張栢芝

離婚後未有承認任何戀情 傳張栢芝為新加坡富豪生B

娛樂

廣告

自2011年與謝霆鋒離婚後,張栢芝一直負責照顧兩個仔,期間雖然斷續有緋聞傳出,但至今未開腔承認任何一段新關係。但係尋日(29/11)突然傳出張栢芝喺本月25日喺養和醫院生咗第三胎,而BB爸爸更加係新加坡富豪!?

撰文:東方新地 │ 圖片:張栢芝IG 、新傳媒圖片、微博│ 編輯:Joanne@Sunday Kiss

傳張栢芝誕下第三胎

今日有報道指38歲張栢芝在本月25日於養和醫院生咗第三胎,而且都係男嬰,BB的父親是一名年過六十歲的新加坡富豪,是當地連鎖飲食集團股東,又擁有一間上市企業。栢芝媽媽數個月前曾在節目亮相時,親口爆料指女兒的新男友是「一位65歲的新加坡富豪」,雖然兩人年齡相差廿十多歲,但卻很會照顧人。

神隱數個月

據報道又指出,張栢芝為生B保密工夫做足,唔止將Ig、微博嘅個人帳戶全部post刪掉,近數月突然未有在公開場合露面,而早於7、8個月前,仍經常見到栢芝在大埔康樂園會所出現,但最近已不見其影蹤,反而有唔少人在養和見過佢。而最後一次現身是今年5月,她和吳建豪宣傳主演嘅大陸電視劇《如果愛》,當時栢芝著住鬆身裙出席活動,被指刻意遮掩孕味!

自爆2018年要生BB

雖然已經有兩名可愛的兒子,也未有透露有新對象,但今年初,栢芝突然在Instagram揚言要生B:「2018之前必定要生出個BB來,This is my goal!」

 

而今年3月栢芝罕有地在Instagram貼出一張有男伴出現的游泳照,未知相中男子是否新男友!

不過,消息未得到栢芝的證實,而有傳媒向其經理人Emily求證,她未有正面否認,只是說:「沒有回應!」

而栢芝前夫謝霆鋒被傳媒追問是否知道前妻栢芝誕B及跟新加坡富商交往一事,他表示:「我唔知呀。」而對於有傳栢芝再生BB,身為前老爺嘅謝賢向栢芝送上祝福:「我唔知,唔講喇!同我祝福佢!」

今年4月,在又一城被影到栢芝同兩個囝囝行街,當時栢芝穿上鬆身運動褲及波鞋,未見孕味!