雨僑

拒請外傭一腳踢 雨僑幫愛女拎出世紙 為個「約」字扯火

娛樂

廣告

雨僑兩個月前榮升人母,展開全職媽媽生活後才發現阿媽唔易做,她完全感受到帶孩子是一項瘋狂任務,早已頻頻在社交網大叫「真係人都癲!」點知雨僑幫愛女拎出世紙一樣遇上困難,囡囡中文名有個「約」字,但辦手續時政府部門職員話沒有這個字,搞足兩個鐘最後都話冇,雨僑忍唔住扯晒火在fb呻爆!

撰文:東方新地 圖片:雨僑IG及fb圖片、羅力威IG圖片

雨僑接受湊女挑戰

雨僑於今年8月8日產女,囡囡英文名叫Harper Lo。
雨僑於今年8月8日產女,囡囡英文名叫Harper Lo。
雨僑與羅力威一家三口早前影了第一輯全家福,好溫馨。
雨僑與羅力威一家三口早前影了第一輯全家福,好溫馨。

雨僑自從生女後有女萬事足,因為產前與老公羅力威有共識唔請外傭,頭一個月全靠伯娘幫手做陪月,現在雨僑囡囡Harper已雙滿月,雨僑已習慣面對沒有陪月伯娘幫忙下、獨力照顧女兒。女人生完受荷爾蒙影響,情緒會有起伏,因為湊女太辛苦,雨僑都會適當地舒發情感,早前她在社交平台說︰「做Blogger嘅呢十幾年間,以前興過No mirror challenge,勇敢啲有No makeup challenge,仲有好多不同嘅challenge。不過我最近有個真係好具挑戰性嘅,No陪月Challenge。過嚟陪月嘅伯娘功成身退喇,以後得我對住你(Harper)。」

雨僑與羅力威有女萬事足,兩公婆唔請工人,分擔湊女工作。
雨僑與羅力威有女萬事足,兩公婆唔請工人,分擔湊女工作。
雨僑為囡囡拎出世紙,竟然因為職員話電腦冇個「約」字而搞足兩個鐘。
雨僑為囡囡拎出世紙,竟然因為職員話電腦冇個「約」字而搞足兩個鐘。
圈中好友何基佑搞笑地建議雨僑把「約」字改成其他字,如「豹」字,雨僑回應說可改成「釣」及「的」。
圈中好友何基佑搞笑地建議雨僑把「約」字改成其他字,如「豹」字,雨僑回應說可改成「釣」及「的」。

雨僑女兒名有「約」字

日前雨僑又遇上新挑戰喇!她與老公羅力威為囡囡拎出世紙,竟然搞到一肚氣。話說囡囡Harper的中文名中有個「約」字,即是她叫「羅約X」或者「羅X約」,去到政府部門辦手續時,職員竟表示他們的電腦中根本沒有「約」字,搞了兩個小時,最後仍堅持沒有「翹絲邊」下面有三點的「約」,結果雨僑與羅力威要再申請及等多三個月先可以完成手續為囡囡拎到出世紙。

雨僑話職員好認真,查晒字典都話冇,唔知仲以為佢個女叫方中Sir。
雨僑話職員好認真,查晒字典都話冇,唔知仲以為佢個女叫方中Sir。
羅力威亦在IG POST了自己隻歌〈紅不紅〉,表示唔明點解會話冇「翹絲邊」的「約」字。
羅力威亦在IG POST了自己隻歌〈紅不紅〉,表示唔明點解會話冇「翹絲邊」的「約」字。
羅力威同雨僑一樣,唔明點解連一個咁普通的「約」字都可以冇。
羅力威同雨僑一樣,唔明點解連一個咁普通的「約」字都可以冇。

雨僑 羅力威社交網網呻爆

為此雨僑與羅力威都大感不惑,覺得這件事好七不思議及前所未聞,夫婦二人各自把親身經歷放上社交網,雨僑仲有啲扯火,覺得個「約」字好普遍,又唔係方中Sir咁難寫,「約」字大家都識,就連拎出世紙都要「預約」,但就百思不得其解,唔明點解政府部門話冇囉!還是爸爸羅力威有阿Q精神,他說今次申請後開了先河,以後啲BB想改呢個「約」字都有得用喇!

羅力威日前捕捉到囡囡的可愛笑樣,仲放上網分享。
羅力威日前捕捉到囡囡的可愛笑樣,仲放上網分享。
雨僑覺得生活已今時唔同往日,要照顧初生囡囡,真的不易。
雨僑覺得生活已今時唔同往日,要照顧初生囡囡,真的不易。
全職湊女好辛苦,不過雨僑識得同人呻,唔會自己屈埋屈埋。
全職湊女好辛苦,不過雨僑識得同人呻,唔會自己屈埋屈埋。