龔嘉欣 衰多口 龔嘉欣話唔會搵陳瀅去解決,見到面亦唔會覺得尷尬。

龔嘉欣回應得罪陳瀅:「大家都知發生咩事!」自爆有暗病避席台慶

娛樂

廣告

正所謂禍從口出,32歲的龔嘉欣早前係威係勢句句有骨明寸陳瀅,有傳其言行令原本有份主演的劇集《新四十二章》安排被抽起,就連台慶當晚,龔嘉欣亦無影無蹤。今日(22日),龔嘉欣現身商場活動,急急蒲頭兼賣口乖,回應寸陳瀅事件。

龔嘉欣 衰多口 龔嘉欣與活動司儀林柏希合照。
龔嘉欣與活動司儀林柏希合照。(圖片來源:ig@lam_william )

龔嘉欣台慶劇終極告吹

早前龔嘉欣曾對外表示:「我係捱返嚟嘅,19歲簽給TVB,由一個小蕃薯捱吓捱吓到而家都好感恩。」句句有骨擺明葡萄陳瀅憑《美麗戰場》擔正就有份上位爭視后,隨後有傳無綫高層出手,把劇集《新四十二章》煞停,壓一壓龔嘉欣的氣焰,結果大家有目共睹,最後此劇終極被抽起,改由黎耀祥及朱晨麗主演的《輕‧功》頂上。

龔嘉欣 衰多口 龔嘉欣 有傳龔嘉欣因為傳陳瀅已被抽劇。
有傳龔嘉欣因為傳陳瀅已被抽劇。(圖片來源:IG@kungkaty)
龔嘉欣 衰多口 龔嘉欣 不過龔嘉欣EQ甚高,回應傳媒時否認所有指控,仲解釋點解冇份參與台慶。
不過龔嘉欣EQ甚高,回應傳媒時否認所有指控,仲解釋點解冇份參與台慶。(圖片來源:IG@kungkaty)

搵過陳瀅解釋? 龔嘉欣:其實大家都知道發生咩事

對於疑似暗串陳瀅的言論,龔嘉欣否認說過那些話,直言實冇去講其他人,亦冇去評論其他人,仲話自己知道冇咁講過就OK,見到陳瀅不會感到尷尬,被問到時候是否找過陳瀅解釋事件,龔嘉欣斬釘截鐵表示:「冇冇冇!其實大家都知道發生咩事,又係呢個行業嘅人,大家都係笑吓。」龔嘉欣仲笑言大家覺得她有競爭性,感到好開心,而她沒有想過找陳瀅去交代事件,直言其實大家都知道發生咩事,一笑置之。

龔嘉欣 衰多口 龔嘉欣 龔嘉欣早前飛日本玩得好開心,不過返港後就話心臟有事。
龔嘉欣早前飛日本玩得好開心,仲喺台慶期間狂出旅遊相,不過返港後就話心臟有事。(圖片來源:IG@kungkaty)
龔嘉欣 衰多口 龔嘉欣話唔會搵陳瀅去解決,見到面亦唔會覺得尷尬。
龔嘉欣話唔會搵陳瀅去解決,見到面亦唔會覺得尷尬。(圖片來源:美麗戰場劇照)

節目巡禮、台慶夜連環缺席 無安排位置

《萬千星輝賀台慶》是無綫每年的年度盛事,全台演員會被安排影大合照,而企位往往都能睇出誰是上位演員,龔嘉欣雖然台慶前已由日本旅遊回港,但據合無綫並無安排位置給她,因此惹來外界揣測龔嘉欣被公司雪藏冷對待。有見及此,今日龔嘉欣現身商場聖誕活動,為自己抱不平外還賣口乖,轉口風轉得咁快,莫非真係怕一舖清袋渣都無。

龔嘉欣 衰多口 龔嘉欣 今年無綫的節目巡禮及台慶夜,龔嘉欣都冇份出席。
今年無綫的節目巡禮及台慶夜,龔嘉欣都冇份出席。(圖片來源:無綫影片截圖)

自爆心臟出問題 「公司好錫我」

商場活動後,龔嘉欣回應記者提問,先解釋缺席《節目巡禮》是很因為早已向公司請了一個月大假休息,期間和一班朋友去了日本旅行,返港後身體出現問題才未能出席,她說:「因天生心臟血管問題,台慶需要好長時間排練,所以公司都好體諒(即係咩事?)血管位生歪咗,如果要做手術要開胸,屬於大手術,醫生都建議唔好做。公司好錫我,嚟緊已經安排咗拍劇,係一個正能量嘅角色。」

龔嘉欣 衰多口 龔嘉欣 龔嘉欣表示將會為爭視后而發力。
龔嘉欣表示將會為爭視后而發力。(圖片來源:IG@kungkaty)
龔嘉欣 衰多口 龔嘉欣 有兩劇入圍角逐視后的龔嘉欣對自己好有信心。
有兩劇入圍角逐視后的龔嘉欣對自己好有信心。(圖片來源:IG@kungkaty)

《十八年後》角逐視后 一切依從公司安排

對於《新》劇兩度被抽起,龔嘉欣即時賣口乖表示該劇將安排與大陸同步播映,需要重新配音及剪接,所以才會兩度改期,仲擦晒鞋話:「以公司安排為大前提,只要對部劇好,做演員都會配合。」

龔嘉欣今年將憑《十八年後的終極告白2.0》及《回歸光影頌:究竟天有幾高》兩劇入圍角逐視后,她信心滿滿表示:「一定要對自己有信心,但最開心係套劇令觀眾有共鳴,一齊陪笑陪喊,(對邊套比較有信心?)《十八年》,因為我同譚俊彥喺入面都合作得好好,大家創造咗好多驚喜出嚟。」

龔嘉欣 衰多口 龔嘉欣 龔嘉欣在《十八年後的終極告白2.0》中有爆seed演出。
龔嘉欣在《十八年後的終極告白2.0》中有爆seed演出,掌摑視帝譚俊彥。(圖片來源:無綫影片截圖)

為爭視后積極拉票

有傳今年視后提名名單惹爭議,龔嘉欣坦言沒有留意,稱自己入圍都是昨晚才得知:「好多朋友話投我票,先醒起要開始拉票(對頒獎禮持放棄態度?)唔係,我好積極,只係未發力,個名單噚日先出,依家拉票都未遲,要好好地諗吓點樣拉票。套劇播咗之後有回響已經她開心,如果有獎梗係錦上添花。」

龔嘉欣 衰多口 龔嘉欣 《回歸光影頌:究竟天有幾高》雖然冷門,但龔嘉欣就話自己好畀心機去演。
《回歸光影頌:究竟天有幾高》雖然冷門,但龔嘉欣就話自己好畀心機去演。(圖片來源:無綫影片截圖)

《萬千星輝賀台慶》那些藝員/劇集是奪獎大熱?

一年一度的《萬千星輝頒獎典禮2022》將於明年1月8日舉行,日前(11月21日)TVB在將軍澳電視城公布提名名單,其中不少網民都猜測《下流上車族》會包攬最多獎項!而視帝、視后大熱則是…點擊即看:所有獎項入圍名單一覽+大熱提名

陳瀅曾遭女藝人向高層篤背脊?

被問到有冇親眼見過或者聽過同輩女藝人爭上位的情況,陳瀅就大爆曾經有過被一位女藝人走上高層房篤背脊的經歷…即看:陳瀅受訪呻被摑委屈

撰文:東方新地圖片來源:IG@kungkaty資料或影片來源:原文刊於東方新地