陳伶俐富豪級獨立屋曝光 擁千呎花園無敵南區靚景

撰文、圖片：東方新地

陳伶俐新加坡餐廳停業重拾清閒少奶奶生活

可惜去年到依家社會氣氛加埋反覆疫情，雙重打擊下，陳伶俐經營兩年嘅新加坡餐廳上個月都正式停止營業。夫家係新加坡富商胡嘉烈後人、家族生意遍布新加坡、香港同內地，雖然要暫時告別飲食生意，不過賺錢買花戴嘅劉太陳伶俐，反而樂於重拾清閒少奶奶生活，得閒湊吓仔約吓朋友，仲得閒捉老公出街拍拖歎越南粉。留家時間多咗，家居風光亦不時曝光，婚後即搬入夫家位於布力徑嘅富豪級獨立屋，室內面積達三千呎、全海景花園又過千呎，市值超過億半，大把空間真係日日居家都唔怕悶啦！