香港愛情故事

《香港愛情故事》糖妹由深水埗唐樓搬住貝沙灣 百萬供弟英國留學

娛樂

廣告

糖妹(黃山怡)在無綫熱播劇《香港愛情故事》中相隔六年再和好姊妹王敏奕合作,剛好深宵重播二人結緣劇《女人俱樂部》,糖妹同王敏奕的共通點是圈中公認孝順女,糖妹不但孭起頭家,更要年供三十萬給胞弟留學之用。為了搵錢能力提升,有傳糖妹聽從高人指點搬入風水一流的貝沙灣,經濟壓力極重的糖妹,為交租死慳死抵﹗

撰文:東方新地|圖片:糖妹Facebook、東星圖片、新傳媒圖片庫
《香港愛情故事》糖妹貪風水好窮住貝沙灣 慳儲首期供弟英國留學

糖妹日前為《香港愛情故事》宣傳,一身粉紅衫示人的糖妹笑言想旺桃花,直言仍然單身。

糠妹窮住貝沙灣

糖妹自小住於深水埗唐樓的糖妹,被指突然富貴搬到貝沙灣居住,不過出入都是坐港鐵、小巴,糖妹後來澄清是為了方便工作,而且只是月租細單位,月租約兩萬多,並指租金是她日常最大開支,平日好慳儉。有傳慳妹糖妹突然租住豪宅,全因獲高人指點搬到港島南區會有利桃花及財運,事業更可更上一層樓,糖妹聽到高人指點,為貼近上車的夢想,立即聽取從高人建議搬去貝沙灣,惟有在生活上慳得就慳﹗

糖妹和王敏奕在《香港愛情故事》再度合作,劇內劇外都是好姊妹,演出無難度。
糖妹和王敏奕在《香港愛情故事》再度合作,劇內劇外都是好姊妹,演出無難度。

10月三十三歲生日的糖妹,得好姊妹王敏奕(右)及陳瀅為她慶祝,三人因拍攝劇集《女人俱樂部》而成為好友。

糖妹孝順又顧家

糖妹對《香港愛情故事》劇情相當有共鳴,因為也是為上車努力儲錢,經濟壓重,糖妹是家中大女,性格獨立,喺爸爸退休、媽媽係家庭主婦嘅情況下,仲一個人孭起頭家, 同時又為了供養胞弟到英國留學,月花至少三十萬,四年大學已花掉了「首期」,糖妹更明言若胞弟想讀上博士,她會一直供落去,果然是廿四孝家姐。糖妹為家人仆心仆命,更為了家人設想,一早買下廿多份保險,大部分以父母醫療及意外保險為主,她指雖然每月供款都成了壓力,糖妹卻指這是努力工作的最大動力﹗

糖妹
糖妹放低糖兄,近年以拍劇為主,之前在《逆緣》飾演社工Macy(蔡明詩),個角色活潑可愛,而且敢愛敢恨,相當討觀眾歡心。現實中,一年畀三十萬供埋細佢11歲嘅胞弟去英國讀書,絕對係「絕世好家姐」呀!

「糖兄妹」入行十周年

出道十年的糖妹,出道時與糖兄組成「糖兄妹」加入樂壇,糖兄負責作曲,糖妹主力填詞,兩人當年在頒獎禮中更奪得多個新人獎,成績彪炳,而糖妹出道時一直被指酷似陳慧嫻,加上經常表演同埋翻唱慧嫻嘅歌,令不少人都記得佢 。而這個組合維持6年,兩人自14年推出EP《動起來》後,便開始減少一同公開露面,但糖妹話二人不是拆夥,而且私底下一直有合作和聯絡。

《香港愛情故事》糖妹貪風水好窮住貝沙灣 慳儲首期供弟英國留學

糖妹多年來密密做,歌、影、視、廣告、登台、商演都見到佢,山大斬埋有柴,糖妹儲到好多錢,係圈中小富婆!

《香港愛情故事》糖妹貪風水好窮住貝沙灣 慳儲首期供弟英國留學

糖妹:家人是無價

糖妹辛苦工作的收入,係留畀家人用,而不是買名牌包包。現年30歲嘅糖妹有一個比佢年紀細11歲嘅弟弟,前年考DSE成績一般,心願係到外國修讀心理學,糖妹就喺財力上助佢圓夢:「我細個時都希望去外國留學,結果未能夠實現,既然細佬有清晰目標,就由佢嚟完成我嘅夢想,投資喺家人身上始終係無價嘅!」

《香港愛情故事》糖妹貪風水好窮住貝沙灣 慳儲首期供弟英國留學

年供三十萬送弟英國留學

英國脫歐後,糖妹稱弟弟到當地升學唔算平 ,一年開支至少三十萬,佢話﹕「細佬去讀書由我負擔,開支票嗰一下,個心真係穿咗個窿,學費、保險仲有其他雜費,加起嚟都接近三十萬,所以我要努力工作啦!」佢笑言細佬靠晒佢,所以佢都要增值自己,學多啲語言去唔同地方交流,順便搵真銀。

糖妹

糖妹慳家搭港鐵

糖妹日常生活相當貼地,家住深水埗唐樓,出入都係以港鐵代步:「搭港鐵既環保又可以控制時間,工作講誠信,準時抵達令人留下好印象,人哋先會再搵你做嘢,咁樣先可以能賺得更多。以前我都會覺得搭港鐵有啲唔自在,但長大咗就冇呢回事,人哋可以搭,點解我唔得?只係大家職業唔同啫!」

糖妹
糖妹經常慳家搭港鐵,但素顏嘅佢似乎唔多途人認得出!
糖妹
糖妹為養家努力工作,早前就專程飛到澳洲登台演出。

糖妹最希望請全家旅行

糖妹其實好叻女,一個女仔孭起頭家、自己使費、弟弟留學費,所剩無幾,佢最大嘅心願就係請全家人一齊去旅行,認為呢件事勢在必行!

《香港愛情故事》糖妹貪風水好窮住貝沙灣 慳儲首期供弟英國留學

孝順女糖妹帶阿媽去澳洲跳傘

雖然呢個心願暫時未做到,但上月糖妹趁去澳洲登台嘅機會,帶埋阿媽一齊去旅行,兩母女上山落海,玩得好盡興⋯⋯佢仲爆糖媽勇字當頭撩佢去玩跳傘:「佢話唔想去睇嗰啲景點,話不如去玩跳傘,我好驚㗎!後尾我哋真係去咗跳傘,仲有浮潛,海陸空都玩晒!」不過糖妹見媽咪玩得好開心,充滿活力,連佢自己都開心埋!

糖妹
糖媽好大膽,撩糖妹玩跳傘,同埋玩浮潛。
糖妹
糖媽仲做攝影師,幫糖妹影出一對長腿!

吃貨糖妹 最大支出是飲食費

愛吃的糖妹話樣樣都會慳,但在飲食一定唔會慳,而這方面的支出也不少,之不過吃得開心又能減壓,也是為生活和工作帶來更多力量!糖妹說她習慣用一張信用卡,這樣可以控制支出,而且又能集中儲一張信用卡的積分,其實她在理財方面也很精明!

《香港愛情故事》糖妹貪風水好窮住貝沙灣 慳儲首期供弟英國留學

糖妹公餘和「明哥」去做義工

雖然忙於工作,但糖妹也會為社會出力,她不時和歌迷會成員去做義工,而去年糖妹就同深水埗「明哥」拉隊去派飯,全程落手落腳做,真係好有善心!

《香港愛情故事》糖妹貪風水好窮住貝沙灣 慳儲首期供弟英國留學