魏駿傑

魏駿傑自爆離婚後生活難捱零收入想了結 重提與滕麗名一段情:佢愈紅,我愈避

娛樂

廣告

現年53歲的魏駿傑入行30年,日前他接受港台主持車淑敏訪問時就談及去年他的人生低潮,經歷過離婚、睇心理醫生及一年半完全零收入,直言萌生輕生念頭,幸好靠女兒救番自己,而他在訪問更重提與滕麗名一段情,分手原因曝光。

文:東方新地 |圖:魏駿傑微博、新傳媒圖庫

魏駿傑離婚零收入曾想輕生 靠愛女救番:將隻脚踏返落嚟!
入行30年的魏駿傑,日前接受港台主持車淑敏訪問,大談人生高低起跌。(圖片來源:魏駿傑微博)

曾萌輕生念頭

「帶女洪郎」魏駿傑不經不覺已入行 30 年,經歷過無數人生高低起跌。日前魏駿傑接受港台節目《舊日的足跡》的車淑梅訪問,提及人生低潮時,曾有輕生念頭,他說:「2020 年係非常難過嘅一年,我要去睇心理醫生,離婚、封關,有一年半時間係零收入。我想過自殺,覺得好慘,我個女救番我,因當時我諗起佢唔可以冇咗我,將隻脚踏返落嚟。呢件事唔可以畀個女知,我喺佢面前日日都好開心,如果佢知會影響佢一世」。

魏駿傑離婚零收入曾想輕生 靠愛女救番:將隻脚踏返落嚟!
魏駿傑提及人生低潮時,覺得自己好慘想過自殺,幸好最後是女兒救了他。(圖片來源:魏駿傑微博)
魏駿傑離婚零收入曾想輕生 靠愛女救番:將隻脚踏返落嚟!
「帶女洪郎」魏駿傑現時同女兒相依為命。(圖片來源:新傳媒圖庫)

承認不是好老公

對於離婚一事,魏駿傑指自己做足爸爸本份,承認不是滿分老公,跟前妻張利華離婚沒有誰對或錯,明白自己變得太離譜,只掛住女兒而忽略太太,他解釋說:「就當係啦,大家好落台。我係個好悶嘅老公,係一個110分嘅爸爸,30分嘅老公。有啲事情察覺到可以解決,但有時察覺唔到,發覺時已經冇咗」。回復單身,魏駿傑笑言曾公開招親,但遭愛女反對,說爸爸只可愛她一人。

魏駿傑離婚零收入曾想輕生 靠愛女救番:將隻脚踏返落嚟!
魏駿傑承認自己不是滿分老公,跟前妻張利華離婚沒有誰對或錯。(圖片來源:新傳媒圖庫)
魏駿傑離婚零收入曾想輕生 靠愛女救番:將隻脚踏返落嚟!
魏駿傑與前妻張利華因生活不協調最終離婚收場。(圖片來源:魏駿傑微博)

揭與滕麗名分手原因

節目中魏駿傑亦談及與滕麗名的9年情,坦言令對方受到傷害,更揭開二人分手真相:「我哋拍拖9年冇結婚打算,我爸爸喪禮佢以未來媳婦嘅身份出席,我好感動。但後來忽然間唔知點解大家冇咗感覺,就好似結咗婚90 年。佢好紅,一定紅過我,佢越嚟越紅,我就越嚟越避,所以我就let go。其實佢都係受害者,現實生活中好懂得愛我,係我配唔起佢。而家佢成為朱太,我好開心, 我見到人家幸福我就開心。」

魏駿傑離婚零收入曾想輕生 靠愛女救番:將隻脚踏返落嚟!
魏駿傑與滕麗名曾經是大家心目的金童玉女。(圖片來源:新傳媒圖庫)
魏駿傑承認當年分手,令滕麗名受到傷害。(圖片來源:新傳媒圖庫)
魏駿傑承認當年分手,令滕麗名受到傷害。(圖片來源:新傳媒圖庫)
魏駿傑離婚零收入曾想輕生 靠愛女救番:將隻脚踏返落嚟!
幸好2013年滕麗名與拍拖1年的圈外男友朱建崑修成正果。(圖片來源:新傳媒圖庫)