月經

月經來潮被港媽質疑在外搞三搞四帶去求醫 小五女受辱16字反駁

家庭生活

廣告

月經 是女生子宮的周期性出血,周期由21日至35日不等,屬正常生理現象。根據衛生署解釋,月經多在11歲至12歲出現,但亦有較早的例子。近日有媽媽帶同就讀小五的女兒去診所,質疑她「見紅」是因為亂搞男女關係。即使診所姑娘解釋,她都不相信,令女兒受盡屈辱。帖文引來很多網民討論,大家異口同聲指媽媽太敏感,而且對月經的知識明顯不足。

撰文:Clara | 資料、圖片授權:「診所低能奇觀」、SHUTTERSTOCK

媽媽質疑女兒「見紅」因在外搞三搞四

近日Facebook專頁「診所低能奇觀」上載一篇文章,講述港媽在診所羞辱女兒,有超過400個網民留言。事緣有位媽媽帶女兒到診所求醫,一去到登記處就很生氣地說:「嗌醫生同我check吓佢係咪做埋啲唔三唔四嘅嘢!」姑娘禮貌地問需要檢查哪兒,媽媽激動表示:「佢嗰度見紅呀,仲可以check啲咩呀?梗係睇吓佢係咪做咗嗰啲嘢啦!」

媽媽質疑女兒「見紅」因在外搞三搞四(圖片來源:SHUTTERSTOCK)
媽媽質疑女兒「見紅」因在外搞三搞四(圖片來源:SHUTTERSTOCK)

女兒受辱反駁 姑娘幫口解釋

媽媽還鬧爆在身旁的女兒:「你最好講係同邊個做啦吓!你唔講我都會捉到佢㗎!」被公開羞辱的女兒否認曾亂搞男女關係:「我無呀,點解你係都唔信我呀?」媽媽堅持不相信女兒:「點信你呀?你當我無做過女仔呀?你阿媽我都係女仔嚟㗎!」姑娘好心叫該位媽媽冷靜,又提醒媽媽,女兒有機會是月經來潮,但媽媽大聲夾惡地表示吆喝她:「小學五年班月咩經呀?我未嚟過呀?」女兒開始流淚,很委屈地反駁媽媽:「我都講咗我無做過,點解你唔信我喎…」姑娘解釋新一代小朋友普遍都比較早熟,小學已經開始有月經,並非甚麼新鮮、奇怪的事,但她會照幫女童登記做醫生檢查,又勸喻媽媽不要未審先判。

媽媽情緒激動地鬧女兒:「Check呀!Check真啲呀!我哋舊時邊有咁細個就嚟M㗎?實係佢做埋啲唔三唔四嘅嘢,我一定會擰甩你個頭㗎!」姑娘再次提醒媽媽冷靜,同時索取女童證件登記。這時女兒坐在診所一角繼續喊不停,媽媽繼續「火遮眼」。

知道月經真相後感到難為情

最後,醫生證實女童的確是月經來潮,媽媽步出醫生房門時很細聲地問姑娘:「既然無咩嘢,係咪唔使畀錢可以走啦?」姑娘解釋醫生有診症就要收診金啊,叫該位媽媽等等醫生寫完報告,但媽媽因為感到難為情,所以很心急問:「姑娘,可唔可以快啲呀,我喺度多一秒都覺得好難受呀。」姑娘反指:「可能你個女仲難受」媽媽嘴藐藐行開。

知道真相後感到難為情(圖片來源:SHUTTERSTOCK)
知道月經真相後感到難為情(圖片來源:SHUTTERSTOCK)

網民批評港媽沒有尊重女兒

網民個個狂鬧該位媽媽,指她完全沒有擔心過女兒:「第一樣嘢就係鬧個女,有冇諗過個女有機會係被人侵犯?有無關心過個女?生仔真係要考牌」、「點解見紅=做咗唔見得光既事?如果做過,流咁多血,佢係咪應該帶個女去急症。」又指她在診所大鬧女兒這行為很侮辱,沒有考慮過女兒感受:「診所當時有無其他病人?如果有,真係對妹妹好大侮辱。」、「大人永遠啱細路永遠錯,一定係藉口一定係講大話一定係被人帶壞…傷害咗啲細路仲要大條道理永不認錯。」

網民批評港媽沒有尊重女兒(圖片來源:Facebook截圖)
網民批評港媽沒有尊重女兒(圖片來源:Facebook截圖)