林芊妤

林芊妤著瑜伽褲帶仔拜山被批不恰當 403字反擊!曾幫工人畀仔落雨出街發聲

熱話

廣告

林芊妤 Coffee將瑜伽興趣變成事業,不但考牌成為瑜伽導師、開設YouTube Channel教人做瑜伽,更推出自家瑜伽服品牌Coffee Sweat,吸金力強。雖然工作忙碌,但林芊妤依然會抽大量時間陪兒子翟伯伯玩,將母子互動片段上載到社交平台,深受網民歡迎。不過近日林芊妤帶翟伯伯去拜山,卻被網民批評著瑜伽褲不太恰當,遂於IG上反擊。

林芊妤著瑜伽褲帶仔拜山被批不恰當 403字反擊

事緣10月4日是重陽節的日子,傳統上孝子賢孫要上山掃墓,拜祭先人。當日,林芊妤都有帶兒子上山,當時她穿著偏紫色瑜伽褲與露腰短袖衫。

然而,有網民質疑衣著不當:「拜山都著瑜伽衫。」、「佢個個性就係咁,喜歡人睇,驚人唔認得佢呀嘛」林芊妤即回覆:「我想講當日我哋係要由山腳行到去山頂,應該叫做行山,喺現場有好多嘅女仔都係着瑜伽褲,其實我真係唔明有咩問題,登高都係運動嘅一種,我唔着瑜伽褲,唔通我着條裙去會合理啲?着牛仔褲又焗又辛苦,着短褲又曬,你話我講得有冇道理啊?」仲有:「啱啱先睇到呢個comment真係眼都突,其實當日我哋登高由山腳柴灣行到山頂凌霄閣,其實都係做緊運動,全程行到身水身汗面容扭曲,咁我想問着運動衫係有乜嘢問題?總好過我着到登台咁去拜山啦係咪?同埋我之後都係去郊外風箏場野餐同放風箏,全日都係運動日﹐大家認為着運動衫褲係咪好合理呢?如果呢個世界可以少啲批評﹐多啲接受會更加美好—正所謂而家我又唔係逼你着」

林芊妤
(圖片來源:IG@coffee89921)
林芊妤
(圖片來源:IG@coffee89921)

其後林芊妤再於Instagram發文,指自己性格比較隨和,但都忍不住要出聲:「我有嘢講,係(喺)香港女仔著leggings,輿論一直冇減退過,好與壞各執一詞,某部份人更加將‘女仔着瑜伽褲’貼上壞標籤,但我唔明白點解着自己鍾意嘅衣著出街,都要俾(被)人討論?…難道我哋又一定覺得你嘅衣着好好睇?我想講喺呢個世界上需要討好既(嘅)人就只有自己,自己鍾意着咩出街唔到其他人理(只要合法),既然點著都會被標籤既話,我著我嘅事,由我自己標籤。」強調大家應互相尊重。但有網民再質疑她為甚麼要公審別人,她再回應:

林芊妤
(圖片來源:IG@coffee89921)

最後她表示要我進行一個為期一個月的活動 ‘30days of leggings’:「無論食飯、行街、去Event、去買餸,任何諗得出嘅場合都着leggings(情況許可既話),我要話俾(畀)所有人聽我鍾意着咩衫係我話事,唔係你。歡迎大家呢30日,每日都去我嘅IG Story highlight,睇我着唔同既瑜伽褲出街(如果夠瑜伽褲嘅話)我要為所有鐘意著瑜伽褲出街嘅女仔出返啖氣(包括我)」

林芊妤
(圖片來源:IG@coffee89921)
林芊妤
(圖片來源:IG@coffee89921)

不少網民表示支持,仲有前TVB藝人李綺雯都留言力撐:「我而家都差唔多日日瑜伽褲。」前TVB藝人羅詠怡:「好多呢啲人睇咩都唔順眼嘅人,現實世界可能好可憐儲咗好多負能量,人哋點著關佢X事」運動員楊文蔚:「Support!!睇到啲留言真係白眼反到上後腦,將自己既(嘅)枷鎖加諸喺別人身上,真可悲」

林芊妤
(圖片來源:IG@coffee89921)

工人畀囝囝落雨出街搵媽咪被批評:整病點算? 林芊妤護航

其實林芊妤不是第一次為不公之事發聲,有次她跟老公外出吃晚飯,過二人世界,將兒子翟伯伯交給工人照顧。吃到中途,工人突然發送了一條短片給林芊妤指:「BB要落街搵媽咪⋯⋯」原來翟伯伯非常黐身,幾乎每次林芊妤出門,他見不到媽媽就會哭。當時他太掛念媽媽,即使出面正落大雨,也堅持要著雨衣在街上周圍行,尋找媽媽。林芊妤見到兒子如此掛念自己,於是馬上回家:「喂呀⋯⋯好啦我依家返嚟啦」正佗著第三胎的胡杏兒睇完片段覺得很窩心,忍不住留言:「Awww」

然而,不少網民將焦點落在林芊妤工人身上。他們指工人竟然在大雨情況下容許小朋友外出,缺乏考慮:「見到夜晚仲要落雨,我只係諗萬一整病點算?」、「咁大雨,工人姐姐唔應該同伯伯落街!」、「未經你或你老公准許,點解個姐姐會同伯伯落街,仲要落雨?」、「你姐姐真係呢⋯⋯」

林芊妤對工人很放心,不覺得工人做錯事,她解釋是因為翟伯伯喊過不停,所以工人才就範,陪他落街:「其實我姐姐平時好小心嘅,我諗我個仔太癲、唔肯就範,所以(工人)先咁做。我哋好似一家人咁,佢都好錫、好緊張BB,所以我好放心嘅。」而且她認為小朋友落雨出街根本沒有問題:「其實BB自己都想玩水,我返到屋企,BB同我講玩得好開心。」

有粉絲看不過眼幫林芊妤解釋,他們指當時天氣並非狂風暴雨般惡劣,翟伯伯有著雨衣,身邊也有大人陪同,最後亦能安全回家,不明白落雨出街有何問題。加上翟伯伯不時伸出小手感受雨點,粉絲們覺得讓小朋友接觸自然環境,總比困喺舒適圈更好:「反而我覺得個畫面好溫馨又好童真,睇得出伯伯好愛媽咪。」另有網民認為工人讓小朋友自由發展是好事,只要小朋友想嘗試,件事又沒有危險就可行:「咩咁大雨唔好帶佢落街,依家落雹咩?」林芊妤表示認同。

林芊妤回應引導家長反省(林芊妤Instagram截圖)
林芊妤回應引導家長反省(圖片來源:IG@coffee89921)

兩招教出堅強孩子:要適當時候放手

林芊妤曾接受傳媒訪問,分享管教方式。她大爆翟伯伯以前常常哭,性格膽小,甚麼事也感到害怕,怕沙石、怕龜和怕狗。所以林芊妤一直陪他慢慢克服,建立安全感,如今已變成愛笑小朋友。

兩招教出堅強孩子:要適當時候放手(林芊妤Instagram影片截圖)
兩招教出堅強孩子:要適當時候放手(圖片來源:IG@coffee89921)
兩招教出堅強孩子:要適當時候放手(林芊妤Instagram影片截圖)
兩招教出堅強孩子:要適當時候放手(圖片來源:IG@coffee89921)

為了培養翟伯伯堅強性格,即使他跌倒,林芊妤都會控制自己情緒,不會第一時間衝過去,而是鼓勵他自己爬起身。林芊妤解釋,適當時候放手,才對小朋友最好:

「做父母
我認為需要學習的是適當時候放手
接受他們的錯誤看開他們的跌倒
因為很多時候看著小孩撞板
出於成人的正常理解和各種經歷
心裡總忍不住想要幫個忙
然而這反而令他們無法吸取教訓
好好回想過來
我們都是一路這樣成長過來的
小時候爸媽苦口婆心的勸告
但我們卻一意孤行
過程中有很多要跌跌碰碰
嘗試各種的失敗和教訓
到最後才會走出自己人生
所以呀
作為父母真的別太折騰
也許到頭來會發現
他們的見識比我們還要厲害

他的人生留待他自己去發掘吧
我就靜靜地做個避風塘
但當然媽媽永遠是最愛你的~

#做媽後才明白父母的愛
#佛系媽媽」

林芊妤很關心翟伯伯的心理健康,她拒絕翟伯伯讀名校、上興趣班,只是給他報讀屋企附近的幼稚園。她認為小朋友年紀還小就要經歷面試,被人審判,會降低他對讀書的興趣,得不償失。她覺得如果是叻仔,在哪裏都會有成就,故寧願兒子在快樂環境下學習。

林芊妤 兩招教出堅強孩子:要適當時候放手
兩招教出堅強孩子:要適當時候放手(圖片來源:IG@coffee89921)

圖片來源:IG@coffee89921