魔法伽利略

魔法伽利略|馮盈盈孖何依婷做美女助教!波波+連詩雅做嘉賓「嘈到拆天」

娛樂

廣告

TVB新節目《魔法伽利略》於2月2日起逢周四、五晚10點半在翡翠台播出,節目由魔術師甄澤權(Louis)加上馮盈盈及何依婷這兩位「美女助教」做主持,最新兩集嘉賓有連詩雅(Shiga)、蔣家旻、黃婧靈(波波)、陳敏之等,不過這班女藝人組合,卻令網民十分擔心,指齋睇相都覺得這個節目應該會好嘈!

魔法伽利略 雖然這個節目是以魔術師Louis做主角,但網民都指馮盈盈和何依婷一定會「喧賓奪主」!
雖然這個節目是以魔術師Louis做主角,但網民都指馮盈盈和何依婷一定會「喧賓奪主」!(圖片來源:TVB提供)

《魔法伽利略》網民預測「嘈到拆天」

《魔法伽利略》每集都會邀請四位星級嘉賓分成兩組進行比賽,競猜馮盈盈與何依婷的表演到底是科學還是魔術,而節目第一集嘉賓有蔣家旻、羅天宇 和馬貫東、連詩雅(Shiga)。不過光睇兩位「美女助教」陣容,已引來不少網民擔心這個節目將會「嘈到拆天」!

魔法伽利略 何依婷不論拍節目或拍劇都經常被網民嫌棄把聲嘈到爆。
何依婷不論拍節目或拍劇都經常被網民嫌棄把聲嘈到爆。(圖片來源:TVB提供)
魔法伽利略 而馮盈盈更是圈中出名的「大喇叭」,經常被拍檔投訴把聲太嘈!
而馮盈盈更是圈中出名的「大喇叭」,經常被拍檔投訴把聲太嘈!(圖片來源:TVB提供)

Louis人手測試釘槍引嘩聲四起

Louis表演「第六感」魔術時,要靠第六感在四把工業用釘槍中,揀中三把沒有上釘的釘槍,並直接以人手測試釘槍是否有釘,萬一揀錯,Louis的手便會即時受傷,他也講到明這是個超危險魔術表演:「有咩閃失,我唔使再做魔術師!」所以整個表演過程絕對是嘩聲四起!

魔法伽利略 魔術未開始,只係釘槍示範,馮盈盈已經嘩定先。
魔術未開始,只係釘槍示範,馮盈盈已經嘩定先。(圖片來源:TVB提供)
魔法伽利略 蔣家旻都有一齊嘩。
蔣家旻都有一齊嘩。(圖片來源:TVB提供)

連詩雅驚聲尖叫

被邀請參與其中的蔣家旻更一度責怪Louis:「又係我?我係咪同你有仇?」馬貫東則擔心地問Louis:「呢個魔術你玩咗幾多次?」對自己表演充滿信心的Louis,更一度企圖請連詩雅拿出玉手幫忙測試釘槍,嚇得她尖叫連連,場面極為緊張刺激。

魔法伽利略 連詩雅要「出手」幫忙做釘槍測試。
連詩雅要「出手」幫忙做釘槍測試。(圖片來源:TVB提供)
魔法伽利略 嚇到她發出超高分貝尖叫!
嚇到她面容扭曲,兼發出超高分貝尖叫!(圖片來源:TVB提供)

陳敏之數度大叫

第二集嘉賓有黃婧靈(波波)、陸浩明(6號)和黎諾懿、陳敏之。Louis是集表演兩大「預知」魔術,在估骰仔的魔術表演中,Louis發揮了驚人的預知能力,嚇得陳敏之不但杏眼圓瞪,並數度大叫「Amazing」、「OMG」。

魔法伽利略 陳敏之都有狂叫。
陳敏之都有狂叫。(圖片來源:TVB提供)
魔法伽利略 不停大叫「Amazing」、「OMG」!
不停大叫「Amazing」、「OMG」!(圖片來源:TVB提供)

波波被6號笑是「大腦黑洞」

而在緊接的「隨機拮爆四個不同顏色氣球」表演中,自認是「大衛高柏波」、但卻遭6號笑指是「大腦黑洞」的波波獲邀參與表演。Louis無論是在遭人手遮眼、或是紙袋笠頭的狀態下均料事如神,最後更拿出一張令全場歎為觀止的預知字條,嚇到當事人波波眼都凸埋!

魔法伽利略 波波測波波。
波波測波波。(圖片來源:TVB提供)
魔法伽利略 Louis精準預測到氣球爆破嘅次序,嚇到波波都叫埋一份。
Louis精準預測到氣球爆破嘅次序,嚇到波波都叫埋一份。(圖片來源:TVB提供)

波波咩都被睇穿晒

波波事後受訪時笑言:「真係估唔到佢會估中晒,依家見到佢好似咩都被佢睇穿晒咁。」笑問有否造馬?波波則認真回應謂:「我都想佢造馬,等我唔覺得佢咁神奇,好期待佢下次玩刀鋸美人,我想畀佢鋸吓,咁就知有冇造馬!」

魔法伽利略 波波話好似咩都被Louis睇穿晒咁。
波波話好似咩都被Louis睇穿晒咁。(圖片來源:IG@krysellawong)

自嘲手指痙攣冇魔術天份

波波又自嘲沒有魔術天分:「以前有個Friend玩開魔術,我都有跟佢學吓,但我就好似手指痙攣咁冇咩天分。其實我覺得魔術呢樣嘢好得意,成日都有啲意想不到嘅嘢發生,有機會都想再學吓。」

魔法伽利略 波波自嘲手指好似痙攣咁,冇咩魔術天分。
波波自嘲手指好似痙攣咁,冇咩魔術天分。(圖片來源:IG@krysellawong)

即睇《魔法伽利略》預告:

魔法伽利略 睇片都聽到成班女聲不停嘩嘩嘩!
睇片都聽到成班女聲不停嘩嘩嘩!(圖片來源:TVB提供)

撰文:東方新地圖片來源:TVB提供、IG@krysellawong資料或影片來源:原文刊於東方新地