老妻日子離不開柴米油鹽生活瑣事囉,日前兩公婆結伴行超市,證明感情要好的話,就算係買雜貨揀粿菜咁濕碎,都可以當係拍拖一樣有情趣。人稱比劉華更劉華其實不無道理,即使淡出娛樂圈轉行做保險多年,江華外型同警覺性都一樣keep得到,陪住老婆買買吓嘢,都係畀佢發現遠處鏡頭。呢個時候chok爆江華提一提老婆,再擺番個pose加埋個笑臉同離遠同打個招呼,有一刻,真係忘記咗呢度其實係連鎖超市,仲以為喺紅館睇緊劉華開個唱㖭!

感情好,之唔係行超市都可以當係拍拖囉,睇睇吓米,江華都情不自禁從後輕搭麥潔文肩膊。

冇耐就被江華發現鏡頭,即時提一提老婆,又chok擺番個招牌劉華pose。

願為病患大眾服務 棄當明星「星二代」

大家對江華必定毫不陌生,演技超卓的他能演活任何一位角色,當中經典有如《西遊記》的唐三藏、《楚漢驕雄》的項羽、《尋秦記》中嫪毐(連晉)、《九五至尊》的雍正皇帝(李大蝦)等等,不論忠奸、貴族抑或平民都輕易駕馭得到。可惜自江華與TVB解約後已鮮於幕前出現,但他擁有俊俏外表的長子陳耀淙(Bryan)卻成為了大眾的焦點。

說到「星二代」,大家難免對此種種刻板印象,例如「含住金鑰匙出生」、「不務正業愛吃喝玩樂」等等,然而成熟穩重、有主見的Bryan憑藉他踏實的言論,成功令眾人對「星二代」有另一番看法。Bryan自小已在一「星二代」光環附帶的無形壓力下成長,Bryan明言這可是很大的負擔,面對眾人的期望,惟他卻未有承傳父親的演戲天份和母親的歌唱天賦。

Bryan未有因此而質疑自己,反而於畢業後立心投身醫護界親身為市民服務,擺脫了父母當明星的步伐。Bryan近日接受媒體訪問,立志成為醫生的他,由於成績不如理想,繼而攻讀護理學,並於2017年畢業後開始到公立醫院擔任護士一職。正值冬季流感肆虐期時,好多市民會去公立醫院求診,伊利沙伯醫院及聯合醫院急症室等候時間更一度長達六小時,令前線醫護人員與病人比例達1:10個,當護士從來並非易事。不過Bryan擁有無比堅持的意志和使命感,從不介意任何厭倦性的工作,還將壓力化為動力來源。

不但大眾對Bryan的成熟性格為之讚嘆,連其母親麥潔文亦為之感動。麥潔文早前接受電台訪問時,透露與Bryan的一席話,令她非常動容。Bryan實習時要到老人家中清理傷口和打理大小二便,麥潔文聽罷問他:「你會否嫌工作太厭惡性?」Bryan 回答:「會呀,但我覺得值得,因為我們護士幫老人家打理好家後,老人家心裡會舒服多了,對他們的病情亦好有幫助。」麥潔文對於Bryan處處為病人著想的同理心而相當感動,亦非常支持他的工作,網民亦大讚江華和麥潔文的良好家教,造就了兒子的高尚內在美。

 

大仔Byran遺傳江華嘅俊臉,唔入行真係有啲浪費,Byran曾經講過自覺冇演藝天分,所以無意入行﹗

細女天天遺傳了媽媽嘅天賴歌喉,想入行做歌手,麥潔文去親表演登台都預埋天天一份,等天天積累表演經驗﹗