蔡嘉欣

蔡嘉欣拜金炫富犯眾憎 自爆生日禮物男友送支票

娛樂

廣告

蔡嘉欣參選《2019年香港小姐競選》,最終以五強成績落選後加入無綫電視。同屆參選者中,蔡嘉欣可謂最受注目,既是無綫藝人又是KOL,除了幕前演出外更身兼多職從事保健產品生意。但蔡嘉欣最受觀眾所認知的卻是其拜金炫富行為,去年她手揸40萬現金去匯款並在社交網炫耀,受盡非議。蔡嘉欣晒命晒幸福並非新鮮事,本性難移的她日前錄影《姊妹淘》又再炫富。

撰文:東方新地 圖片:蔡嘉欣IG圖片、《姊妹淘》影片截圖

蔡嘉欣生財有道 富貴男友任職iBank

蔡嘉欣現為《姊妹淘》主持之一,一向理財有道,入行之前已經是KOL,亦有做時裝生意,19年因為參加香港小姐而加入無綫,繼續靠自己做生招牌,買賣時裝之外更代理美容品牌,感情方面,她亦公開與有米ibanker男友拍拖。

蔡嘉欣
《姊妹淘》的莊思敏與蔡嘉欣一齊慶祝生日。
蔡嘉欣
蔡嘉欣的生日願望是快些可以再有劇拍。

 

蔡嘉欣
蔡嘉欣自爆男友每年送的生日禮物都是折現畀支票,讓她自己買自己喜歡的生日禮物。
蔡嘉欣
蔡嘉欣搞到成班姊妹起哄想收到支票做生日禮物。

蔡嘉欣拜金本性難改:生日禮物收支票

蔡嘉欣的拜金炫富形象早已深入民心,日前度過了27歲的生日的她,獲《姊妹淘》幾位主持好友送上小蛋糕為她慶祝,蔡嘉欣接受訪問時被問及男友送甚麼禮物給她,她說:「我啲生日全部都好現實,佢寫張支票畀我,真㗎!我年年都係咁㗎喎!都有五位數字嘅!」此話一出,全場姊妹嘩嘩聲表示好羨慕!

蔡嘉欣
蔡嘉欣生日還收到男友送的藍色玫瑰花,她埋怨男友在情人節冇送花,見到好姊妹個個有花收,她多番施壓在生日終於收到花。
蔡嘉欣
蔡嘉欣曾與男友搵專業攝影師拍了一輯浪漫合照,不過好友陳詩欣就踢爆她與男友星期一至星期五都不用聯絡,蔡嘉欣即解釋二人互相信任,到周末見面就會好黐纏。

蔡嘉欣曾晒40萬現金 網民:借機炫富

去年蔡嘉欣在IG的限時動態分享自己手持40萬現金的照片,她解釋是安排海外匯款,由於每次都是現金交易,每次膽戰心驚,此舉惹來不少網友嘩然,亦有網友認為她借機會炫富,事後她表示會自我反省。

蔡嘉欣
去年蔡嘉欣手持一疊1000元紙幣去匯款,她把照片放上社交網。
蔡嘉欣
蔡嘉欣被指過份炫耀,令人反感。

蔡嘉欣晒命早有前科 犯眾憎被指冇大冇細

被指上位快過港姐三甲的蔡嘉欣,恃住有米ibanker男友錫到燶,周身名牌狂炫富,晒命唔使本,好快就成為犯眾憎。蔡嘉欣殺入《姊妹淘》不斷諗計搶fo,霸頭位搶對白冇大冇細。早前蔡嘉欣上樓盤節目接受訪問狂呻樓價高企難上車,不過家中有兩大個櫃放滿包包,被網民狂插總值幾十萬的包包已經夠做首期。明知自己惹火,蔡嘉欣都唔識低調立品,好明顯輸經驗。

26歲的蔡嘉欣樣貌比實際年齡成熟,去年10月開始加入《姊妹淘》成為台柱主持之一。
27歲的蔡嘉欣樣貌比實際年齡成熟,19年10月開始加入《姊妹淘》成為台柱主持之一。
去年參選港姐即成頂頭大熱,蔡嘉欣打入五強後落選,有指是非纏身所致。
19年參選港姐即成頂頭大熱,蔡嘉欣打入五強後落選,有指是非纏身所致。
入唔到三甲焉知非福,蔡嘉欣有得主持《姊妹淘》又有得拍劇,機會跑贏晒港姐三甲。
入唔到三甲焉知非福,蔡嘉欣有得主持《姊妹淘》又有得拍劇,機會跑贏晒港姐三甲。

蔡嘉欣上位快過港姐三甲 工作機會最多

入行只有兩年的蔡嘉欣前年選港姐時已是當紅KOL,是非多多被揭一大堆黑歷史,有指她因拜金而拋棄無綫藝人吳子沖,並結識有錢ibanker新歡,男友更在將軍澳天晉租了一個月租近二萬五元的單位,方便她參選時出入將軍澳電視城。結果蔡嘉欣大熱倒灶,即被無綫睇中簽約成親生女,極速被安排加入《姊妹淘》做主持,更有份參演劇集《智能愛(AI)人》及處境劇《愛回家‧開心速遞》,工作機會遠遠超過同年港姐三甲。

有樣有身高的蔡嘉欣,不時在 IG晒泳照及性感照吸粉,其社交網粉絲早已過十萬。
有樣有身高的蔡嘉欣,不時在 IG晒泳照及性感照吸粉,其社交網粉絲早已過十萬。
曾被指為了有米新歡撇大茄演員男友的蔡嘉欣,與ibanker男友拍拖三年經常出埠外遊,蔡嘉欣唔介意男友高調曝光,在IG狂晒二人親密合照。
曾被指為了有米新歡撇大茄演員男友的蔡嘉欣,與ibanker男友拍拖三年多經常出埠外遊,蔡嘉欣唔介意男友高調曝光,在IG狂晒二人親密合照。

蔡嘉欣為人高調 過分進取惹人藐爆

做慣網紅的蔡嘉欣,時裝及美容觸覺都有番咁上下,做《姊妹淘》主持開中佢嗰瓣,不過野心太大亦令她成為不少人的假想敵,據知情者透露:「Kayan(蔡嘉欣)表現得太進取,搶對白講同埋成日霸頭位、中間位都好明顯,試過有一集講美腿準則,為咗突顯自己高人一等同長腿,佢提議幾位女主持喺鏡頭前鬥腳長,佢又笑唔係個個女主持都可以坐喺長凳腳掂地。恃住自己口才好公司又畀機會,Kayan喺其他人面前都幾寸嘴㗎,但對住大家姐莊思敏就扮晒嘢好奉承,最難頂都係成日晒名牌袋同晒男朋友點樣錫佢,又話男友帶佢遊世界去過好多個國家咁,正所謂一山不能藏二虎,傅嘉莉就最唔妥佢,喺背後藐爆。」

每次拍攝及影大合照,蔡嘉欣即自動波霸佔有利位置,入行年資比她長的傅嘉莉都望塵莫及,輸晒身位,難怪在背後藐爆。
每次拍攝及影大合照,蔡嘉欣即自動波霸佔有利位置,入行年資比她長的傅嘉莉都望塵莫及,輸晒身位,難怪在背後藐爆。
早前一集講美腿準則,身高174cm的蔡嘉欣意見多多,拍前仲建議即場度腿鬥腳長。
之前有一集講美腿準則,身高174cm的蔡嘉欣意見多多,拍前仲建議即場度腿鬥腳長。
莊思敏是《姊妹淘》元老主持,經過四輯改朝換代只有她有得留低,蔡嘉欣當眾大讚莊思敏雙腿就是美腿準則,擦鞋擦出面。
莊思敏是《姊妹淘》元老主持,經過四輯改朝換代只有她有得留低,蔡嘉欣當眾大讚莊思敏雙腿就是美腿準則,擦鞋擦出面。
蔡嘉欣度過自己雙腿與身高比例合乎標準,興奮大叫沾沾自喜。
蔡嘉欣度過自己雙腿與身高比例合乎標準,興奮大叫沾沾自喜。
莊思敏拿著一張紙牌,寫上大腿與小腿的國際標準,當知道亞洲人普遍不能達標,蔡嘉欣突然把紙牌怒擲落地,表現激動,最後要莊思敏去執紙牌。
莊思敏拿著一張紙牌,寫上大腿與小腿的國際標準,當知道亞洲人普遍不能達標,蔡嘉欣突然把紙牌怒擲落地,表現激動,最後要莊思敏去執紙牌。

蔡嘉欣家中大櫃塞滿手袋 卻呻無錢做首期上車

在蔡嘉欣的IG內,幾乎每日都拎不同名牌手袋,絕大部分都係Hermès同Chanel,有數得計總值肯定超過五十萬,不過佢就曾在無綫的樓盤節目內大呻未夠首期上車,又話唔想畀一成首期供幾十年樓,節目一出即被明眼網民鬧爆佢啲名牌袋都夠畀首期。作為野心勃勃的港女,或者蔡嘉欣想買幾千萬以上的豪宅,區區幾十萬真係唔夠呢?與其賣袋換首期,冧男友送樓可能仲可行。

早前蔡嘉欣上無綫節目《我要做業主》接受胡諾言訪問,她呻樓價高企難圓業主夢,又表示唔想畀一成首期供九成,寧願儲多幾年錢先買樓。
蔡嘉欣曾上無綫節目《我要做業主》接受胡諾言訪問,她呻樓價高企難圓業主夢,又表示唔想畀一成首期供九成,寧願儲多幾年錢先買樓。
與家姐同住將軍澳兩房私樓單位的蔡嘉欣,早前自拍家居實況放上 youtube,兩個大櫃放滿名牌手袋,她竟說依家已經冇咁揮霍。
與家姐同住將軍澳兩房私樓單位的蔡嘉欣,早前自拍家居實況放上 youtube,兩個大櫃放滿名牌手袋,她竟說依家已經冇咁揮霍。
有網民睇完蔡嘉欣的供樓論,直斥她賣晒啲包包就可以當首期,插爆佢不切實際。
有網民睇完蔡嘉欣的供樓論,直斥她賣晒啲包包就可以當首期,插爆佢不切實際。
廿歲出道已經周身名牌的蔡嘉欣,擁有的名牌多不勝數,不過她對Hermès與Chanel最情有獨鍾,多年來收藏不少經典同長青的款式,睇佢IG淨係睇袋都目不暇給。
廿歲出道已經周身名牌的蔡嘉欣,擁有的名牌多不勝數,不過她對Hermès與Chanel最情有獨鍾,多年來收藏不少經典同長青的款式,睇佢IG淨係睇袋都目不暇給。