麥包

麥包疫市開舖賣和牛 大女幫手打理 肉麻唱唱張學友名曲送愛妻

娛樂

廣告

51歲的麥包(麥長青)疫市開舖被指藝高人膽大,21歲的大女幫手打理和牛店生意,不過新開張卻惹來是非,他表示湯記已解釋係開玩笑,不過網民就咬住唔放,麥包亦被爆黑歷史,有網民指他曾扮 hehe接近屋企過百億身家的何寶生。

原文刊於:東方新地

麥包疫市開舖賣和牛

過去搞過唔少生意開過茶餐廳的麥包,日前與兩名友人合資過百萬開店主打日本和牛食材,頻頻在社交網做生招牌。麥包仔大女大,21歲的大女幫手打理和牛店生意,18歲細仔仍在求學,一家四口非常幸福。

麥包

麥包教仔滿口道理,振瑋笑爸爸「古董化」,不夠新潮,「佢話家姐比較多,『哎呀你又唔明我講咩!就係你呢啲諗法,呢個社會先咁亂咋嘛!』」

2
麥包覺得有小朋友的人生比較齊整和完美,「好多朋友後生嗰陣為拼博唔生小朋友,後來佢哋都後悔,佢哋事業上可能好成功,但當佢哋60歲得番自己一個,當日嘅決定就變成遺憾,人生係無得重來。」

麥包坦言比較疼錫大女淳琳

俗語有云︰女兒是爸爸的前世情人。麥包坦言比較疼錫大女淳琳,希望她細心聽話,將來嫁到好人家,「仔女始終都唔同,有唔同錫法亦有唔同教法,我比較傳統,覺得男仔始終要孭起頭家,女仔就始終想佢斯文啲、聽話啲、細心啲。同埋女仔都係要錫多啲嘅,因為第時佢要嫁人啦,希望錫佢嗰個係佢老公嘛,我仲可以鍚得幾耐吖?所以我想喺仲能夠錫佢期間就錫佢多啲啦!」他強調此舉並非偏心,只希望培育細仔振瑋有學識、能堅強自立,將來做個真男人。

4
麥包形容與囡囡的關係好微妙,有時跟阿女鬧交唔睬大家,就像情人鬥氣冷戰。

麥包雖然錫女,但淳琳始終是大家姐,比細佬大三年,麥包對淳琳比較多說教式訓話,「以前阿仔細個未明,所以我話個女多啲,阿仔就成日喺隔籬睇,佢見到家姐做完俾我話,咪醒啲唔跟住做囉。」

跟爸爸開工 讀書開竅

父母縱容多有反效果,麥包坦言過去對大女太寬鬆、太放縱,學業成績一般,幸好她長大後自己識諗開竅,才令他鬆一口氣。「我一直都冇迫佢讀書,結果佢細個好心散,太放鬆,一捉番緊佢就搞到大家都辛苦,好彩近年佢開咗竅,明白真係要俾心機讀書,呢個係我好彩。」

cats
振瑋形容家姐為「唔識管家的管家婆」,乜都想幫弟弟安排和管理。

女兒突然開竅,或許跟過爸爸開工做助手兩個月有關,「開頭佢係貪得意想見識吓,佢跟咗我兩年,尤其第二年嗰兩個月,佢見到我做嘢辛苦,見到我嘅工作態度,的確影響咗佢,令佢待人處事都成熟咗,連讀書成績都好咗!」

5
兩姊弟自小糖黐豆,有段時間曾經水溝油,但經了解後感情更深厚。

淳琳過去成績一直處於中下游,現在成績突飛猛進,考到前列位置,麥包有感女兒終於有盡力。「佢知道自己原來係得嘅,老師都好錫佢,以前我成日um佢『你俾心機讀書就唔會差嘅。』依家印證到,佢開心我又開心!以前我要成日叫佢溫書、做功課,依家調番轉叫佢唔好溫,去瞓啦!」

學習不要輕言放棄

管教仔女讀書不能過度寬鬆,亦不能太緊,尤其幼稚園時期應該輕鬆發展,直到小三四開始慢慢收緊。「依家啲細路幼稚園已經學好多嘢,我係唔贊成,除非佢哋自己想學,佢哋細個想學咩我就俾佢哋學。」

1

麥包肉麻唱唱張學友名曲送愛妻

麥包和太太林孜結婚21年,甚少公開放閃。日前趁酒醉在fb肉麻唱〈你的名字我的姓氏〉送愛妻,自我陶醉瞇晒眼,更感觸說:「多謝你廿年來一路喺我身邊,希望嚟緊唔會為我擔驚受怕。謝謝你一直在我身邊,無論有多大的風雨,只要有你在旁已足夠,謝謝你一直包容我的缺點和脾氣,無以為報,只願陪你到白頭!」

麥包

好友湯寶如好心做壞事

好友湯寶如卻好心做壞事,她在 IG留言:「麥包開舖!一定支持。」有網民即開玩笑留言:「以為賣包。」卻換來湯寶如發火回覆:「係呀同你打包啊!」湯寶如被斥無品,遭大批網民留言攻擊,麥包就躺著也中槍。麥包慘遭網民圍攻,有人控訴他的和牛店無飲食牌照,疑似違規,麥包坦誠自己沒有飲食牌照,但有商業牌,因為只是經營外賣不是餐廳,所以不需要飲食牌照。

 

麥包

麥包
麥包一開舖,好友湯寶如就送大禮,她上載合照恭賀卻引發軒然大波,網民問新店是否賣包,湯記竟惡言相向話幫對方打包(有打包屍體之意),被炮轟無品。
麥包
麥包在疫市開舖被指藝高人膽大,不過新開張卻惹來是非,他表示湯記已解釋係開玩笑,不過網民就咬住唔放,麥包亦被爆黑歷史,有網民指他曾扮 hehe接近屋企過百億身家的何寶生。
麥包
麥包的新舖仍在試業階段,他更開直播教大家煮和牛。

與何寶生關係耐人尋味

其後,再有網民爆料翻舊帳,指麥包當年扮 hehe接近何寶生,居心叵測,據知情者透露:「當年麥包同寶生都係當紮小生,喺清水灣舊電視城成日出雙入對,食飯同收工都一齊,雖然當時麥包已經有女朋友,但佢同寶生嘅關係真係耐人尋味,不過大家都係覺得佢扮 hehe攞著數,最終呃唔到人都會露出真面目。」

麥包
何寶生比麥包大一年,二人同期出道,94年麥長青由兒童節目《閃電傳真機》轉到戲劇組發展,拍第一套劇《命轉乾坤》就與何寶生合作。
麥包
富家公子何寶生與草根出生的麥包惺惺相惜,除了開工朝夕相對,就連出去接騷都拍住上。
麥包
當年麥包與拍拖一年的女友林孜結婚,雖然他否認是奉子成婚,但大女麥淳琳在他婚後五個月就出世,而當時與他關係要好的何寶生竟充當伴郎。

何寶生出生大富之家,他是香港寶生銀行的大少爺,家族總資產高達267億港元。讀完訓練班簽無綫即被力捧成當家小生,憑俊俏官仔骨骨形象上位,99年麥包結婚,何寶生更擔任伴郎,不過之後關係愈見疏離,有傳何寶生在感情路上大受打擊,05年突然在大嶼山寶林禪寺出家為僧,法號道生,此後他行蹤飄忽,雲遊四海。密友關係話斷就斷,一定有原因,麥包曾被問及何寶生何去何從,亦坦言難以聯絡:「佢依家生活隱世,我同佢都係靠 email聯絡,要等佢去到一個收到 email嘅地方先會覆,不過起碼都要一年半載。」聯絡唔到抑或唔想再見,只有當事人最清楚。

麥包
何寶生家族坐擁超過二百億身家,不過他從不戀財,入無綫後,與古天樂同被力捧,他拍過《鑑證實錄》、《刑事偵緝檔案Ⅲ》、《白髮魔女傳》多部劇集,當中金庸古裝劇《笑傲江湖》中的林平之最得人心。
麥包
有財有勢衣食無憂的何寶生,卻在05年突然遁入空門走去出家,08年因為有盜賊到他隱居的寺廟偷金鏈,正好被何寶生碰到,外界才知道他的行蹤,據知近年他雲遊四海,足跡遍布美加及新西蘭。