高海寧

童時愛上你|高海寧為母選港姐曾被誤會狂喊? 剖白捱窮日子 終能買樓贈家人

熱話

廣告

TVB 最近藝員頻頻離巢,數日前高海寧宣傳新劇《童時愛上你》時被問到與TVB續約一事,她回應傳媒是表示「已加薪」,但否認有意「續約換獎」,並指咁多年我這樣做,一個獎都沒有。她認為攞獎與否是看天時地利人和,最重要是角色得到觀眾認可。高海寧入行多年,一直被人標籤是性感形象,原來私下是個乖巧孝順女?

高海寧 童時愛上你
(圖片來源:TVB《童時愛上你》劇照)

《童時愛上你》劇情套路似「阿旺」

新劇《童時愛上你》由高海寧飾演雷紫彤Amanda,是一名擁有自家化妝品牌的總裁。在一次活動中,她的產品被美妝KOL丁宥迎Ding哥 (張振朗飾演)在影片中狠狠批評。一向強勢的雷紫彤忍不住上門與他理論,期間雷紫彤遇到意外,令她失去記憶,行為舉止回到八歲的她。雷紫彤的父親(胡楓飾演)與助理(陳展鵬飾演)為了隱瞞雷紫彤的狀況,要求Ding哥與雷紫彤假結婚作掩飾。

之後雷紫彤暫住在Ding哥家中,並由Ding哥照顧變成小朋友的雷紫彤。因為雷紫彤變成小朋友,沒有戴Bra、 化妝、男女之別的基本知識,所以有時令Ding哥萬分尷尬,弄出不少笑話。雷紫彤之後需要回到公司,與大哥(袁文傑飾演)爭權,但最後似乎會令全家關係有所改變?

網民睇頭幾集已經尷尬到叫救命

在劇中,高海寧要飾演一個心智只有八歲的小女孩,對演技方面有極大要求。高海寧要撇開固有女神形象,飾演一個純真小女孩。這類劇情很容易會拍成「阿旺」的劇情套路,難以符合觀眾口味。

有網民就反映:「一個30歲嘅人扮8歲細路女TVB唔覺得尷尬咩」、「真的唔好睇15秒即轉台」、「好難超越阿旺」有人則認為現年35歲的高海寧根本不適合扮演小學生角色。似乎新劇不被觀眾看好,很多觀眾都寧願轉台看其他劇集。不過有一些留言指劇集輕鬆搞笑,夜晚回家可以有這類劇開心一下。

高海寧在TVB 做足14年,從未獲獎,難怪她考慮TVB約滿後離巢另覓新工作機會。

女神形象背後是孝順女

高海寧21年12月跟媽媽、兩個弟弟為爸爸慶生,她嘟起嘴跟爸爸合照,又留言道:「我的家人真的很可愛,是福氣,也是幸運,和你們在一起,坐著就很開心,有你們的地方就是家。」又笑言自己很像媽媽,很喜歡皺鼻子是遺傳媽媽。現年35歲的高海寧,工作向來不錫身,毫不吝嗇大晒豐滿身材,是不少人心中的性感女神。現實中她是個孝順女,她永遠把家人放在首位,一有時間就會陪家人!

高海寧為圓母親夢想 放手一博參選港姐

高海寧在南京出生,而父母在港靠做小販,於女人街擺檔賣銀器養起頭家,所以她由外婆湊大。雖然父母不在身邊,但親戚朋友都很疼愛她。由於寄人籬下,所以她自小很懂事,每次放學回家都會自動自覺做功課,小時候成績還很好。14歲時,她回港升中,終於可以和家人一家團聚,居於旺角女人街一座大廈的天台屋,中五會考更考獲22分佳績,做過學生會副主席。

高海寧 10歲
10歲(圖片來源:Sunday Kiss照片庫)
高海寧 16歲
16歲(圖片來源:Sunday Kiss照片庫)

高海寧是參選港姐入行的,原來她原本是不願意參選。她指媽媽兒時的夢想是做歌手,大概由17歲開始,媽媽就跟她說:「女兒,參選港姐吧!」,每年不斷重複,直到2008年父親也加入游說的行列,叫她嘗試一次。她坦言真的不想參加,因為她認為很多佳麗也是從海外回港,假如落選也可以回到原居地,總之有很多因素令她卻步。但最後她為了圓雙親的夢想,便放手一試。

高海寧
(圖片來源:IG@ sammkoling)

心痛爸爸做小販養家 憑實力漸漸捱出頭

2008年,高海寧參選香港小姐入行,至今已經14年。惟剛入行,她的收入微薄,父母依舊要在女人街擺檔搵食,爸爸試過涉嫌賣假銀器而被海關拘捕,搞到她很自責同心痛:「我覺得自己做極都養唔到屋企人,我好想父母唔使再喺女人街擺檔,夏天太熱,女人街咁焗成四十度都有,太辛苦啦!」

《婚姻合伙人》是她首次擔任女主角、飾演地產經紀貝競枝(Kimchi),是一個進取女人,既貪錢又自私,不少人都大讚高海寧在劇中發揮得好好,入形入格。於《金宵大廈》飾演怪獸家長小惠,對兒子期望甚高,結果兒子不堪壓力自願留在異空間,最終在強烈悲痛下被鴉烏洗走對兒子記憶,拍喊戲都十分自然,被觀眾激讚。

高海寧付5位數家用又供弟弟讀書買樓放租收入贈母

高海寧把家人放在首位,每月給父母五位數字家用,而且自開始賺錢後,便替弟弟支付學費及生活雜費,又幫他們報讀遊學團,付全數旅費:「屋企有兩個細佬讀緊書,又要供樓、供車,我會努力養起頭家!」每逢大時大節,她都一定將時間留給家人,聚埋一齊食飯,更不時於網上分享家庭照,非常孝順。

高海寧
(圖片來源:IG@ sammkoling)
高海寧
(圖片來源:IG@ sammkoling)

2015年她斥資約526萬,購入油塘新盤Peninsula East一個522呎中層兩房單位與父母同住,當時她花上約105萬付首期。屋苑的管理費亦非一般的貴,比當初預期的高,要逾每方呎4.1元,她直言壓力大。現時她已將單位放租,租金收入全數贈母。

她的上車之路不易,足足儲了七年錢才完成心願。她曾經話,她一家人都不太會投資,又覺得風險很大,所以儲錢買樓:「買樓呢樣嘢係我阿媽由細到大灌輸我嘅一個思想,因為我唔識投資,買磚頭好似係最穩陣。我媽咪爹哋後生好辛苦咁捱,都捱到兩層樓,所以當我有錢,我就儲首期買樓。」她指初時她想買大屋,後來發覺「上車」愈來愈難,惟有買間細。她慶幸自己做了這個決定,因為現在依家樓價又升了。她指現在很想快點供完樓,或者儲筆錢再買多間,要有動力。

【婚姻合伙人】孝順女高海寧一生為家庭努力:只有屋企令我最舒服
(圖片來源:IG@ sammkoling)

另外她時常惦念遠在南京的婆婆,就算要拍劇的時候都會趁空檔跟婆婆視像通話。放假時,更加會飛返去南京探婆婆,每次婆婆都會煮很多小菜給她吃,難怪她曾留言說:「每次回來都要胖幾斤,外婆家太好吃好住了。」仲話見到婆婆的笑容就乜都值得。

不論兒時或現在,她都同樣愛錫婆婆,就如她所說,二人的確是「彼此的一生中最愛」。每次一談起外婆,她總顯得特別感性:「你陪我長大我陪你到老」,亦祝福婆婆健健康康,可以繼續陪著她,這份跨越兩地的婆孫情實在教人感動。

高海寧選港姐患抑鬱

問:會唔會成日諗番如果十年前選美嗰陣,邊個環節表現唔同,賽果都會唔同?

答:我參選嘅時候其實壓力好大,因為有好多負面嘅新聞,但當時因為細個、唔識得去處理呢方面嘅情緒,就會覺得點解全世界都唔鍾意我呢?所以喺選嘅過程中,我係曾經患過抑鬱,我試過突然間肥咗好多,每日不停食嘢,困自己喺屋企喊,仲要唔想畀爹哋媽咪知,因為係媽咪叫我參選。佢見到我咁,都好唔開心,我喺沖涼嗰陣喊,因為肥咗好多,每日起身又要跑步,有好多情緒上嘅嘢。

當時處理得好差,淨係想快啲選完,覺得係一個解脫。我的確冇選中,選完我見到好多姊妹喺後台度喊,但係當時我無喊,當時嘅反應就係:「終於都完咗嘞!」覺得我終於都完成咗呢件事,所以你問我覺得賽果點,或者當時希唔希望自己有好好嘅表現,我覺得全部都係整定,我唔會諗番話如果攞到冠軍就好喇,反而我係由低做起,一步、一步,成長到依家,每一步經歷嘅嘢,都係有得著嘅。

問:08年你選港姐落選,但無綫簽你做藝員,算唔算塞翁失馬,焉知非福?

答:嗰陣選完都迷茫嘅,因為唔知自己究竟想要啲咩,當時公司畀咗offer我,我係好開心,起碼呢條路我仲有得選擇行落去。都有同屋企人討論過,因為我書未讀完,未讀完大學,當時諗不如趁後生試咗先,就簽咗,都好好彩,即刻就有好多飲食節目、旅遊節目畀我拍。當時比較少拍劇,對於嗰個年紀嘅我易Handle啲,因為演技需要時間、需要人生嘅一啲經歷先會易上手啲。玩、食對一個廿零歲出頭嘅女仔嚟講會Easy啲,所以當時都好Enjoy,做做下就做咗咁多年嘞。

高海寧 最大喜好是瞓和食,加上體質易胖,會以瑜伽、跑步及健身keep身形,「依家會搵教練train,因為依家講求firm、少少馬甲線、pat pat要翹啲。」
最大喜好是瞓和食,加上體質易胖,會以瑜伽、跑步及健身keep身形,「依家會搵教練train,因為依家講求firm、少少馬甲線、pat pat要翹啲。」(圖片來源:Sunday Kiss照片庫)

高海寧被標籤性感 幸得家人理解與支持

問:家人有無介意你行性感路線?

對於我爹哋媽咪嚟講,我永遠都係佢哋個女,佢哋無介意過我行性感,因為佢哋知我唔係一個大家外表上望到嘅女仔,因為性感呢個形象可能令好多人誤會我係壞、私生活唔檢點,或者鍾意釣金龜。但我爹哋媽咪好清楚我係一個點嘅女仔,我亦都用行動去證明畀大家睇我係一個點嘅女仔。所以當我遇到奇怪嘅新聞,我爹哋媽咪會同我講:「阿女唔使理,做好自己,遲早有日會睇到嘅!」當出面遇到好多壓力,淨係得屋企呢個地方令我最舒服。

問:大家都將注意力放喺你嘅身材上,你覺得有無壓力?

當然有啦,我得到大家嘅注意力,諗起高Ling就諗起性感,但亦同時間限制咗我嘅演藝生涯好多、好多年,近年因為田蜜(《不懂撒嬌的女人》)或者《使徒行者》,一啲好嘅角色令到大家對我印象開始扭轉,監製開始會畀機會我,畀啲重戲份啲或者有得發揮嘅角色畀我,好衷心多謝佢哋。

大眾將我同白健恩嘅強姦戲放大,在於我嘅立場,我梗係唔開心啦。嗰套劇之前我好多角色都係客串小三、狐狸精,監製同我講佢睇我嘅飲食節目,見到我講起婆婆嘅一段說話,Feel到我內心有其他嘢可以畀人發掘,所以願意畀機會我,但外界只會將性感放到好大,所以我嗰套劇所有嘅努力都比嗰場戲冚晒,就係嗰刻我開始諗係咪要收起性感。

收起性感後,成效係點?

有好多唔同嘅聲音,有人會話:「大家都覺得你係性感嘅,依家好多女仔都願意性感去引起人注意,點解你要收起啫?你會少咗好多工作機會。」但我覺得每個人都會有個階段,我知道性感可以令我得到好多工作機會,但我希望我可以跨過呢個階段,去下一個階段,得到唔好再咁性感嘅工作機會,我唔介意有一段時間我可能會失去一啲Job或者角色,因為唔跨過,永遠都唔會有進一步嘅路、行得再遠啲。

高海寧 擁有34D魔鬼身材,入行多年一直被派演花瓶及性感角色,對被標籤為性感,「如果你讚我呢套戲做得好,我會開心啲囉!」
擁有34D魔鬼身材,入行多年一直被派演花瓶及性感角色,對被標籤為性感,「如果你讚我呢套戲做得好,我會開心啲囉!」(圖片來源:Sunday Kiss照片庫)
高海寧
(圖片來源:TVB《為食總司令》截圖)
高海寧
(圖片來源:Sunday Kiss照片庫)

初入行全副身家得六百蚊 死頂不想父母知道辛酸

問:有無捱過麵包同經歷低潮?

梗係有捱過麵包啦,話你聽一個秘密,諗番都對徐淑敏(現名徐菁遙)唔係咁好意思。當時(09年)佢結婚,我啱啱選完港姐,我戶口真係得番六百蚊,佢請我去飲,我都知道人情其實大概要1,000至1,500蚊,但我真係得600蚊,我將我成副身家畀晒佢做人情,當然佢唔會話我畀得少,但我心入面知道係好少。

我都有試過捱,因為啱啱選完港姐,收入係好低、好低,都係靠爹哋媽咪幫補吓,但我都唔想靠佢哋咁多,因為佢哋都壓力大,我仲有兩個細佬,我爹哋媽咪又要供樓,佢哋喺女人街做嘢都辛苦,所以嗰時問我夠唔夠使,我都話我OK呀,都盡量慳,嗰時搭地鐵,盡量將使費減到最低。

外界覺得我無經歷過低潮,其實我覺得我好彩嘅,我入咗行之後,因為去咗《美女廚房》個Trip,開始好多客戶搵我做嘢,贏得知名度同好多工作嘅機會,但都有好多係我失去咗嘅嘢。例如我需要用更加多嘅努力先可以證明畀大家睇我有嘅唔只係身材,呢樣係我到依家都仲喺度Fight緊,個角色有少少性感,我所有嘅努力就無晒㗎喇,大家淨係會睇到我泳池嗰場戲係點,其他無論點努力去演繹喊戲、傷心各樣嘢,無人會睇到㗎!呢個就係有得必有失。

高海寧 對有份演的《賭城群英會》被網民評為膠劇,「我又唔覺得膠,每個演員都做得好好,我好開心阿佘佘詩曼)教我好多,佢好錫我,畀好多鼓勵我,做做下戲情緒冇咗,佢係會加啲對白幫我,識到佢我好開心。」
對有份演的《賭城群英會》被網民評為膠劇,「我又唔覺得膠,每個演員都做得好好,我好開心阿佘(佘詩曼)教我好多,佢好錫我,畀好多鼓勵我,做做下戲情緒冇咗,佢係會加啲對白幫我,識到佢我好開心。」(圖片來源:Sunday Kiss照片庫)

高海寧覺得愛情重要過錢

問:有傳你受殼王陳國強、王晶得寵後失寵嘅傳聞,你用咩心態面對?

除咗呢啲新聞之外,有時啲連個人物都冇,得個剪影,就話我畀富商A搞掂咗,我心諗你都畀啲誠意吖,得個黑影都可以作篇新聞。開頭我好介意,因為我好清楚我係幾咁腳踏實地嘅人,我亦都唔係貪錢嘅人。

晶哥好錫我,晶哥係有畀好多機會我,我會唔會因為呢啲新聞而唔要呢啲演出機會?我唔會,因為我拍劇嘅機會唔多,所以每個角色我都做好佢,至於同公司老闆嗰啲傳聞,其實由頭到尾無人影到張相,我同佢嘅接觸,都係每年台慶,佢喺台上,我喺台下,連打招呼嘅機會都無。

問:你有無結婚生仔嘅時間表?

答:細個覺得22歲結婚,25歲生BB。我身邊嘅朋友開始結婚、生仔,我開始檢討自己。我21歲入行,我入行後嗰八年,完全係工作,未試過好好Enjoy拍拖係咩一回事,我好想做一個真真正正嘅人。我好鍾意小朋友,依家就覺得我一定會結婚,我係結婚之後重心會擺喺屋企嗰啲女仔。一定會生BB,會畀心機照顧我嘅丈夫同小朋友,但幾時就順其自然,發生嘅時候我會同大家講。

我信緣份,我亦信感覺,我好渴望嗰種觸電嘅感覺、愛情嘅感覺。有句說話「你鍾意喺寶馬入面喊,定踩住單車笑」我會揀坐喺單車後面笑。你畀好多錢我,但未必會喺身邊陪伴我,我係唔得。我好需要溝通、陪伴,好Enjoy做小女人。我爹哋媽咪到依家都好Sweet,拖住手食飯,呢樣嘢好影響我,所以我憧憬好美好嘅婚姻生活。

愛情對我嚟講係緊要過任何嘢,如果佢好愛我,我又好愛佢,我係唔介意一齊去捱。由細到大,我都鍾意好成熟嘅男仔,爹哋媽咪保護得我好好,變相唔係好識點去處理人際關係,我希望我另一半可以教識我好多嘢,我會好崇拜、好倚賴呢個人,畀我感覺無論遇到咩事佢都可以幫我孭上身、幫我解決。

問:你咁享受拍拖,點解唔公開?

我覺得拍拖係兩個人嘅事,或者係兩個家庭嘅事,但當我哋係公眾人物,好多嘢都要喺鎂光燈下面,我唔希望有其他任何嘅壓力去影響,呢個係兩個人嘅共識,到係時候、有好消息,我會接受大家嘅祝福。

高海寧 運動以外,亦有學做戲、及學唱歌增值。
運動以外,亦有學做戲、及學唱歌增值。(圖片來源:Sunday Kiss照片庫)
高海寧 高海寧一直被指與音樂才子鄧智偉秘密拍拖多年,不過二人就一直沒有承認,當傳二人感情穩定至結婚時卻突然分手。
高海寧一直被指與音樂才子鄧智偉秘密拍拖多年,不過二人就一直沒有承認,當傳二人感情穩定至結婚時卻突然分手。(圖片來源:Weibo@黃宗澤)

高海寧為何覺得愛情重要過錢?

高海寧指:愛情對我嚟講係緊要過任何嘢,如果佢好愛我,我又好愛佢,我唔介意…詳情請看

高海寧為母選港姐,曾被甚麼事誤會狂喊?

高海寧原本是不願意參選。她指媽媽兒時的夢想是做歌手,大概由17歲開始,媽媽…詳情請看

圖片來源:LIHKG截圖、FB@高海寧 Ko Ling、FB截圖、TVB《童時愛上你》截圖、IG@ sammkoling、TVB《為食總司令》截圖、Sunday Kiss照片庫、Weibo@黃宗澤、TVB《婚姻合伙人》截圖、TVB《金宵大廈》截圖