伍詠薇

金宵大廈2|伍詠薇爆萬綺雯作狀+曾被高層羞辱 結婚13日喪夫 老公兩度出軌

熱話

廣告

《金宵大廈2》中,伍詠薇 於第二個單元故事《雙魚》飾演神經質、性格偏執的單親媽媽李淑芬,控制並利用毀容女兒渺渺,賣慘博同情。她在劇中有幕不斷咒罵間屋,配合現場幽暗環境,很有感覺。近日,她接受主持林柏希訪問,於網上節目《月傾會》訪問,分享自己的愛情世界。

伍詠薇
(圖片來源:IG@christineng)

更多:金宵大廈2 | 1-20集劇情/角色介紹:陳山聰李施嬅再續前緣「兩世情人」大玩平行時空

伍詠薇不怕做人阿媽 為角色刻意減磅

伍詠薇被問到有沒有介意要演蘇皓兒媽媽,她直言:「黐線㗎!我之前做過黃宗澤阿媽啦!」原來其他女藝人一向會避接媽媽角色,怕被定型,但她反而認為如果擔心被定型就代表演技不好,表示自己做得很開心、投入。她曾經於《高朋滿座》、《刑事情報科》、《女人週記II》做過媽媽。

她坦言為了今次角色有刻意減磅,成個人又凹又乾:「本身我都唔係肥底嘅人啦,我係特登跌磅跌到去47 kg然之後再dehydrate,拍緊嘅時候唔飲水、唔食嘢再dehydrate,乾住唔上妝!」非常專業。

伍詠薇亞姐出身 認憎過翁虹爆萬綺雯作狀

伍詠薇入行33年,於1989年參選亞洲小姐競選,最後她大熱倒灶只得「最上鏡小姐」,而當年冠軍、亞軍、季軍分別是翁虹、萬綺雯、趙靜儀。被問到當年最不滿誰,她坦言:「翁虹其實係炒作到我同佢唔啱咋嘛!冇乜特別憎,當時可能憎幾嘢咁囉,即係可能覺得你咁樣撥吓啲頭髮,作狀,作狀到佢;萬綺雯『耶』一聲咁樣,作狀,即係呢啲囉!」

至於令她發脾氣的對手是誰?她大爆有兩個亞視男藝人,一個男星A玩失蹤,一個男星B就飲醉,還照樣入廠拍劇,結果被女長輩當眾教訓:「兩個字!男人!兩個!失蹤唔到、嗰個飲醉!因為我同呢個人真係好多戲,(成浸酒除?)唔…一身的酒氣。」她給了四個字提示:「芳華絕代,講咗兩個字(姓名)出嚟喇!」

即睇《金宵大廈2》1-20集劇情劇透

伍詠薇被女高層羞辱一度離開TVB

2013年,伍詠薇曾經一度離開TVB,當年有指她曾被女高層羞辱,她還原當時情況:「當日就喺一個conference room,約咗我開會,再傾吓個角色!」她馬上女高層上身,用主持林柏希假設男主角覆述一次當年說話:「其實講晒㗎喇,你知唔知呀?林柏希做主角,林柏希都未知個劇情係點樣呀,你伍詠薇已經知道咗好多㗎喇已經!」

她回憶:「跟住鬧到我呢,我開始唔反駁喇,因為見到你咁燥底,我識咗你咁多年,你咁燥底,我咪開始就唔反駁,我話:『唔係…我都係想嚟問一問呢個角色啫…』佢就執住咗一樣嘢,話:『你要咁多戲做咩啫?得呀!我寫好多場畀你都得,你咪棟喺度』..佢無話丫鬟,未必係呢兩個字!」她繼續女高層上身,「林柏希都未必鍾意你做㗎!」

最後她壓不住怒火,決定離開現場:「我嗰吓真係着啦!我真係走,我話:『唔該晒,咁我考慮一吓。』佢話:『咁咪好啦,你唔做嘅話呢,我哋搵第二個做呢個角色』」一年之後,另一個女高層找她了解當年詳情,反問她為何不作出解釋。

結婚13日變寡婦 傳繼承逾億遺產

伍詠薇有過兩段婚姻,90年與相差31年的首任丈夫翁江培結婚,但婚後13天,翁江培於陪同她到深圳登台期間心臟病發猝死,當時她年僅21歲:「嗰時結咗婚十幾日,丈夫同佢嘅家人、幾位朋友陪我去登台。我都未唱完,我先生突然離場,我以為他想出去呼吸新鮮空氣、去廁所。點知唱完,家人同我講:『佢突然唔舒服、唞唔到過氣,依家去緊醫院。』到醫院,已經見到進行心臟電擊搶救,之後醫生同我說:『呢個人已經離開咗。』太突然加上當年太年輕,唔識反應!」

事後一直有傳伍姑娘繼承咗逾億遺產,她否認話「根本無呢件事,嗰陣周圍嘅人都做編劇,試過有啲唔識嘅人,喺條街鬧我八婆,真係有苦自己知,依家見我嬉笑怒罵,其實係嗰幾年鍛煉返嚟!」

伍詠薇
(圖片來源:YouTube@盒子 BOX channel)

如無亡夫無她 伍詠薇深情告白:掛住你㗎

回顧當年,伍詠薇很感激亡夫對她的提點:「如果無支明燈點過我,我應該會行歪路多,我會做咗啲…舞小姐,我覺得會下海。翁生係我第一個明燈,無血緣關係,但係係最親密嘅人,佢教我最多嘢,係我老師、丈夫。如果唔係佢教我點做人,點用第一張信用卡,我唔會行到今日呢個咁有骨氣嘅伍詠薇。掛住你㗎,阿翁!」有人戥她可憐,但她不以為然:「上天安排晒啲嘢畀你,我無悔第一段婚姻,因為令我學識好多嘢,同埋係我真愛嚟。」

伍詠薇原諒老公兩度出軌 自爆曾屢次愛上有婦之夫

伍詠薇跟現任老公練海棠,二人人前恩愛,但多年來經歷過不少風浪,練海棠曾兩次被指出軌。她曾接受商台節目《1圈圈 星光背後》訪問時被問練海棠二度出軌嘅事,她說:「我無隻眼開隻眼閉!如果係嘅話,你會睇到出我係唔舒服,點解要咁做?有啲人係會死頂,但係我唔會!」她表示首次見到老公出軌相,即「毛管戙」:「嗰陣都大家都有傾過呢個問題,其實我自己都有啲責任,因為慣住做嘢,少咗時間陪佢。」去到2016年,老公第二次出軌,她更代為向公眾道歉,她坦言感到很心痛及失望「我同佢講:『走唔甩啦!唔係我睇到,係記者發現!』不過真係好心痛、好失望。」

伍詠薇
(圖片來源:Sunday Kiss照片庫)
伍詠薇
(圖片來源:Sunday Kiss照片庫)

今次《月傾會》訪問,她再重提舊事:「我個人自己食嘢都……我係食家,哈哈哈!我係無嬲,我反而第一係諗吓自己,呢件事發生一定有原因,自己有咩問題,有無問題?有問題,咁佢更加有問題啦,所以你嘅問題大啲,我嘅問題都有我嘅問題存在,大家商討囉,傾得埋就合,傾唔埋就分手!」老公之前曾兩度出軌,曾被拍得妙齡少女出街,她也選擇原諒、包容,攜手面對風波。而她就坦言自己人生中在感情上都有做錯過:「溝人哋老公囉!計唔到,計到,五個以內啦!」

伍詠薇
(圖片來源:YouTube@盒子 BOX channel)
伍詠薇
(圖片來源:YouTube@盒子 BOX channel)

她曾在結婚20周年的大日子,於Instagram 發佈二人合照,並表示:「接下來的日子,下半場人生,一起好好生活吧。」

以前她曾被記者影到拖住老公練海棠去戲院睇戲拍拖。當時練海棠好識做,企在商場大堂等老婆一齊行。入商場前伍姑娘披件披肩,練海堂就望實老婆,靜靜等候。夫妻有幾恩愛就是從這些由生活細節看得出。兩公婆一齊買飛、一齊買零食準備入場,步伐一致睇戲,喜好亦都一致。

即睇《金宵大廈2》1-20集劇情劇透

伍詠薇想同姜濤談情母子戀

最後主持林柏希問伍詠薇:「依家嘅性生活愉唔愉快?定係dry咗好耐?」她坦言:「性生活少咗好多,因為對咗同一個樣二十年,你試吓對一個女人20年,靚到李嘉欣咁樣啊,都要搵阿伍詠薇啦!(幾耐一次?)唔定㗎喎,咁八年都有一次嘅!你問我問題,你理得我點答你啫!」

伍詠薇
(圖片來源:YouTube@盒子 BOX channel)

她還笑言想同姜濤談情母子戀:「我覺得佢好勤力,幾like佢,做我個仔會教得佢更加好…如果演戲,姜濤鍾意咗我,我係佢同學阿媽嚟,咁就得。」

伍詠薇
(圖片來源:YouTube@盒子 BOX channel)

伍詠薇爆萬綺雯什麼事?

伍詠薇參選亞洲小姐入行,曾被問到當年最不滿誰…..詳情請看

伍詠薇如何面對第二任老公曾兩度出軌?

伍詠薇曾表示對老公出軌的事並沒有「死頂」,而第二次出軌更對老公坦言….詳情請看

圖片來源:亞視《1989年亞洲小姐競選》截圖、YouTube@盒子 BOX channel、YouTube@ TVB (official)、TVB《金宵大廈2》截圖、Sunday Kiss照片庫、IG@christineng