許志安

鄭秀文選擇原諒 許志安經修復成好老公回歸

娛樂

廣告

「安心事件」女主角黃心穎日前高調返港搏翻身,另一邊廂男主角許志安自嘲是個壞了的人要時間去修補,事隔多個月,鄭秀文(Sammi)似乎已經完全放低兼原諒安仔,早前更被記者見到二人sweet行超市。安仔找到Sammi這個好老婆,真是幾生修道。

撰文、圖片:東方新地

鄭秀文選擇原諒 許志安經修復成好老公回歸

經過多月來的潛水思過,安仔以靜制動成功修補夫妻關係,與老婆鄭秀文感情昇華,早前與友歐遊共享快樂時光,Sammi返港後更見豁然開朗,知情者說:「Sammi同安仔好快就冇事啦!依家不知幾開心,互相了解多咗,早前Sammi父母輪流病,安仔陪住Sammi去照顧兩老,幫手分擔,患難見真情,後來到Sammi個胃有事入院,安仔真係好擔心,佢哋經過咁多風風雨雨,安仔亦知道幸福唔係必然,今次對佢嘅教訓好大,以後唔會再錯啦!」

Sammi安仔甜蜜再現 夫妻二人甜爆行超市

有Sammi大愛原諒,好老公安仔亦回歸,日前見他陪住Sammi到位於陽明山莊的超市,夫唱婦隨一齊溫馨掃零食,估唔到對自己的身形與健康同樣嚴厲與緊張的Sammi,會在超市狂掃大量薯片、餅乾與朱古力等高熱量不健康的零食,當見到本刊記者,Sammi與安仔同樣展現開心幸福笑容,能夠雨過天青齊上齊落,真係要好好珍惜。