KKBOX香港風雲榜2022

KKBOX香港風雲榜2022|MC熱舞演出新歌 IAN AK兄弟合唱!即睇精彩重溫

娛樂

廣告

《KKBOX香港風雲榜》第四屆已完滿結束,今屆 KKBOX 風雲榜以「TUNE IN HERE」為題,為的是要匯聚不同的音樂訊號及頻率,用音樂為 2022 作美好總結。得獎名單是百分百以樂迷點播次數而產生,衍生出十位年度風雲歌手及年度新人。本屆十大風雲歌手中除了張敬軒因工作、姜濤受傷以及 Dear Jane 臨時抱恙未能出席外,有Serinni、MIRROR、Jer、陳蕾、Anson Lo、林家謙、Ian、AK、Edan,更有特別嘉賓古巨基、The Hertz 及 Novel Fergus 的驚喜表演!

風雲大使 Serrini 華麗登場散播「樹仔 Energy」成為最趣緻的我!

大會主持 Serrini 以風雲大使身份,換上靚衫連同舞蹈員喺延伸舞台上,將〈樹仔〉energy 散播到現場嘅每一個角落,Serrini 又帶觀眾一齊〈~旋轉with me*〉,集可愛活力於一身。最後以〈樹木真美〉華麗又強勢咁震撼全場!

MIRROR以〈 We All Are〉為風雲榜帶起高潮

首次踏上風雲榜舞台嘅MIRROR 為大家送上〈 Innerspace 〉同〈 Boss 〉,炸爆舞台!相信大家都好期待呢個久違嘅舞台,仲送上超感動嘅〈 We All Are〉,同大家一齊用心感受呢份兄弟情。

全場大合唱!「狂人」 Jer 柳應廷閃耀全場

除咗係「狂人」 ,Jer 柳應廷更加係「年度風雲歌手」, 今次帶嚟〈狂人日記〉,一齊陷入狂,仲有全場大合唱〈人類群星閃耀時〉,呢位發光發亮嘅星照亮全場歡眾,帶嚟滿滿感動!

陳蕾驚喜演出!全新演繹〈到底發生過什麼事〉

陳蕾驚喜登場!仲為大家全新演繹〈到底發生過什麼事〉,希望咁多位樂迷都會鐘意呢一個版本。當然都要再為大家帶嚟佢個個人作品〈下流社會〉同〈熒光〉,一齊喺現今社會捉緊心裏嘅光。

「年度風雲歌手」 Anson Lo 盧瀚霆打頭陣送上勁歌熱舞

第四屆KKBOX香港風雲榜打頭陣有「年度風雲歌手」 Anson Lo盧瀚霆以兩首快歌〈 King Kong 〉同〈 Mr. Stranger 〉為風雲榜揭起序幕。全場觀眾一齊跟住「教主」 Get Ready ,聽到大家嘅尖叫聲!

「年度風雲歌手」兼主持林家謙做個傻更更的你!

家謙今年身兼「年度風雲歌手」同擔任「主持」呢個重任,再次喺風雲榜亮相,聽咗全晚佢同 Serrini 嘅搞笑對話,音樂才子形象去咗邊?自彈自唱嘅家謙搖身一變,氣質滿滿,唔知大家聽完又做唔做到一個傻更更的你呢?

IAN AK兄弟携手送上〈黑之呼吸〉一齊感受這熱情

Ian 仲同好兄弟 AK 帶嚟〈黑之呼吸〉,唔知咁多觀眾有冇感受到佢哋嘅熱情呢?現場嘅歡呼聲同尖叫聲已經比咗答案你!

Edan 呂爵安係首位同時獲得「年度風雲歌手」同「年度新人」嘅歌手,E 先生為大家自彈自唱奪得年中榜冠軍同埋本地年度累積榜冠軍嘅〈 E先生 連環不幸事件〉,仲聯同四位小提琴及大提琴樂手同 Edan 一同演繹〈 小諧星〉,訴說出道至今自身嘅故事。

要數到風雲榜焦點之一,一定係古巨基嘅驚喜登場,兩人為大家帶嚟〈飄流教室〉嘅首次 LIVE 合唱,見到古 sir 久違嘅演出,相信各位樂迷都超興𡚒!

The Hertz 早前寫咗〈MM7〉呢首作品畀 Jer柳應廷,唔少樂迷都好期待佢哋幾時會合作演出。終於!喺風雲榜嘅舞台可以見到佢哋唱出串燒歌 〈 Now Here, Man!〉、〈阿喪〉、〈千世書〉,當然唔少得〈MM7〉。希望咁多位樂迷都享受呢個咁MM7嘅演出。

MC 張天賦出道首年已經奪得「年度風雲歌手」,踏上風雲榜嘅舞台為大家帶嚟一連串精彩演出。除咗帶嚟喺上年穩佔本地新歌週榜冠軍嘅〈反對無效〉之外,仲率先帶嚟新歌〈Overkill〉,展現全新形象,掀起全場氣氛。

MC 更加聯同本地獨立音樂 RapperNovel Fergus 唱出〈至尊寶〉,以及由 Novel Fergus 為大家帶嚟〈皮外傷〉,一齊感受唔同嘅香港音樂。

Ian 陳卓賢首度獻唱新歌〈地球上的最後一朵花〉

「年度風雲歌手」Ian 陳卓賢甜蜜獻唱〈 DWBF 〉,冧爆全場觀眾。Ian 早前推出新歌 〈地球上的最後一朵花〉,由自己一手包辦曲詞編曲監同主唱。

「年度編輯推薦歌手」 per se 為大家帶嚟兩首歌曲〈孤獨之塔〉以及〈在生〉,以最招牌嘅詩式搖滾感動全場樂迷。

關於KKBOX香港風雲榜

「KKBOX香港風雲榜」是本港首個百分百以樂迷點播次數產生得獎名單的頒獎典禮,真實反映一眾 KKBOX 樂迷的音樂喜好。 本屆成績單記錄了那些頻率對上樂迷的靈魂,引發共鳴,在歷經傳承後再次展現屬於香港音樂的嶄新景象。

那位重量級歌手驚喜登場與 Edan 合唱?

要數到風雲榜焦點之一,一定係有一位重量級歌手驚喜登場,兩人為大家帶嚟〈飄流教室〉嘅首次 LIVE 合唱…詳情請看

那位歌手打頭陣送上勁歌熱舞?

第四屆KKBOX香港風雲榜打頭陣有「年度風雲歌手」 Anson Lo盧瀚霆以兩首快歌〈 King Kong 〉同〈 Mr. Stranger 〉為風雲榜揭起序幕。點擊即看:精彩片段重溫

圖片來源:kkbox資料或影片來源:原文刊於東方新地