東張西望｜騙徒冒充麥明詩FB呃錢 事主憑一個關鍵「醒目」踢爆騙局
廣告
《東張西望》報道，有人冒充麥明詩的身份於網上結識不同的男士，這個網絡「麥明詩」不停同支持者傾偈，又傾心事仲問埋對方有無女朋友？由於呢個「麥明詩」太主動！結識一星期後事主識穿又係一個騙案，最後麥明詩本人接受記者訪問，作出回應⋯⋯
騙徙冒充麥明詩 網交普通市民作故仔呃錢
《東張西望》報道有騙徙冒充麥明詩向fans借錢企圖行騙，節目邀請到事主劉先生現身說法。劉先生表示6月21日騙徙以虛假麥明詩Facebook帳戶與自己對話，試圖向劉生「借」15750美金（約12萬港元）作為電影許可費。假冒麥明詩向劉生盡訴心中情，扮可憐指幕後管理團隊食水深，收入拆帳只得3成，因不想再剝削想自資自立門戶。
行騙手法扮溫柔 稱呼事主「親愛的」
冒牌「麥明詩」連日與劉生先對話，表示自己父母入院等錢使，繼而又問他有冇太太或者小朋友，一講錢就叫佢「親愛的」，似乎想用溫柔香欺騙事主。不過劉生醒目，在節目中反問：「麥明詩雖然唔係特別有錢，但係屋企經濟都叫過得去，你麥明詩12萬都要問fans借錢？」事後更反容為主耍返騙徙轉頭，最後事主冇上當，騙徙就用英文鬧佢係懦夫。
事主識破騙徒 親身報警因一原因未能立案
劉先生認為該帳號明顯是偽冒的戶口，整個過程都只為騙取他的信任和金錢，於是在掌握相當充足的對話後，前往警署報案，不過警方向他表示，由於他未有金錢上的損失，難以立案，未能進一步作深入調查。於是劉先生決定透過媒體公開事件，以防其他市民同樣受騙！
麥明詩親自回應：我唔會喺公眾平台叫搵人借錢
麥明詩得悉事件後親身回應，她表示：「我之前都知道有人冒充自己開咗個page，當時有即刻向Facebook舉報，因為擔心唔知背後嘅人有咩企圖，擔心支持自己的朋友有損失。都冇辦法，因為網絡世界好多人用唔同方法行騙，希望大家警剔啲，我都係警剔啲，同埋我唔會透過公眾平台叫人借錢俾我。」
睇片重溫：
《東張西望》報道有騙徙假冒麥明詩周圍借錢，幸而事主醒目踢爆，力保不失。
麥明詩在劍橋大學的成績如何？
麥明詩在劍橋大學的成績曾受到質疑，早前她亦曾在社交媒體上公開自己的成績⋯⋯詳情請看
歷屆港姐樣貌最大變化的是誰？
回想歷年的香港小姐三甲在第一輪面試時，不論衣著或時裝扮上都與現在的模樣很與眾不同，有的更是以全素顏示人…詳情請看
